lowborn Crime Incidents 14-11-17 | ತುಮಕೂರು ಜಿಲ್ಲಾ ಪೊಲೀಸ್ | Tumakuru District Police | Tumkur Police

ಡಾ. ದಿವ್ಯ ವಿ. ಗೋಪಿನಾಥ್ IPS,
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು,
ತುಮಕೂರು ಜಿಲ್ಲೆ, ಕರ್ನಾಟಕ

ವರಿಷ್ಠಾಧಿಕಾರಿಯವರ ಸಂದೇಶ

ಪತ್ರಿಕಾ ಪ್ರಕಟಣೆ ದಿನಾಂಕ 16.01.2018 ವೇಶ್ಯಾವಾಟಿಕೆ ದಂಧೆಗೆ ಮಹಿಳೆಯರ ಸಾಗಾಣಿಕೆ... >> :  ಪತ್ರಿಕಾ ಪ್ರಕಟಣೆ  : ತುಮಕೂರು ನಗರದ ದೊಂತಿ ಏಜೇನ್ಸಿಯಲ್ಲಿ ಸಿಗರೇಟ್ ಕಳವು ಮಾಡಿದ... >> ಠಾಣಾ  ದಾಖಲಾತಿಗಳ ನಿರ್ವಹಣೆ ಕಾರ್ಯಗಾರ ದಿನಾಂಕ 13/1/2018           >> -:  ಪತ್ರಿಕಾ ಪ್ರಕಟಣೆ.  :-   ತುಮಕೂರು ಗ್ರಾಮಾಂತರ ಪೊಲೀಸ್ ಠಾಣಾ ಮೊ.ನಂ: 301/2017 ಕಲಂ 457, 380... >> >> -: ದಿನಾಂಕ : 19 -12 -17  :- :  ಪತ್ರಿಕಾ ಪ್ರಕಟಣೆ : ಕೋಮು ಪ್ರಚೋದನಕಾರಿ ಹೇಳಿಕೆಗಳ... >> ಪತ್ರಿಕಾ ಪ್ರಕಟಣೆ :: ದಿನಾಂಕ 12-12-2017  :: ತುಮಕೂರು ನಗರದಲ್ಲಿ ಮೂಲ ಆ.ಐ. ಸ್ಮಾಟ್‌ ಕಾರ್ಡಗಳ... >> ಪತ್ರಿಕಾ ಪ್ರಕಟಣೆ : ದಿನಾಂಕ:-05-12-2017 : ಚಾಳಿಬಿದ್ದ ಅಪರಾಧಿಗಳಿಂದ ಸುಮಾರು ಒಟ್ಟು 5, 00, 100/- ರೂ... >> ತುಮಕೂರು ಜಿಲ್ಲಾ ಪೊಲೀಸ್ ಪತ್ರಿಕಾ ಪ್ರಕಟಣೆ   ತುಮಕೂರು ನಗರದಲ್ಲಿ ಒಂಟಿಯಾಗಿ... >>   New BEAT BEST STAFF AND BEST CRIME DETECTION BEST STAFF >>
  • Facebook: TumkurDistrictPolice
  • Picasa: tumkurpolice
  • Twitter: sptumkur
  • External Link: https://www.youtube.com/channel/UC5uVBpzphJxhwMUHL1NVKVQ

Crime Incidents 14-11-17

ಹೆಬ್ಬೂರು  ಪೊಲೀಸ್ ಠಾಣಾ ಮೊ ನಂ 204/2017 ಕಲಂ 279,337 ಐಪಿಸಿ ರೆ/ವಿ 134(ಎ&ಬಿ), 187 ಐಎಂವಿ ಆಕ್ಟ್

