lowborn ತುಮಕೂರು ಜಿಲ್ಲಾ ಪೊಲೀಸ್ | Tumakuru District Police | Tumkur Police | ತುಮಕೂರು ಜಿಲ್ಲಾ ಪೊಲೀಸ್ | Tumakuru District Police | Tumkur Police

ಡಾ. ದಿವ್ಯ ವಿ. ಗೋಪಿನಾಥ್ IPS,
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಗಳು,
ತುಮಕೂರು ಜಿಲ್ಲೆ, ಕರ್ನಾಟಕ

ವರಿಷ್ಠಾಧಿಕಾರಿಯವರ ಸಂದೇಶ

ಪತ್ರಿಕಾ ಪ್ರಕಟಣೆ ದಿನಾಂಕ: 21-06-2018. ಸುಲಿಗೆಕೋರರ ಬಂಧನ: ದಿನಾಂಕ:18-06-2018 ರಂದು... >>   ಪೊಲೀಸ್ ಪ್ರಕಟಣೆ ತುಮಕೂರು ಜಿಲ್ಲಾ ಪೊಲೀಸ್ ಪ್ರಕಟಣೆ   ಆತ್ಮೀಯ ನಾಗರೀಕರಲ್ಲಿ... >> ತುಮಕೂರು ಜಿಲ್ಲೆಯಲ್ಲಿ 2018 ನೇ ಮೇ ಮಾಹೆಯಲ್ಲಿ ಸಂಭವಿಸಿದ ರಸ್ತೆ ಅಪಘಾತಗಳ ಅಂಕಿ ಅಂಶಗಳ... >> ಪತ್ರಿಕಾ ಪ್ರಕಟಣೆ ದಿ 19.04.18 ಪೊಲೀಸ್ ಇಲಾಖೆಯು ಈ ಮೂಲಕ ಸಾರ್ವಜನಿಕರಿಗೆ... >> ಪತ್ರಿಕಾ ಪ್ರಕಟಣೆ ದಿನಾಂಕ: 15-05-2018 ರಂದು ತುಮಕೂರು ನಗರದ ವಿಶ್ವವಿದ್ಯಾನಿಲಯ ಕಲಾ... >>     ಪತ್ರಿಕಾ ಪ್ರಕಟಣೆ. ದಿನಾಂಕ: 10-05-2018 8 ಲಕ್ಷ ಬೆಲೆ ಬಾಳುವ ಮೊಬೈಲ್ ಮತ್ತು  ವಾಹನ ಕಳ್ಳರ... >> ಪತ್ರಿಕಾ ಪ್ರಕರಣೆ, ದಿನಾಂಕ: 07-05-18 ವಾರಸುದಾರರಿಲ್ಲದ 2,98,01,000/- ರೂ  ಹಣ ಪತ್ತೆ     ದಿನಾಂಕ:... >> ಪತ್ರಿಕಾ ಪ್ರಕಟಣೆ:- -:ಮೊಬೈಲ್ ಕಳವು ಮಾಡುತ್ತಿದ್ದ ಆರೋಪಿಯ ಬಂಧನ:- ದಿನಾಂಕ :... >> ಪತ್ರಿಕಾ ಪ್ರಕಟಣೆ ದಿಃ25-04-2018. ದಿನಾಂಕ:24-04-2018 ರ ರಾತ್ರಿ 3 ಜನ ಅನುಮಾನಸ್ಪದ ವ್ಯಕ್ತಿಗಳು... >> ಪತ್ರಿಕಾ ಪ್ರಕಟಣೆ ದಿನಾಂಕ: 21-04-2018. ಕೊಲೆ ಆರೋಪಿಯ ಬಂಧನ:   ಹೆಬ್ಬೂರು ಪೊಲೀಸ್ ಠಾಣಾ... >>
  • Facebook: TumkurDistrictPolice
  • Picasa: tumkurpolice
  • Twitter: sptumkur
  • External Link: https://www.youtube.com/channel/UC5uVBpzphJxhwMUHL1NVKVQ

ದಿನವಹಿ ಮಾಹಿತಿಗಳು

< June 2018 >
Mo Tu We Th Fr Sa Su
        1 2 3
4 5 6 7 8 9 10
11 12 13 14 15 16 17
18 19 20 22 23 24
25 26 27 28 29 30  
June 2018

Thursday, 21 June 2018

ಪತ್ರಿಕಾ ಪ್ರಕಟಣೆ ದಿ21-06-2018.

ಪತ್ರಿಕಾ ಪ್ರಕಟಣೆ

ದಿನಾಂಕ: 21-06-2018.

ಸುಲಿಗೆಕೋರರ ಬಂಧನ:

ದಿನಾಂಕ:18-06-2018 ರಂದು ಕ್ಯಾತ್ಸಂದ್ರ ಪೊಲೀಸ್ ಠಾಣಾ ಸರಹದ್ದಿನ ಮಂಚಕಲ್ಲುಕುಪ್ಪೆ ಶ್ರೀ ಶನಿಮಹಾತ್ಮ ದೇವಸ್ಥಾನದ ಬಳಿ ಪಿರ್ಯಾದಿ ತುಮಕೂರು ತಾಲ್ಲೂಕ್‌ ಊರ್ಡಿಗೆರೆ ಹೋಬಳಿ ಮಂಚಕಲ್‌ ಕುಪ್ಪೆ ವಾಸಿ ಪಿ ಮಂಜುನಾಥ್  ಬಿನ್ ಪುಟ್ಟಸ್ವಾಮಿ ರವರ ಎರಡು ಕ್ಯಾಂಟರ್ ವಾಹನಗಳನ್ನು ಚಾಲಕರುಗಳು ನಿಲ್ಲಿಸಿಕೊಂಡಿದ್ದಾಗ ರಾತ್ರಿ 11-30 ಗಂಟೆಯಲ್ಲಿ ಯಾರೋ ಇಬ್ಬರು ಅಪರಿಚಿತರು ದ್ವಿಚಕ್ರ ವಾಹನದಲ್ಲಿ ಬಂದು ಚಾಕುವನ್ನು ತೋರಿಸಿ ಹೆದರಿಸಿ ಚಾಲಕ ಹರೀಕೃಷ್ಣ ಎಂಬುವರ ಜೇಬಿನಲ್ಲಿದ್ದ 2000/- ರೂ ಹಣವನ್ನು ಕಿತ್ತುಕೊಂಡು  ದ್ವಿಚಕ್ರ ವಾಹನದಲ್ಲಿ ಹೋರಟು ಹೋಗಿರುತ್ತಾರೆ  ಇತ್ಯಾದಿ ಪಿರ್ಯಾದಿಯ ದೂರಿನ ಮೇರೆಗೆ ಕ್ಯಾತ್ಸಂದ್ರ ಪೊಲೀಸ್ ಠಾಣೆಯಲ್ಲಿ ಸುಲಿಗೆ ಪ್ರಕರಣ ದಾಖಲಾಗಿತ್ತು.

ಈ ಪ್ರಕರಣದಲ್ಲಿ ದಿನಾಂಕ:20-06-2018 ರಂದು ಕ್ಯಾತ್ಸಂದ್ರ ಪೊಲೀಸರು ಆರೋಪಿಗಳಾದ

1) ಮೊಹಮದ್ ಸುಲ್ತಾನ್ @ ಸುಲ್ತಾನ್ @ ಆಶಿಕ್ ಬಿನ್ ಮೊಹಮದ್ ಅನೀಫ್, 24 ವರ್ಷ, ಮುಸ್ಲೀಂ, ಆಟೋ ಚಾಲಕ, ವಾಸ ಮಸೀದಿ ರಸ್ತೆ, 3ನೇ ಕ್ರಾಸ್, ನಜರಾಬಾದ್, ತುಮಕೂರು.

2) ಸೈಯದ್ ಆಸೀಪ್ @ ಆಸೀಫ್, ಬಿನ್ ಲೇಟ್ ಸೈಯದ್ ನಯೀಮ್ ಪಾಷಾ 28 ವರ್ಷ, ಮುಸ್ಲೀಂ, ಲೇಡೀಸ್ ಟೈಲರ್ ಕೆಲಸ, 10 ನೇ ಕ್ರಾಸ್, ಮರಳೂರು ದಿಣ್ಣೆ, ತುಮಕೂರು.

ರವರುಗಳನ್ನು ಪತ್ತೆ ಮಾಡಿ  ಆರೋಪಿಗಳಿಂದ ಈ ಕೇಸಿಗೆ ಸಂಬಂಧಪಟ್ಟಂತೆ  1270/- ರೂ ನಗದು ಹಣ ಕೃತ್ಯಕ್ಕೆ ಬಳಸಿದ್ದ ಒಂದು ಡ್ರಾಗರ್  ಮತ್ತು , KA-06-V-3574  ನೇ ಟಿ.ವಿ.ಎಸ್. ವಿಕ್ಟರ್ ಮೋಟಾರ್ ಸೈಕಲನ್ನು  ಅಮಾನತ್ತುಪಡಿಸಿಕೊಂಡಿರುತ್ತಾರೆ.


ಅಪರಾಧ ಘಟನೆಗಳು 21-06-18

ಹೆಬ್ಬೂರು ಪೊಲೀಸ್ ಠಾಣಾ ಮೊ.ನಂ. 131/2018 ಕಲಂ 279,304(ಎ) ಐಪಿಸಿ ರೆ/ವಿ 134(ಬಿ), 187ಐಎಂವಿ ಆಕ್ಟ್