ದಿನಾಂಕ:13-11-2017 ರಂದು ಸಾಯಂಕಾಲ 4-00 ಗಂಟೆಗೆ ಪಿರ್ಯಾದಿಯಾದ ರಾಜಶೇಖರಯ್ಯ,ಎಸ್,ಬಿ ಬಿನ್ ಲೇ|| ಬಸಪ್ಪ, 45 ವರ್ಷ, ಲಿಂಗಾಯಿತರು, ವ್ಯವಸಾಯ, ಸಿದ್ದಪ್ಪನಪಾಳ್ಯ, ಹೆಬ್ಬೂರು ಹೋಬಳಿ, ತುಮಕೂರು ತಾಲ್ಲೂಕು & ಜಿಲ್ಲೆ ರವರು ಠಾಣೆಗೆ ಹಾಜರಾಗಿ ನೀಡಿದ ಲಿಖಿತ ದೂರಿನ ಅಂಶವೇನೇಂದರೆ ನಾನು ಮೇಲ್ಕಂಡ ವಿಳಾಸದಲ್ಲಿ ವಾಸವಾಗಿರುತ್ತೇನೆ. ನನ್ನ ಅಕ್ಕನ ಮಗನಾದ ನಮ್ಮ ಗ್ರಾಮದಲ್ಲಿಯೇ ವಾಸವಿರುವ ವೈ,ಬಿ,ಚಂದ್ರಶೇಖರಯ್ಯ ರವರು ತಿಮ್ಮಸಂದ್ರ ಕೆ,ಇ,ಬಿ ಯಲ್ಲಿ ಕಂಟ್ರಾಕ್ಟ್ ಆಧಾರದ ಮೇಲೆ ಕೆಲಸ ಮಾಡಿಕೊಂಡಿದ್ದು, ದಿನಾಂಕ: 12-11-2017 ರಂದು ರಾತ್ರಿ ಸುಮಾರು 07-00 ಗಂಟೆ ಸಮಯದಲ್ಲಿ ನಾನು ನಮ್ಮ ಗ್ರಾಮದಲ್ಲಿರುವಾಗ್ಗೆ, ತಿಮ್ಮಸಂದ್ರ ಗ್ರಾಮದ ವಾಸಿಯಾದ ನನ್ನ ಪರಿಚಯಸ್ಥರಾದ ಮಂಜುನಾಥ್‌ ಬಿನ್ ಗಂಗರಂಗೇಗೌಡ ರವರು ನನಗೆ ಪೋನ್ ಮಾಡಿ ಇದೇ ದಿವಸ ನಿಮ್ಮ ಅಕ್ಕನ ಮಗನಾದ ವೈ,ಬಿ,ಚಂದ್ರಶೇಖರಯ್ಯ ರವರು ನಾಗವಲ್ಲಿ ಬಸ್‌ ನಿಲ್ದಾಣದ ಟಿ,ಪಿ ರಸ್ತೆಯ ಮುಂಭಾಗದ ಕುಣಿಗಲ್-ತುಮಕೂರು ಟಾರ್ ರಸ್ತೆಯ ಅಂಚಿನಲ್ಲಿ ಕೆಎ-06-ಇ.ಡಿ-4817 ನೇ ದ್ವಿಚಕ್ರ ವಾಹನವನ್ನು ನಿಲ್ಲಿಸಿ, ಸದರಿ ದ್ವಿಚಕ್ರ ವಾಹನದಿಂದ ಕೆಳಗೆ ಇಳಿಯುತ್ತಿರುವಾಗ್ಗೆ, ಕುಣಿಗಲ್ ಕಡೆಯಿಂದ ತುಮಕೂರು ಕಡೆಗೆ ಹೋಗಲು ಬಂದ ಕೆಎ-12-ಎನ್‌-5200 ನೇ ಟಾಟಾ ಸುಮೋ ಕಾರಿನ ಚಾಲಕ ತನ್ನ ಕಾರನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ರಸ್ತೆಯ ಅಂಚಿನಲ್ಲಿ ಕೆಎ-06-ಇ.ಡಿ-4817 ನೇ ದ್ವಿಚಕ್ರ ವಾಹನದಿಂದ ಇಳಿಯುತ್ತಿದ್ದ ವೈ,ಬಿ,ಚಂದ್ರಶೇಖರಯ್ಯ ರವರಿಗೆ ಹಾಗೂ ದ್ವಿಚಕ್ರ ವಾಹನಕ್ಕೆ ಡಿಕ್ಕಿ ಹೊಡೆಸಿ ಅಪಘಾತಪಡಿಸಿದ ಪರಿಣಾಮ ವೈ,ಬಿ,ಚಂದ್ರಶೇಖರಯ್ಯ ರವರಿಗೆ ಎಡಗಾಲಿಗೆ ಹಾಗೂ ಹಣೆಯ ಬಳಿ ರಕ್ತಗಾಯವಾಗಿರುತ್ತೆಂತಲೂ ಹಾಗೂ ಅಪಘಾತಪಡಿಸಿದ ಕಾರಿನ ಚಾಲಕ ತನ್ನ ಕಾರನ್ನು ಸ್ಥಳದಲ್ಲೇ ಬಿಟ್ಟು ಓಡಿ ಹೋದನೆಂತಾ ಪೋನ್ ಮಾಡಿ ತಿಳಿಸಿದರು. ನಂತರ ನಾನು ಸ್ಥಳಕ್ಕೆ ಹೋಗಿ ನೋಡಲಾಗಿ ಅಫಘಾತವಾಗಿರುವುದು ನಿಜವಾಗಿತ್ತು. ನಂತರ ಗಾಯಗೊಂಡಿದ್ದ ವೈ,ಬಿ,ಚಂದ್ರಶೇಖರಯ್ಯ ರವರನ್ನು ನಾನು ಮತ್ತು ಮಂಜುನಾಥ್‌ ಇಬ್ಬರೂ ಸೇರಿಕೊಂಡು ಸ್ಥಳಕ್ಕೆ ಬಂದ 108 ಆಂಬುಲೆನ್ಸ್‌ ವಾಹನದಲ್ಲಿ ತುಮಕೂರು ಜಿಲ್ಲಾ ಸರ್ಕಾರಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಚಿಕಿತ್ಸೆ ಕೊಡಿಸಿ, ಅಲ್ಲಿನ ವೈದ್ಯರ ಸಲಹೆ ಮೇರೆಗೆ ತುಮಕೂರಿನ ಹೇಮಾವತಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಚಿಕಿತ್ಸೆ ಕೊಡಿಸಿ, ಅಲ್ಲಿನ ವೈದ್ಯರ ಸಲಹೆ ಮೇರೆಗೆ ಬೆಂಗಳೂರಿನ ನಿಮಾನ್ಸ್‌ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಚಿಕಿತ್ಸೆ ಕೊಡಿಸಿ, ನಂತರ ತುಮಕೂರಿನ ಹೇಮಾವತಿ ಆಸ್ಪತ್ರೆಗೆ ಕರೆದುಕೊಂಡು ಬಂದು ಚಿಕಿತ್ಸೆಗೆ ದಾಖಲಿಸಿರುತ್ತೇವೆ. ಆದ್ದರಿಂದ ತನ್ನ ಕಾರನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿ ಈ ಅಫಘಾತಕ್ಕೆ ಕಾರಣನಾದ ಕೆಎ-12-ಎನ್‌-5200 ನೇ ಟಾಟಾ ಸುಮೋ ಕಾರಿನ ಚಾಲಕನ ಮೇಲೆ ಕಾನೂನು ರೀತ್ಯ  ಮುಂದಿನ ಕ್ರಮ ಜರುಗಿಸಬೇಕೆಂದು ತಮ್ಮಲ್ಲಿ ಕೇಳಿಕೊಳ್ಳುತ್ತೇನೆ. ನಾನು ಗಾಯಗೊಂಡಿದ್ದ ನನ್ನ ಅಕ್ಕನ ಮಗ ವೈ,ಬಿ,ಚಂದ್ರಶೇಖರಯ್ಯ ರವರಿಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕೊಡಿಸುತ್ತಿದ್ದರಿಂದ ಈ ದಿವಸ ತಡವಾಗಿ ಬಂದು ದೂರು ನೀಡುತ್ತಿದ್ದೇನೆ. ಅಫಘಾತಪಡಿಸಿದ ಹಾಗೂ ಅಫಘಾತಕ್ಕೊಳಗಾದ ಎರಡೂ ವಾಹನಗಳು ಸ್ಥಳದಲ್ಲಿಯೇ ರಸ್ತೆಯ ಪಕ್ಕ ನಿಲ್ಲಿಸಿರುತ್ತೆ ಎಂದು ನೀಡಿದ ದೂರನ್ನು ಪಡೆದು ಪ್ರಕರಣ ದಾಖಲಿಸಿರುತ್ತೆ.