ದಿನಾಂಕ-20/06/2018 ರಂದು ರಾತ್ರಿ 10-00 ಗಂಟೆಗೆ ಪಿರ್ಯಾದಿಯಾದ ಸೀಮಾ ನರಸಿಂಹಯ್ಯ ಬಿನ್ ಲೇ|| ಮಾರಯ್ಯ, 65 ವರ್ಷ, ಆದಿ ಕರ್ನಾಟಕ ಜನಾಂಗ, ವ್ಯವಸಾಯ, ದೊಡ್ಡಗುಣಿ, ಹೆಬ್ಬೂರು ಹೋಬಳಿ, ತುಮಕೂರು ತಾಲ್ಲೂಕು & ಜಿಲ್ಲೆ ರವರು ಠಾಣೆಗೆ ಹಾಜರಾಗಿ ನೀಡಿದ ಲಿಖಿತ ದೂರಿನ ಅಂಶವೇನೆಂಧರೆ ನಾನು ಮೇಲ್ಕಂಡ ವಿಳಾಸದಲ್ಲಿ ವಾಸವಾಗಿರುತ್ತೇನೆ. ನನಗೆ ಎನ್,ರಾಮಾಂಜಿನೇಯ ಹಾಗೂ ಲಕ್ಷ್ಮೀಕಾಂತ ಎಂಬ ಇಬ್ಬರು ಗಂಡು ಮಕ್ಕಳು ಹಾಗೂ ಹೇಮಲತಾ ಎಂಬ ಒಬ್ಬಳು ಹೆಣ್ಣು ಮಗಳಿರುತ್ತಾರೆ. ನನ್ನ ಮೊದಲನೇ ಮಗನಾದ ಎನ್,ರಾಮಾಂಜಿನೇಯ ರವರು ದಿನಾಂಕ: 20-06-2018 ರಂದು ಅಂದರೆ ಇದೇ ದಿವಸ ರಾತ್ರಿ ಸುಮಾರು 08-00 ಗಂಟೆ ಸಮಯದಲ್ಲಿ ತನ್ನ ಬಾಬ್ತು ಕೆಎ-06-ಹೆಚ್,ಎ-7763 ನೇ ಹೀರೋ ಫ್ಯಾಷನ್‌ ಫ್ರೋ ದ್ವಿಚಕ್ರ ವಾಹನವನ್ನು ಸವಾರಿ ಮಾಡಿಕೊಂಡು ಹಿಂಬದಿಯಲ್ಲಿ ನನ್ನ ಅಕ್ಕನ ಮಗಳ ಗಂಡನಾದ ಕಡಬಾ ಹೋಬಳಿ, ಮಂಚೀಹಳ್ಳಿ ಗ್ರಾಮದ ರಮೇಶ್ ರವರನ್ನು ಕೂರಿಸಿಕೊಂಡು ದೊಡ್ಡಗುಣಿ ಗ್ರಾಮದಿಂದ ಹೊರಟು ತನ್ನ ಅತ್ತೆ ಮಾವನ ಮನೆಯಾದ ಬಳ್ಳಗೆರೆ ಗ್ರಾಮಕ್ಕೆ ಹೋಗುವುದಾಗಿ ಹೇಳಿ ಹೋದರು. ನಂತರ ಇದೇ ದಿವಸ ರಾತ್ರಿ ಸುಮಾರು 08-45 ಗಂಟೆ ಸಮಯದಲ್ಲಿ ಎನ್,ರಾಮಾಂಜಿನೇಯ ಹಾಗೂ ರಮೇಶ್‌ ರವರು ಹೆಬ್ಬೂರಿನ ಪ್ರಧಕು ಡಾಬಾದ ಮುಂಭಾಗದ ಕುಣಿಗಲ್‌-ತುಮಕೂರು ಟಾರ್ ರಸ್ತೆಯ ಎಡಭಾಗದಲ್ಲಿ ಹೋಗುತ್ತಿರುವಾಗ್ಗೆ, ಎದುರಿಗೆ ಅಂದರೆ ತುಮಕೂರು ಕಡೆಯಿಂದ ಕುಣಿಗಲ್ ಕಡೆಗೆ ಹೋಗಲು ಬಂದ ಟಿ,ಎನ್‌-29-ಎ.ವಿ-5455 ನೇ ಲಾರಿಯ ಚಾಲಕ ತನ್ನ ಲಾರಿಯನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ನನ್ನ ಮಗ ಎನ್‌,ರಾಮಾಂಜಿನೇಯ ರವರು ಸವಾರಿ ಮಾಡಿಕೊಂಡು ಹೋಗುತ್ತಿದ್ದ ಕೆಎ-06-ಹೆಚ್,ಎ-7763 ನೇ ಹೀರೋ ಫ್ಯಾಷನ್‌ ಫ್ರೋ ದ್ವಿಚಕ್ರ ವಾಹನಕ್ಕೆ ಡಿಕ್ಕಿ ಹೊಡೆಸಿ ಅಪಘಾತಪಡಿಸಿದ ಪರಿಣಾಮ ನನ್ನ ಮಗ ಎನ್,ರಾಮಾಂಜಿನೇಯ ಹಾಗೂ ಹಿಂಬದಿ ಸವಾರ ರಮೇಶ್‌ ಇಬ್ಬರೂ ತಲೆಗೆ ಹಾಗೂ ದೇಹದ ಇತರೆ ಭಾಗಗಳಿಗೆ ಏಟು ಬಿದ್ದು ಸ್ಥಳದಲ್ಲಿಯೇ ಮೃತಪಟ್ಟಿದ್ದು, ಅಪಘಾತಪಡಿಸಿದ ಲಾರಿಯ ಚಾಲಕನು ತನ್ನ ಲಾರಿಯನ್ನು ಸ್ಥಳದಲ್ಲಿಯೇ ಬಿಟ್ಟು ಓಡಿ ಹೋದನೆಂತಾ ಸದರಿ ಅಪಘಾತದ ವಿಚಾರವನ್ನು ಅಲ್ಲಿಯೇ ಇದ್ದ ಅಪಘಾತವನ್ನು ಕಣ್ಣಾರೆ ಕಂಡ ದೊಡ್ಡಗುಣಿ ಗ್ರಾಮದ ನಂಜುಂಡಪ್ಪ ರವರು ನನಗೆ ಪೋನ್ ಮಾಡಿ ತಿಳಿಸಿದರು. ನಂತರ ನಾನು ಸ್ಥಳಕ್ಕೆ ಹೋಗಿ ನೋಡಲಾಗಿ ಅಪಘಾತವಾಗಿರುವುದು ನಿಜವಾಗಿತ್ತು. ಆದ್ದರಿಂದ ತನ್ನ ಲಾರಿಯನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿ ಈ ಅಪಘಾತಕ್ಕೆ ಕಾರಣನಾದ ಟಿ,ಎನ್‌-29-ಎ.ವಿ-5455 ನೇ ಲಾರಿಯ ಚಾಲಕನ ಮೇಲೆ ಕಾನೂನು ರೀತ್ಯಾ ಮುಂದಿನ ಕ್ರಮ ಜರುಗಿಸಬೇಕೆಂದು ಈ ಮೂಲಕ ತಮ್ಮಲ್ಲಿ ಕೇಳಿಕೊಳ್ಳುತ್ತೇನೆ. ಅಫಘಾತಪಡಿಸಿದ ಲಾರಿ, ಅಫಘಾತಕ್ಕೊಳಗಾದ ದ್ವಿಚಕ್ರ ವಾಹನ ಹಾಗೂ ಎನ್,ರಾಮಾಂಜಿನೇಯ ಹಾಗೂ ರಮೇಶ್‌ ರವರುಗಳು ಮೃತ ದೇಹವು ಸ್ಥಳದಲ್ಲಿಯೇ ಇರುತ್ತವೆ. ಎಂದು ನೀಡಿದ ದೂರನ್ನು ಪಡೆದು ಪ್ರಕರಣ ದಾಖಲಿಸಿರುತ್ತೆ..

ನೊಣವಿನಕೆರೆ ಪೊಲೀಸ್ ಠಾಣೆ ಮೊ.ಸಂ 76/2018 ಕಲಂ  392 34 ಐಪಿಸಿ

ದಿನಾಂಕ:20-06-2018 ರಂದು  ರಾತ್ರಿ 8-30  ಗಂಟೆಗೆ ಪಿರ್ಯಾದಿಯ ಭಾರತಿ ಆರ್ ಕೊಂ ಪುಟ್ಟಸ್ವಾಮಿ ಗೌಡ ಹುಣಸೇಘಟ್ಟ ರವರು  ಠಾಣೆಗೆ ಹಾಜರಾಗಿ  ನೀಡಿದ  ಪಿರ್ಯಾದು ಅಂಶವೆನೆಂದರೆ  ದಿನಾಂಕ;20-06-2018 ರಂದು ಬೆಳಿಗ್ಗೆ 10-00 ಗಂಟೆಗೆ ನಮ್ಮ ಯಜಮಾನರು ತುಮಕೂರಿನ   ಜಿಲ್ಲಾಧಿಕಾರಿಗಳರವರ   ಕಚೇರಿಯಲ್ಲಿ   ಪ್ರವಾಸಿ  ಪೊಲೀಸ್  ಆಯ್ಕೆ  ವಿಚಾರದ  ಸಂಬಂಧ   ಮೀಟಿಂಗ್   ಹೋಗಿ ಬರುತ್ತೇನೆ  ಎಂತ  ಹೇಳಿ  ಮನೆಯಿಂದ ಹೋದರು  ನಂತರ  ನಾನು  ಮನೆಯ ಕೆಲಸವನ್ನು ಮುಗಿಸಿಕೊಂಡು  ಎಂದಿನಂತೆ  ನಮ್ಮ  ಅಂಗಡಿ ಬಾಗಿಲನ್ನು ತೆಗೆದು ಅಂಗಡಿಯಲ್ಲಿದ್ದು ನಂತರ ಸಂಜೆ  ಸುಮಾರು 6-15 ಗಂಟೆ ಸಮಯದಲ್ಲಿ ನಾನು  ಅಂಗಡಿಯಲ್ಲಿದ್ದಾಗ   ನಮ್ಮ ಅಂಗಡಿ  ಮುಂದೆ  ಒಂದು ಬೈಕ್  ಬಂದಿದ್ದು   ಬೈಕ್ ನಲ್ಲಿ ಇಬ್ಬರು  ಇದ್ದು   ಅದರಲ್ಲಿ   ಹಿಂಬದಿ ಕುಳಿತಿದ್ದವನು  ಇಳಿದು  ನಮ್ಮ  ಅಂಗಡಿ  ಬಳಿ  ಬಂದು   ನನ್ನ  ಹತ್ತಿರ   ಎರಡು  ಕಿಂಗ್   ಸಿಗರೇಟ್  ಬೇಕು  ಎಂತ  ಕೇಳಿದನು ಆಗ  ನಾನು ಕಿಂಗ್  ಸಿಗರೇಟ್  ತೆಗೆದುಕೊಡಲು  ಕೆಳಕ್ಕೆ ಬಗ್ಗಿದಾಗ  ಸಿಗರೇಟ್ ಕೇಳಿದ  ಆಸಾಮಿ  ನನ್ನ  ಕೊರಳಿನಲ್ಲಿ ಇದ್ದ  ಚಿನ್ನದ ಮಾಂಗಲ್ಯ  ಸರಕ್ಕೆ  ಕೈ ಹಾಕಿ ಕಿತ್ತು ಕೊಂಡು  ಅಂಗಡಿ  ಮುಂದೆ   ಇದ್ದ  ಬೈಕ್ ಗೆ   ಹತ್ತಿಕೊಂಡು ಇಬ್ಬರು ಆಸಾಮಿಗಳು  ಬೈಕ್ ನಲ್ಲಿ  ನುಗ್ಗೇಹಳ್ಳಿ  ಕಡೆಗೆ  ವೇಗವಾಗಿ  ಹೊರಟು ಹೋದರು  ಆಗ  ನಾನು  ಗಾಬರಿಯಲ್ಲಿ  ಬೈಕ್  ನಂಬರ್ ನೊಡಲು ಸಾದ್ಯವಾಗಲಿಲ್ಲ   ನನ್ನ  ಕೊರಳಲ್ಲಿ ಇದ್ದ  ಚಿನ್ನದ ಮಾಂಗಲ್ಯ ಸರದ ಅಂದಾಜು ಬೆಲೆ ಸುಮಾರು 35 ಸಾವಿರ ರೂಗಳಾಗಿರುತ್ತದೆ  ನಂತರ ಈ  ವಿಚಾರವನ್ನು  ನಮ್ಮ  ಯಜಮಾನರಿಗೆ ಫೋನ್ ಮಾಡಿ  ತಿಳಿಸಿದೆನು  ನಮ್ಮ  ಯಜಮಾನರು  ಸಂಜೆ 7-00  ಗಂಟೆಗೆ  ಮನೆಗೆ  ಬಂದ ಮೇಲೆ  ನಮ್ಮ  ಸ್ಹೇಹಿತರೊಂದಿಗೆ  ವಿಚಾರ ಮಾಡಿ  ದೂರು ಕೊಡಲು  ತೀರ್ಮಾನ ಮಾಡಿ   ಈ ದಿವಸ  ಠಾಣೆಗೆ ಬಂದು  ನನ್ನ  ಕೊರಳಿನಲ್ಲಿ  ಇದ್ದ  ಸುಮಾರು 24  ಗ್ರಾಂ  ತೂಕದ  ಚಿನ್ನದ  ಸರವನ್ನು  ಕಿತ್ತು  ಕೊಂಡು ಹೊದ ಆಸಾಮಿಗಳ ಮೇಲೆ ಕಾನೂನು ರೀತ್ಯ  ಕ್ರಮ ಜರುಗಿಸಬೇಕೆಂದು ನೀಡಿದ  ದೂರನ್ನು ಪಡೆದು  ಪ್ರಕರಣ ದಾಖಲಿಸಿರುತ್ತೆ.