ಬಡವನಹಳ್ಳಿ ಪೊಲೀಸ್ ಠಾಣಾ ಯು ಡಿ ಆರ್‌‌ ನಂ 20/2017 ಕಲಂ 174  ಸಿ ಆರ್‌ ಪಿ ಸಿ

ದಿನಾಂಕ:- 13/11/2017 ರಂದು ಮದ್ಯಾಹ್ನ 3-30 ಗಂಟೆಗೆ ಪಿರ್ಯಾದಿ ಲಕ್ಷ್ಮಮ್ಮ ಕೊಂ ರಂಗಪ್ಪ ಸೋದೇನಹಳ್ಳಿ  ಗ್ರಾಮ ರವರು ಠಾಣೆಗೆ ಹಾಜರಾಗಿ ನೀಡಿದ ಲಿಖಿತ ದೂರಿನ ಅಂಶವೇನೆಂದರೆ ಈಗ್ಗೆ 8 ವರ್ಷಗಳ ಹಿಂದೆ ನಮ್ಮ ಗ್ರಾಮದ  ದೊಡ್ಡನರಸಪ್ಪ ಬಿನ್‌ ಲಕ್ಷ್ಮಿನರಸಪ್ಪ ಎಂಬುವವರಿಗೆ ನನ್ನ ಹಿರಿಯ ಮಗಳಾದ ನರಸಮ್ಮ ರವರನ್ನು ಕೊಟ್ಟು ಮದುವೆ ಮಾಡಿದ್ದೆವು. 6 ವರ್ಷದ ಒಂದು ಗಂಡು ಮಗು ಇದ್ದು, ಗಂಡ ಹೆಂಡತಿ ಅನ್ಯೋನ್ಯವಾಗಿದ್ದರು. ದಿನಾಂಕ13/11/2017 ರಂದು ಮದ್ಯಾಹ್ನ ಸುಮಾರು 2-00 ಗಂಟೆ ಸಮಯದಲ್ಲಿ ನಮ್ಮ ಗ್ರಾಮದ ಕೆರೆಗೆ ಬಟ್ಟೆ ತೊಳೆಯಲು ಹೋದಾಗ ನನ್ನ ಮಗಳು ನರಸಮ್ಮ ಆಕಸ್ಮಿಕವಾಗಿ ಕಾಲು ಜಾರಿ ಕೆರೆಯ ನೀರಿನಲ್ಲಿ ಬಿದ್ದು, ಮುಳುಗುತ್ತಿದ್ದುದ್ದನ್ನು ಕಂಡು ನಮ್ಮ ಗ್ರಾಮದ ನರಸೇಗೌಡ ಹಾಗೂ ಚಿಕ್ಕಣ್ಣ ರವರು ನನ್ನ ಮಗಳನ್ನು ಮೇಲೆತ್ತಿ ಉಪಚರಿಸಿ ಜೀವ ಇರಬಹುದೆಂದು ಶಂಕಿಸಿ ದೊಡ್ಡೇರಿ ಆಸ್ಪತ್ತೆಗೆ ಕರೆದುಕೊಂಡು ಮದ್ಯಾಹ್ನ 3-00 ಗಂಟೆಗೆ ಹೋಗಿ ವೈದ್ಯರಲ್ಲಿ ತೋರಿಸಲಾಗಿ ಜೀವ ಹೋಗಿದೆ ಎಂದು ತಿಳಿಸಿದ್ದರಿಂದ ನನಗೆ ನರಸೇಗೌಡ ಮತ್ತು ಚಿಕ್ಕಣ್ಣ ಪೋನ್ ಮಾಡಿ ವಿಚಾರ ತಿಳಿಸಿದ್ದರಿಂದ ನಾನು ಬಂದು ನೋಡಿ  ಸಾವಿನಲ್ಲಿ  ಯಾವುದೇ ಅನುಮಾನ ಇರುವುದಿಲ್ಲ ನನ್ನ ಮಗಳ ಆಕಸ್ಮಿಕವಾಗಿ ಕಾಲು ಜಾರಿ  ಕೆರೆಯ ನೀರಿನಲ್ಲಿ ಬಿದ್ದು ಮೃತಪಟ್ಟಿರುತ್ತಾಳೆಂತಾ  ಮುಂದಿನ ಕ್ರಮ ಜರುಗಿಸಿ ಶವ ಸಂಸ್ಕಾರಕ್ಕೆ ಅನುಕೂಲ ಮಾಡಿಕೊಡಬೇಕೆಂದು ನೀಡಿದ ಲಿಖಿತ ದೂರಿನ ಅಂಶವಾಗಿರುತ್ತೆ.