ಕಳ್ಳಂಬೆಳ್ಳ  ಪೊಲೀಸ್‌ ಠಾಣಾ ಮೊ.ನಂ: 146/2018 ಕಲಂ-279, 304(ಎ) ಐಪಿಸಿ ರೆ/ವಿ 187 ಐಎಂವಿ ಆಕ್ಟ್

ದಿನಾಂಕ: 20/6/2018 ರಂದು ರಾತ್ರಿ 8-30 ಗಂಟೆಗೆ ಪಿರ್ಯಾದಿ ನಾಗರಾಜು ಬಿನ್ ಉದ್ದಣ್ಣ, 50 ವರ್ಷ, ಕುಂಚಿಟಿಗರು, ವ್ಯವಸಾಯ, ಉದ್ದಯ್ಯನಪಾಳ್ಯ, ಕಳ್ಳಂಬೆಳ್ಳ ಹೋಬಳಿ, ಸಿರಾ ತಾಲ್ಲೂಕ್,ರವರು ಠಾಣೆಗೆ ಹಾಜರಾಗಿ ನೀಡಿದ ಪಿರ್ಯಾದು ಅಂಶವೇನೆಂದರೆ, ನಾನು ಚಿಕ್ಕದಾಸರಹಳ್ಳಿ ಗ್ರಾಮದ ನಮ್ಮ ಸಂಬಂದಿ ಸಿ.ಕೆ.ಮಲ್ಲೇಶ್ ಬಿನ್ ಲೇಟ್ ಕಾಮಣ್ಣ ಹಾಗೂ ನಮ್ಮ ತಾಯಿ ತಮ್ಮನಾದ ನಮ್ಮ ಮಾವ ಸಿ.ಹೆಚ್.ರಾಮು ಬಿನ್ ಲೇಟ್ ಹನುಮಂತರಾಯಪ್ಪ, ಸುಮಾರು 50 ವರ್ಷ,   ಚಿಕ್ಕದಾಸರಹಳ್ಳಿ ಗ್ರಾಮ ಇವರುಗಳು ಈದಿನ ದಿನಾಂಕ: 20/06/2018 ರಂದು ಕಳ್ಳಂಬೆಳ್ಳ ಬಂಗ್ಲೆ KSRTC ಬಸ್ ನಿಲ್ದಾಣದ ಬಳಿ ಮಾತನಾಡಿಕೊಂಡು ಇದ್ದೆವು. ಈದಿನ ಸಂಜೆ ಸುಮಾರು 7-15 ಗಂಟೆ ಸಮಯದಲ್ಲಿ ನಮ್ಮ ಮಾವ ರಾಮು ರವರು ಕತ್ತಲಾಯಿತು, ನಾನು ನಮ್ಮ ಗ್ರಾಮವಾದ ಚಿಕ್ಕದಾಸರಹಳ್ಳಿಗೆ ಆಟೋಗೆ ಹೋಗುತ್ತೇನೆಂದು ಹೇಳಿ ಸರ್ವಿಸ್ ರಸ್ತೆ ದಾಟಿ ಆಟೋ ನಿಲ್ದಾಣದ ಕಡೆಗೆ ಹೋಗಲು ನಮ್ಮ ಮಾವ ರಾಮು ರವರು ಸಿರಾ-ತುಮಕೂರು ಎನ್.ಹೆಚ್.48 ರಸ್ತೆಯನ್ನು ದಾಟುತ್ತಿದ್ದಾಗ, ಇದೇ ಸಮಯಕ್ಕೆ ಸಿರಾ ಕಡೆಯಿಂದ ತುಮಕೂರು ಕಡೆ ಹೋಗಲು ಬಂದ ಕಾರಿನ ಚಾಲಕ ಕಾರನ್ನು ಅತಿವೇಗ ಮತ್ತು ನಿರ್ಲಕ್ಷತೆಯಿಂದ ಚಾಲನೆ ಮಾಡಿಕೊಂಡು ಬಂದು ನಮ್ಮ ಮಾವ ರಾಮು ರವರಿಗೆ ಡಿಕ್ಕಿ ಹೊಡೆಸಿ ಅಪಘಾತ ಪಡಿಸಿದನು. ನಾನು ಮತ್ತು ಮಲ್ಲೇಶ್ ಕೂಡಲೆ ಸ್ಥಳಕ್ಕೆ ಹೋಗಿ ನೋಡಲಾಗಿ ಎಡಕೈಗೆ ತೀರ್ವ ಪೆಟ್ಟುಬಿದ್ದು ಮತ್ತು ತಲೆಗೆ ಸಹ ತೀರ್ವ ಪೆಟ್ಟಾಗಿ ರಕ್ತಗಾಯಗಳಾಗಿದ್ದವು. ನಮ್ಮ ಮಾವ ರಾಮು ರವು ಮೃತಪಟ್ಟಿದ್ದರು.  ನಮ್ಮ ಮಾವ ರಾಮು ರವರಿಗೆ ಅಪಘಾತಪಡಿಸಿದ ಕಾರು ಸ್ಥಳದಲ್ಲಿದ್ದು ನೋಡಲಾಗಿ RJ-22-UA-0786 ನೇ ನಂಬರಿನ ಟಾಟ ಸಫಾರಿ ಕಾರಾಗಿದ್ದು ಚಾಲಕನ ಹೆಸರು ವಿಳಾಸ ತಿಳಿಯಲಾಗಿ ವಿನೋದ್ ಸಿಂಗ್ ಬಿನ್ ಕರಣ್ ಸಿಂಗ್ ರಾಜ್ ಪುರೋಹಿತ್ ಬಸ್ತಿ, ಜ್ಯೋದ್ ಪುರ್ ಜಿಲ್ಲೆ, ರಾಜಸ್ಥಾನ ರಾಜ್ಯ ಎಂದು ತಿಳಿಯಿತು.  ನಂತರ ಅಪಘಾತದಲ್ಲಿ ಮೃತಪಟ್ಟಿದ್ದ ನಮ್ಮ ಮಾವ ರಾಮು ರವರ ಮೃತ ದೇಹವನ್ನು ಅಪಘಾತದ ವಿಚಾರ ತಿಳಿದು ಸ್ಥಳಕ್ಕೆ ಬಂದ NHAI ಅಂಬ್ಯುಲೆನ್ಸ್ ನಲ್ಲಿ ಅಪಘಾತ ಸ್ಥಳದಿಂದ ಕಳ್ಳಂಬೆಳ್ಳ ಸರ್ಕಾರಿ ಆಸ್ಪತ್ರೆಯ ಶವಾಗಾರಕ್ಕೆ ತೆಗೆದುಕೊಂಡು ಹೋಗಿ ಇಟ್ಟು ನಮ್ಮ ಮಾವ ಮೃತಪಟ್ಟ ವಿಚಾರವನ್ನು ನಮ್ಮ ಮಾವನ ಹೆಂಡತಿ ರಾದಮ್ಮ ಮತ್ತು ಮಕ್ಕಳಿಗೆ ಅಪಘಾತದಲ್ಲಿ ರಾಮು ರವರು ಮೃತಪಟ್ಟ ಬಗ್ಗೆ ತಿಳಿಸಿ ಹಾಗೂ ನಮ್ಮ ಸಂಬಂದಿಕರಿಗೂ ವಿಚಾರ ತಿಳಿಸಿದೆನು.  ಅಪಘಾತದ ಬಗ್ಗೆ ದೂರನ್ನು ಪೊಲೀಸ್ ಠಾಣೆಗೆ ನೀಡಲು ತಿಳಿಸಿದ ಮೇರೆಗೆ ನಮ್ಮ ಮಾವನಿಗೆ ಈದಿನ ಸಂಜೆ 7-15 ಗಂಟೆ ಸುಮಾರಿನಲ್ಲಿ ರಸ್ತೆದಾಟುತ್ತಿದ್ದಾಗ ಅಪಘಾತಪಡಿಸಿ ನಮ್ಮ ಮಾವ ಮೃತರಾಗಲು ಕಾರಣನಾದ RJ-22-UA-0786 ನೇ ಕಾರಿನ ಚಾಲಕ ವಿನೋದ್ ಸಿಂಗ್ ರವರ ಮೇಲೆ ಕಾನೂನು ರೀತಯ ಕ್ರಮ ಜರುಗಿಸಲು ನೀಡಿದ ದೂರಿನ ಮೇರೆಗೆ ಪ್ರಕರಣ ದಾಖಲಿಸಿರುತ್ತೆ.



Wednesday, 20 June 2018

ಅಪರಾಧ ಘಟನೆಗಳು 20-06-18

 

ತುಮಕೂರು ಗ್ರಾಮಾಂತರ ಪೊಲೀಸ್ ಠಾಣಾ ಮೊನಂ: 158/2018 ಕಲಂ 279, 337, 304(ಎ) ಐ.ಪಿ.ಸಿ

ದಿನಾಂಕ:20/06/2018 ರಂದು ಬೆಳಗಿನ ಜಾವ 3-00 ಗಂಟೆಗೆ ತುಮಕೂರು ನಗರ ಬನಶಂಕರಿ 3ನೇ ಕ್ರಾಸ್ ರಾಘವೇಂದ್ರ ನಿಲಯ ನಿವಾಸಿ ಕುಮಾರ್.ಜೆ ಬಿನ್ ಲೇಟ್ ಜಯರಾಮರವರು ನೀಡಿದ ದೂರಿನಂಶವೇನೆಂದರೆ ನಮ್ಮ ತಂದೆಗೆ ಮೂರು ಜನ ಮಕ್ಕಳು ಮೊದಲನೇಯವರು ಜಲಜ, ಎರಡನೇಯವರು ರಾಘವೇಂದ್ರ, ಮೂರನೆಯವನಾದ ನಾನು. ಹೀಗಿರುವಲ್ಲಿ ದಿನಾಂಕ:19/06/2018 ರಂದು ರಾತ್ರಿ ಸುಮಾರು 8-00 ಗಂಟೆಗೆ ನಮ್ಮ ಅಣ್ಣ ರಾಘವೇಂದ್ರ ರವರು ಅವರ ಹೆಂಡತಿ ವಿನುತ ಮತ್ತು ಮಗಳಾದ ಶ್ರಾವ್ಯ ರವರನ್ನು ಕರೆದುಕೊಂಡು ಕೆಎ-53-ಎಂಸಿ-0290ನೇ ಟಾಟಾ ಸಫಾರಿ ವಾಹನವನ್ನು ಚಾಲನೆ ಮಾಡಿಕೊಂಡು ಬನಶಂಕರಿ ಮನೆಯಿಂದ ಹೊರಟು ನರುಗನಹಳ್ಳಿ ತೋಟಕ್ಕೆ ಹೋಗಿದ್ದರು ರಾತ್ರಿ ಬಹಳ ಹೊತ್ತಾದರೂ ವಾಪಾಸ್ ನಮ್ಮ ಮನೆಗೆ ಬಾರದ ಕಾರಣ ರಾತ್ರಿ ಸುಮಾರು 11-45 ಗಂಟೆ ಸಮಯದಲ್ಲಿ ನಮ್ಮ ಅಣ್ಣನ ಮೊಬೈಲ್‌ಗೆ ಕರೆಮಾಡಿದಾಗ ನಮ್ಮ ಅಣ್ಣನ ಮಗಳಾದ ಶ್ರಾವ್ಯ ಕರೆಯನ್ನು ಸ್ವೀಕರಿಸಿ ಅಪ್ಪ-ಅಮ್ಮ ಮಾತನಾಡುತ್ತಿಲ್ಲ ಎಂದು ಅಳುತ್ತಾ ತಿಳಿಸಿದಳು. ನಾನು ಗಾಬರಿಯಿಂದ ತಕ್ಷಣ ನರುಗನಹಳ್ಳಿ ಕಡೆಗೆ ನನ್ನ ವಾಹನದಲ್ಲಿ ಹೊರಟೆನು. ಪೋದಾರ್ ಸ್ಕೂಲ್‌ನ ಸ್ವಲ್ಪ ಮುಂದೆ ಸಾಕಷ್ಟು ಜನ ಸೇರಿದ್ದು ನಾನು ನನ್ನ ವಾಹನದಿಂದ ಇಳಿದು ನೋಡಲಾಗಿ ನನ್ನ ಅಣ್ಣ ಮತ್ತು ಅವರ ಮಗಳು ಶ್ರಾವ್ಯ ಇಬ್ಬರು ಕುಣಿಗಲ್ ರಸ್ತೆಯಲ್ಲಿ ಕುಳಿತಿದ್ದರು ನನ್ನ ಅಣ್ಣ ರಾಘವೇಂದ್ರನಿಗೆ ಕಿವಿಗೆ, ತಲೆಗೆ, ಕೈಗಳಿಗೆ ಗಾಯಗಳಾಗಿದ್ದು, ಪಕ್ಕದಲ್ಲಿಯೇ ನನ್ನ ಅತ್ತಿಗೆ ವಿನುತರವರ ದೇಹವನ್ನು