ಜಯನಗರ ಪೊಲೀಸ್ ಠಾಣಾ ಯುಡಿಆರ್ ನಂ. 23/2017 ಕಲಂ 174 ಸಿಆರ್‌ಪಿಸಿ

ದಿನಾಂಕ: 13-11-2017 ರಂದು ಬೆಳಿಗ್ಗೆ 11-30 ಗಂಟೆಗೆ ಶಿರಾ ತಾಲ್ಲೂಕು, ಗೌಡಗೆರೆ ಹೋಬಳಿ, ಹುಣಸೇಹಳ್ಳಿ ಗ್ರಾಮದ ವಾಸಿ ನಿಜಗುಣ ಹೆಚ್‌.ಎಸ್ ಬಿನ್ ಲೇಟ್ ಸಣ್ಣರಂಗಪ್ಪ ರವರು ಠಾಣೆಗೆ ಹಾಜರಾಗಿ ನೀಡಿದ ಕಂಪ್ಯೂಟರ್ ಮುದ್ರಿತ ದೂರಿನ ಅಂಶವೇನೆಂದರೆ, ನನ್ನ ಕಿರಿಯ ಮಗಳು ಜ್ಯೋತಿ ಹೆಚ್. ಎನ್.  ತುಮಕೂರು ಪಟ್ಟಣದ ರಿಂಗ್‌‌ ರಸ್ತೆ ಸಮೀಪ ಇರುವ ವರದರಾಜ ನರ್ಸಿಂಗ್‌‌ ಕಾಲೇಜ್‌‌ನಲ್ಲಿ 3 ನೇ ವರ್ಷದ ನಸಿಂಗ್‌‌‌ ವ್ಯಾಸಂಗ ಮಾಡುತ್ತಿದ್ದು, ತುಮಕೂರು ಟೌನ್ ಭದ್ರಮ್ಮ ಕಲ್ಯಾಣ ಮಂಟಪದ ಸಮೀಪ ಇರುವ ಸರ್ಕಾರಿ ವೃತ್ತಿಪರ ಕಾಲೇಜು ಬಾಲಕೀಯರ ವಿದ್ಯಾರ್ಥಿನಿಲಯ, ಎಸ್.ಎಸ್.ಪುರಂ ನಲ್ಲಿ ಇದ್ದುಕೊಂಡು ವ್ಯಾಸಂಗ ಮಾಡುತ್ತಿದ್ದಳು.   ಈ ದಿನ ದಿನಾಂಕ: 13-11-2017 ರಂದು ಬೆಳಿಗ್ಗೆ ಸುಮಾರು 9-30 ಗಂಟೆ ಸಮಯದಲ್ಲಿ ನನ್ನ ಮಗಳ ಜೊತೆಯಲ್ಲಿಯೇ ಅದೇ ಕಾಲೇಜಿನಲ್ಲಿ ನರ್ಸಿಂಗ್‌‌‌ ವ್ಯಾಸಂಗ ಮಾಡುತ್ತಿರುವ ನಮ್ಮ ಅಣ್ಣನ ಮಗಳು ರೇಖಾ ಹೆಚ್.ಇ. ನನಗೆ ಪೋನ್ ಮಾಡಿ, ಈ ದಿನ ಬೆಳಿಗ್ಗೆ ನಾನು ಹಾಗೂ ನಮ್ಮ ಹಾಸ್ಟಲ್‌‌ನಿಂದ ಜ್ಯೋತಿ ಹಾಗೂ 5-6 ಜನ ವಿದ್ಯಾರ್ಥಿನಿಯರು ಸಿ.ಟಿ. ಬಸ್ಸಿನಲ್ಲಿ ತುಮಕೂರು ರಿಂಗ್‌‌‌ರಸ್ತೆಯ ಬಳಿಗೆ ಹೋಗಿ, ರಿಂಗ್‌‌ರಸ್ತೆಯಲ್ಲಿ ಬಸ್‌‌ ಇಳಿದು, ಅಲ್ಲಿಂಗ ಕಾಲೇಜಿಗೆ ಹೋಗಲು ಎಲ್ಲರೂ ನಡೆದುಕೊಂಡು ಹೋಗುತ್ತಿದ್ದಾಗ ಬೆಳಿಗ್ಗೆ ಸುಮಾರು 8-45 ಗಂಟೆ ಸಮಯದಲ್ಲಿ ನಮ್ಮ ಜೊತೆ ಕಾಲೇಜಿಗೆ ಬರುತ್ತಿದ್ದ ಜ್ಯೋತಿ ಹೆಚ್.ಎನ್. ಇದ್ದಕ್ಕಿದಂತೆ ಕುಸಿದು ಬಿದ್ದಿದ್ದು, ನಂತರ ತಕ್ಷಣ ನಾನು ಹಾಗೂ ನನ್ನ ಸ್ನೇಹಿತರು ಯಾವುದೋ ಒಂದು ಆಟೋದಲ್ಲಿ ತುಮಕೂರು ಜಿಲ್ಲಾ ಸರ್ಕಾರಿ ಆಸ್ಪತ್ರೆಗೆ ಕರೆದುಕೊಂಡು ಬಂದಿದ್ದು,  ಬೆಳಿಗ್ಗೆ ಸುಮಾರು 9-15 ಗಂಟೆಯಲ್ಲಿ ಆಸ್ಪತ್ರೆಯಲ್ಲಿ ವೈದ್ಯರು ಪರೀಕ್ಷಿಸಿ ಮಾರ್ಗಮದ್ಯದಲ್ಲಿಯೇ ತೀರಿ ಹೋಗಿರುತ್ತಾರೆಂತಾ ವಿಚಾರ ತಿಳಿಸಿರುವುದಾಗಿ ನನಗೆ ಪೋನ್ ಮಾಡಿ ವಿಚಾರ ತಿಳಿಸಿದರು.  ಆಗ ತಕ್ಷಣ ನಾನು ಹಾಗೂ ನಮ್ಮ ಕೆಲವು ಸಂಬಂಧಿಕರು ನಮ್ಮೂರಿನಿಂದ ತುಮಕೂರಿಗೆ ಜಿಲ್ಲಾ ಸರ್ಕಾರಿ ಆಸ್ಪತ್ರೆಯ ಬಳಿಗೆ ಬಂದು ನೋಡಲಾಗಿ, ನಮ್ಮ ಮಗಳು ಜ್ಯೋತಿಯ ಶವವನ್ನು ಆಸ್ಪತ್ರೆಯ ಶವಾಗಾರದಲ್ಲಿರಿಸಿದ್ದರು.   ಸ್ಥಳದಲ್ಲಿಯೇ ಇದ್ದ ನಮ್ಮ ಅಣ್ಣನ ಮಗಳು ರೇಖಾ ಹೆಚ್.ಇ. ಳನ್ನು ಕೂಲಂಕುಶವಾಗಿ ವಿಚಾರ ಮಾಡಲಾಗಿ ಮೇಲ್ಕಂಡಂತೆ ನಡೆದ ವಿಚಾರವನ್ನು ತಿಳಿಸಿರುತ್ತಾಳೆ.   ನಮ್ಮ ಮಗಳು ಜ್ಯೋತಿಗೆ ಹೃದಯದ ಖಾಯಿಲೆ ಇದ್ದು, ಈ ಬಗ್ಗೆ ಬೆಂಗಳೂರಿನ ಜಯದೇವ ಆಸ್ಪತ್ರೆಯಲ್ಲಿ ತೋರಿಸಿ, ಚಿಕಿತ್ಸೆ ಕೊಡಿಸುತ್ತಿದ್ದೆವು.  ನಮ್ಮ ಮಗಳು ಜ್ಯೋತಿಗೆ ಈ ದಿನ ಬೆಳಿಗ್ಗೆ ಹೃದಯಾಘಾತವಾಗಿ ಮೃತಪಟ್ಟಿರುತ್ತಾಳೆ. ನನ್ನ ಮಗಳ ಸಾವಿನಲ್ಲಿ ಬೇರೆ ಯಾವುದೇ ಅನುಮಾನ ಇರುವುದಿಲ್ಲ.  ಆದ್ದರಿಂದ ತಾವು ತುಮಕೂರು ಜಿಲ್ಲಾ ಸರ್ಕಾರಿ ಆಸ್ಪತ್ರೆಯ ಬಳಿಗೆ ಬಂದು ಶವಪರಿಶೀಲನೆ ಮಾಡಿ, ಮುಂದಿನ ಕ್ರಮ ಜರುಗಿಸಿ ಎಂತ ನೀಡಿರುವ ಪಿರ್ಯಾದು ಅಂಶವಾಗಿರುತ್ತೆ.