ಮಲಗಿಸಿದ್ದು ತಲೆಯಿಂದ ರಕ್ತ ಸಾಕಷ್ಟು ಸೋರಿತ್ತು, ಹತ್ತಿರ ಹೋಗಿ ನೋಡಲಾಗಿ ಆಕೆ ಮೃತಪಟ್ಟಿದ್ದಳು. ಹತ್ತಿರದಲ್ಲಿಯೇ ಅವರ ಮಗಳು ಶ್ರಾವ್ಯ ಅಳುತ್ತಿದ್ದು ಆಕೆಗೆ ಯಾವುದೇ ಗಾಯಗಳು ನನಗೆ ಕಂಡುಬಂದಿರುವುದಿಲ್ಲ. ಸ್ವಲ್ಪ ಮುಂದೆ ಹಳ್ಳದಲ್ಲಿ ನಮ್ಮ ಟಾಟಾ ಸಫಾರಿ ವಾಹನ ಸಂಖ್ಯೆ ಕೆಎ-53-ಎಂಸಿ-0290ಯು  ರಸ್ತೆಯ ಎಡಬದಿಯಲ್ಲಿ ಪಲ್ಟಿ ಹೊಡೆದು ಬಿದ್ದಿತ್ತು.  ಕೂಡಲೇ ನಾನು ಅಲ್ಲಿ ನೆರೆದಿದ್ದ ಜನರ ಸಹಾಯದಿಂದ ಮೂರು ಜನರನ್ನು ನನ್ನ ಮತ್ತು ಇತರ ಕೆಲವು ವಾಹನಗಳ ಸಹಾಯದಿಂದ ಸರ್ಕಾರಿ ಆಸ್ಪತ್ರೆಗೆ ತುಮಕೂರಿಗೆ ಸಾಗಿಸಿ ಆಸ್ಪತ್ರೆಯಲ್ಲಿ ನಮ್ಮ ಅಣ್ಣನಿಗೆ ಆಗಿದ್ದ ಗಾಯಗಳಿಗೆ ಚಿಕಿತ್ಸೆ ಕೊಡಿಸಿರುತ್ತೇನೆ. ಮಗುವನ್ನು ಮನೆಗೆ ಕಳುಹಿಸಿದೆ. ನನ್ನ ಅತ್ತಿಗೆಯ ಮೃತದೇಹವು ಆಸ್ಪತ್ರೆಯಲ್ಲಿಯೇ ಇರುತ್ತದೆ. ಆದ್ದರಿಂದ ನಾನು ಮುಂದಿನ ಕ್ರಮಕ್ಕಾಗಿ ಪೊಲೀಸ್ ಠಾಣೆಗೆ ಬಂದು ದಿ:19/06/2018 ರಂದು ರಾತ್ರಿ ನರುಗನಹಳ್ಳಿಯಿಂದ ಹೊರಟು ತುಮಕೂರು ರಸ್ತೆಯಲ್ಲಿ ರಾತ್ರಿ ಸುಮಾರು 11-30 ಗಂಟೆಯಲ್ಲಿ ನಮ್ಮ ಅಣ್ಣ ರಾಘವೇಂದ್ರ ರವರು ಕೆಎ-53-ಎಂಸಿ-0290 ನೇ ಟಾಟಾ ಸಫಾರಿ ವಾಹನದಲ್ಲಿ ನಮ್ಮ ಅತ್ತಿಗೆ ವಿನುತ ಹಾಗೂ ಅವರ ಮಗಳಾದ ಶ್ರಾವ್ಯ ರವರನ್ನು ಕರೆದುಕೊಂಡು ಅತಿವೇಗ ಮತ್ತು ಅಜಾಗರೂಕತೆಯಿಂದ ಓಡಿಸಿಕೊಂಡು ಬಂದು ಸದರಿ ವಾಹನ ನಿಯಂತ್ರಣ ತಪ್ಪಿ ಪಲ್ಟಿ ಹೊಡೆದ ಪರಿಣಾಮ ವಾಹನದಲ್ಲಿ ಕುಳಿತಿದ್ದ ನಮ್ಮ ಅತ್ತಿಗೆಗೆ ತಲೆಗೆ ಏಟಾಗಿ ರಕ್ತಗಾಯದಿಂದ ಸ್ಥಳದಲ್ಲಿಯೇ ಮೃತಪಟ್ಟಿರುತ್ತಾರೆ. ಸದರಿ ಅಪಘಾತಕ್ಕೆ ಕಾರಣನಾದ ನಮ್ಮ ಅಣ್ಣ ರಾಘವೇಂದ್ರ ಬಿನ್ ಲೇಟ್ ಜಯರಾಮ ರವರ ಮೇಲೆ ಕಾನೂನು ರೀತಿ ಕ್ರಮ ಕೈಗೊಳ್ಳಲು ಕೋರಿ ನೀಡಿದ ದೂರನ್ನು ಪಡೆದು ಪ್ರಕರಣ ದಾಖಲಿಸಿದೆ.