ಹುಲಿಯೂರುದುರ್ಗ ಪೊಲೀಸ್‌ ಠಾಣಾ; ಮೊ ನಂ: 223/2017   ಕಲಂ:  379 ಐಪಿಸಿ

ದಿನಾಂಕ: 13-11-2017 ರಂದು ಬೆಳಿಗ್ಗೆ 11-00 ಗಂಟೆಗೆ ಕುಣಿಗಲ್ ತಾಲ್ಲೋಕು ಹುಲಿಯೂರುದುರ್ಗ ಟೌನ್ ಹಳೇಪೇಟೆ ವಾಸಿಯಾದ ಇಮ್ರಾನ್ ಪಾಷ ಬಿನ್ ಮುಮ್ತಾಜ್ ಪಾಷ ರವರು ಠಾಣೆಗೆ ಹಾಜರಾಗಿ ನೀಡಿದ ಲಿಖಿತ ದೂರಿನ ಅಂಶವೇನೆಂದರೆ ದಿನಾಂಕ: 10-11-2017 ರಂದು ಶುಕ್ರವಾರ ರಾತ್ರಿ ಪಿರ್ಯಾದಿಯು ಮನೆಯ ಮುಂದೆ KA42-A-2741 ನೇ APE XTRA LD ತ್ರಿಚಕ್ರ ವಾಹನವನ್ನು ನಿಲ್ಲಿಸಿದ್ದು,  ಪಿರ್ಯಾದಿಯು ಶನಿವಾರ ಬೆಳಿಗ್ಗೆ 05-00  ಗಂಟೆಗೆ ಎದ್ದು  ನೋಡಿದಾಗ ಯಾರೋ ಕಳ್ಳರು KA42-A-2741 ನೇ APE XTRA LD ತ್ರಿಚಕ್ರ ವಾಹನವನ್ನು ಕಳ್ಳತನ ಮಾಡಿಕೊಂಡು ಹೋಗಿರುತ್ತಾರೆ. ಪಿರ್ಯಾದಿಯು ಕಳುವಾಗಿರುವ ತಮ್ಮ ವಾಹನದ ಬಗ್ಗೆ ಎಲ್ಲಾ ಕಡೆ ಹುಡುಕಾಡಿದರೂ ಸಹ ಪತ್ತೆಯಾಗಿರುವುದಿಲ್ಲ. ಕಳುವಾಗಿರುವ ವಾಹನದ ಬೆಲೆ ಸುಮಾರು 1,50,000=00 ರೂ ಗಳಾಗಿರುತ್ತೆ. ಕಳುವಾಗಿರುವ ವಾಹನವನ್ನು ಪತ್ತೆ ಮಾಡಿಕೊಡಬೇಕಂತ ನೀಡಿದ ಪಿರ್ಯಾದನ್ನು ಪಡೆದು ಪ್ರಕರಣ ದಾಖಲು ಮಾಡಿರುತ್ತೆ.

ಬಡವನಹಳ್ಳಿ ಪೊಲೀಸ್ ಠಾಣೆ ಮೊ.ಸಂ 93/ 2017 ಕಲಂ 323,324,328,447,504,506 ರೆ/ವಿ 149 ಐಪಿಸಿ

ದಿನಾಂಕ:13/11/2017 ರಂದು ಬೆಳಗ್ಗೆ ತುಮಕೂರಿನ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ವಜ್ರದಹಳ್ಳಿ ನಾಗೇಂದ್ರಪ್ಪ ಬಿನ್‌ ಲೇಟ್‌ ಚಿಕ್ಕಮಾಸಣ್ಣ ರವರ ಹೇಳಿಕೆಯನ್ನು ಠಾಣಾ ಹೆಚ್.ಸಿ-383 ರಾಜಣ್ಣ ರವರು ಪಡೆದು ಮದ್ಯಾಹ್ನ 1-00 ಗಂಟೆಯಲ್ಲಿ ಠಾಣೆಗೆ ವಾಪಾಸ್ಸಾಗಿ ಹಾಜರ್‌ಪಡಿಸಿದ ಹೇಳಿಕೆ ದೂರಿನ ಅಂಶವೇನೆಂದರೆ, ದಿನಾಂಕ:12/11/17 ರಂದು ನಮ್ಮ ಗ್ರಾಮದ ನಮ್ಮ ಸೈಟಿನಲ್ಲಿ ಶೀಟ್‌ ಶೆಡ್‌ ನಿರ್ಮಿಸುತ್ತಿದ್ದಾಗ ಸಂಜೆ 7-30 ಗಂಟೆ ಸಮಯದಲ್ಲಿ ಏಕಾಏಕಿ ನಮ್ಮ ಗ್ರಾಮದ ನಮ್ಮದೇ ಜನಾಂಗದವರಾದ ಜಯರಾಮಯ್ಯ ಬಿನ್‌ ಲೇಟ್‌ ಸಣ್ಣಕರಿಯಣ್ಣ , ಶಿವರಾಜ ಬಿನ್‌ ಜಯರಾಮಯ್ಯ ಇಬ್ಬರೂ ಬಂದು ಇದು ನಮ್ಮದು ಜಾಗ ನಾವು ಮೊದಲಿನಿಂದಲೂ ಇಲ್ಲಿ ಕುರಿ ರೊಪ್ಪ ಹಾಕಿಕೊಂಡಿದ್ದೆವು. ಅದನ್ನು ಕಿತ್ತುಹಾಕಿ ನೀನು ಶೆಡ್‌ ಹಾಕುತ್ತಿರುವೆಯಾ ಎಂದು ನಾನು ನಿಲ್ಲಿಸಿದ್ದ ನೀಲಗಿರಿ ಕಡ್ಡಿ ಮತ್ತು ಕಬ್ಬಿಣದ ತಗಡುಗಳನ್ನು ಕಿತ್ತುಹಾಕಿ ಸುತ್ತಲೂ ಹಾಕಿದ್ದ ಲಾರಿ ಟಾರ್ಪಲ್‌ ಕಿತ್ತು ಎಸೆದರು. ಅಡುಗೆ ಮಾಡಲು ಸಿದ್ದತೆ ಮಾಡುತ್ತಿದ್ದ ನಮ್ಮ ಹೆಂಡತಿ ಶಾಂತಮ್ಮಳಿಗೂ ಗಲಾಟೆ ಮಾಡಿ ಹೊಲೆ ಕೆಡಿಸಿ ನೀರು ಹಾಕಿದರು. ಕಟ್ಟಿ ಹಾಕಿಕೊಂಡಿದ್ದ ದನಗಳನ್ನು ಬಿಚ್ಚಿ ಹೊಡೆದರು. ಅವರ ಕುರಿಗಳನ್ನು ಕೂಡಲು ಬಂದರು. ನಾನು ಬಿಟ್ಟುಕೊಳ್ಳಲಿಲ್ಲ. ಆಗ ಜಯರಾಮಯ್ಯ ಮಚ್ಚಿನ ಹಿಂಬದಿಯಿಂದ ಎಡ ಭುಜಕ್ಕೆ ಹೊಡೆದ ನಾನು ನೂಕಿದೆ ಆಗ ತುಗ್ಗಲಿ ದೊಣ್ನೆಯಿಂದ ನನ್ನ ತಲೆಗೆ ಹಾಕಿದ ಆಗ ನನ್ನ ಹಣೆಗೆ ರಕ್ತ ಗಾಯವಾಯಿತು ನನ್ನನ್ನು ಬಿಡಿಸಿಕೊಳ್ಲಲು ಬಂದ ನನ್ನ ಹೆಂಡತಿ ಶಾಂತಮ್ಮಳಿಗೂ ಅದೇ ದೊಣ್ಣೆಯಿಂದ ತಲೆಗೆ ಹೊಡೆದರು. ಕೈಗೆ ಹೊಡೆದರು ಅವಳಿಗೂ ರಕ್ತ ಗಾಯವಾಯಿತು. ಜಯರಾಮಯ್ಯನ ಮಗ ಶಿವರಾಜ ತಗಡು ಶೀಟನ್ನು ನನ್ನ ಹೆಂಡತಿಯ ಮೇಲೆ ಹಾಕಿ ಹತ್ತಿ ತುಳಿದ ಇದೆಲ್ಲಾ ಆದ ಮೇಲೆ ಜಯರಾಮಯ್ಯನ ತಮ್ಮನಾದ ಪಾಲಣ್ಣ ಹಾಗೂ ಪಾಲಣ್ಣನ ಹೆಂಡತಿ ಲಕ್ಷ್ಮಕ್ಕ ಬಂದರು ಪಾಲಣ್ಣ ನನ್ನ ಕೆನ್ನೆಗೆ ಕೈಯಿಂದ ಹೊಡೆದ ಲಕ್ಷ್ಮಕ್ಕನೂ ನನ್ನ ಹೆಂಡತಿಗೆ ಅವಾಚ್ಯ ಶಬ್ದಗಳಿಂದ ಸೂಳೆ ಮುಂಡೆ ನಿನ್ನದು ಏನಿದೆ ತತ್ತಾರೆ ಎಂದು ಬಾಯಿಗೆ ಬಂದಂತೆ ಬೈದಳು ಆಗಲೇ ಅಲ್ಲಿಗೆ ಬಂದ ಜಯರಾಮಯ್ಯನ ಹೆಂಡತಿ ಗಂಗಮ್ಮಳೂ ಸಹ ಸೇರಿಕೊಂಡು ನನ್ನ ಸೊಸೆ ಭಾಗ್ಯನ ತಾಳಿ ಕಿತ್ತು ಹಾಕಿದಳು. ಗಂಗಮ್ಮ ಲಕ್ಷ್ಮಮ್ಮ ಇಬ್ಬರೂ ಕೈಗಳಿಂದ ಶಾಂತಮ್ಮನಿಗೆ ಗುದ್ದಿ ತಲೆ ಜುಟ್ಟು ಹಿಡಿದು ಎಳೆದಾಡಿದರು ನನ್ನ ಹೆಂಡತಿಗೂ ರಕ್ತ ಬರುವಂತೆ ಹೊಡೆದರು ಈ ಜಗಳವನ್ನು ನಮ್ಮ ಪಕ್ಕದ ಮನೆಯ ಭೂತಣ್ಣ ಬಿನ್‌ ಲೇಟ್‌ ಈರಪ್ಪ ಗೊಲ್ಲರು ಹಾಗೂ ಪಾಪಣ್ಣ  ಬಿನ್‌ ಲೇಟ್‌ ಕರಿಯಣ್ನ ಬಿಡಿಸಿದರು. ಅವರಲ್ಲಿ ಒಬ್ಬರು ಆಂಬ್ಯುಲೆನ್ಸ್‌‌‌ಗೆ ಪೋನ್‌ ಮಾಡಿದರು ಆಂಬ್ಯುಲೆನ್ಸ್‌‌‌‌ ನಲ್ಲಿ ನನ್ನನ್ನು ಹಾಗೂ ನನ್ನ ಹೆಂಡತಿ ಶಾಂತಮ್ಮ ಹಾಗೂ ಸೊಸೆ ಭಾಗ್ಯಮ್ಮಳನ್ನು ಭೂತಣ್ಣ ಮತ್ತು ಪಾಪಣ್ಣ ಹಾಕಿಕೊಂಡು ಸರ್ಕಾರಿ ಆಸ್ಪತ್ರೆಗೆ ಬಂದೆವು. ಅಲ್ಲಿನ ವೈಧ್ಯರು ಪ್ರಥಮ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗಾಗಿ ನನ್ನ ಮತ್ತು ನನ್ನ ಹೆಂಡತಿ ಶಾಂತಮ್ಮಳನ್ನು ತುಮಕೂರು ಸರ್ಕಾರಿ ಆಸ್ಪತ್ರೆಗೆ ಕಳುಹಿಸಿಕೊಟ್ಟರು ಇಲ್ಲಿ ಬಂದು ಒಳ ರೋಗಿಗಳಾಗಿ ಚಿಕಿತ್ಸೆ ಪಡೆಯುತ್ತಿದ್ದೇವೆ. ನಮ್ಮ ಮೇಲೆ ಗಲಾಟೆ ದೌರ್ಜನ್ಯವೆಸಗಿದ ಜಯರಾಮಯ್ಯ ಶಿವರಾಜ ಪಾಲಣ್ಣ ಗಂಗಮ್ಮ ಮತ್ತು ಲಕ್ಷ್ನಮ್ಮನ ವಿರುದ್ದ ಕಾನೂನು ಕ್ರಮ ಕೈಗೊಳ್ಳಬೇಕೆಂದು ಹೇಳಿಕೆ ನೀಡಿರುತ್ತೇನೆ.  ಇವರುಗಳು ನಮ್ಮ ಜಾಗಕ್ಕೆ ಅತಿಕ್ರಮ ಪ್ರವೇಶ ಮಾಡಿ ಕೊಲೆ ಬೆದರಿಕೆ ಸಹ ಹಾಕಿರುತ್ತಾರೆಂದು ನೀಡದ ಹೇಳಿಕೆ ದೂರನ್ನು ಪಡೆದು ಪ್ರಕರಣ ದಾಖಲಿಸಿದೆ.

 

 

ಅಪರಾಧ ವರದಿ ಮಾಡಿ


ಜಿಲ್ಲಾ ಪೊಲೀಸ್ ಆಪ್

ತುರ್ತು ಸಹಾಯವಾಣಿ

ಪೊಲೀಸ್
100
ಪೊಲೀಸ್ ನಿಯಂತ್ರಣ ಕೊಠಡಿ
0816-2278000
ತುರ್ತು ಚಿಕಿತ್ಸಾ ವಾಹನ
108
ಅಗ್ನಿಶಾಮಕ ದಳ
101
ಬೆಸ್ಕಾಂ ಸಹಾಯವಾಣಿ
1912
ಹಿರಿಯ ನಾಗರಿಕರ ಸಹಾಯವಾಣಿ
1090
ಮಹಿಳೆಯರ ಸಹಾಯವಾಣಿ
1091
ಮಕ್ಕಳ ಸಹಾಯವಾಣಿ
1098
ಜಿಲ್ಲಾ ಪೊಲೀಸ್ ಕಚೇರಿ
0816-2275451
ಅಡಿಷನಲ್ ಎಸ್.ಪಿ.
0816-2274130
ತುಮಕೂರು ಜಿಲ್ಲಾಧಿಕಾರಿಗಳು
0816-2272480
ಜಿಲ್ಲಾ ಸಾರ್ವಜನಿಕ ಆಸ್ಪತ್ರೆ
0816-2278377
ಜಿಲ್ಲಾ ಸಾರಿಗೆ ಕಚೇರಿ
0816-2278473

ವಿಪಿನ್ ರಾಯ್
9620142317

ಪ್ರಜ್ವಲ್
7996131499

ಗುಂಡಪ್ಪ
9448617529

ತಿಲಕ್
9739596920

ನಂದೀಶ್
9845134445

ಪಾಷ
9900089813

ಹೈದರ್
9980976954


 

Today's Weather

We have 47 guests online
Content View Hits : 231876