ತುಮಕೂರು ನಗರ ಠಾಣೆ ಮೊ.ಸಂ 156/2018 ಕಲಂ 457 380 ಐಪಿಸಿ

ದಿನಾಂಕ 19-06-2018 ರಂದು ಸಂಜೆ 04-30 ಗಂಟಗೆ ಪಿರ್ಯಾದಿ ಎಸ್.ಜಿ.ಹೇರಂಭ ಬಿನ್ ಗಂಗಾಧರಯ್ಯ ತುಮಕೂರು ರವರು ಠಾಣೆಗೆ ಹಾಜರಾಗಿ ನೀಡಿದ ಪಿರ್ಯಾದು ಅಂಶವೆನೆಂದರೆ, ದಿನಾಂಕ 16-06-2018 ರಂದು ಶನಿವಾರದಂದು ನನ್ನ ಅಣ್ಣನ ಊರಾದ ಸೋಮವಾರಪೇಟೆ ತಾಲ್ಲೋಕು ಕೊಡಲಿಪೇಟೆ ಗ್ರಾಮಕ್ಕೆ ಮನೆಗೆ ಬೀಗ ಹಾಕಿಕೊಂಡು ಹೋಗಿದ್ದು ದಿನಾಂಕ 18-06-2018 ರ ಸೋಮವಾರ ರಾತ್ರಿ ಸುಮಾರು 09-00 ಗಂಟೆಗೆ ಪಕ್ಕದ ಮನೆಯ ಶಿವಪ್ರಕಾಶ್ ಎಂಬುವರು ನನಗೆ ಪೋನ್ ಮಾಡಿ ನಿಮ್ಮ ಮನೆಯ ಬಾಗಿಲ ಚಿಲಕ ಮತ್ತು ಬೀಗವನ್ನು ಯಾರೋ ಕಳ್ಳರು ಮುರಿದಿರುವುದಾಗಿ ತಿಳಿಸಿದ್ದು ನಾನು ಕೂಡಲೇ ನನ್ನ ಬಾಮೈದುನನಾದ ಮಹಾಗಣೇಶ್ ರವರಿಗೆ ಮನೆಯ ಬಳಿ ಹೋಗುವಂತೆ ತಿಳಿಸಿದೆನು. ನನ್ನ ಬಾಮೈದುನ ರವರು ಮನೆಯ ಬಳಿ ಹೋಗಿ ನೋಡಿ ಮತ್ತೆ ನನಗೆ ಪೋನ್ ಮಾಡಿ ಕಳ್ಳತನವಾಗಿರುವುದು ನಿಜವೆಂತ ತಿಳಿಸಿದ್ದು ನಾನು ಬರುವವರೆಗೂ ಮನೆಯ ಬಳಿ ಇರುವಂತೆ ಹೇಳಿ ತಿಳಿಸಿ ಕೂಡಲೇ ನಾನು ದಿನಾಂಕ 19-06-2018 ರಂದು ಮಧ್ಯಾಹ್ನ 02-30 ಗಂಟೆಗೆ ಊರಿನಿಂದ ಬಂದು ನೋಡಿ ಮನೆಯನ್ನು ಪರಿಶೀಲಿಸಿದಾಗ ಯಾರೋ ಕಳ್ಳರು ನಮ್ಮ ಮನೆಯ ಮುಂದಿನ ಚಿಲಕವನ್ನು ಮತ್ತು ಬೀಗವನ್ನು ಯಾವುದೋ ಅಯುಧದಿಂದ ಮುರಿದು ಮನೆಯ ಒಳಗಡೆ ಪ್ರವೇಶ ಮಾಡಿ ಬೀರುವಿನ ಲಾಕರನ್ನು ಮುರಿದು ಬೀರುವಿನಲ್ಲಿದ್ದ ಬಟ್ಟೆಗಳನ್ನೇಲ್ಲಾ ಚೆಲ್ಲಾಪಿಲ್ಲಿ ಮಾಡಿ ಬೀರುವಿನಲ್ಲಿದ್ದ, ನನ್ನ ಪತ್ನಿಯು ಅರ್.ಡಿ. ಮತ್ತು ಎಲ್.ಐ.ಸಿ. ಏಜೆಂಟ್ ಆಗಿದ್ದು ಪಾಲಿಸಿದಾರರಿಂದ ಸಂಗ್ರಹಿಸಿ ಪಾಲಿಸಿ ಕಟ್ಟಲು ಇಟ್ಟಿದ್ದ  ಸುಮಾರು 65,000/- ರೂ. ನಗದು ಹಣ, ನನ್ನ ಪತ್ನಿಯ ವೈಯಕ್ತಿಕ ನಗದು ಹಣ ಅಂದಾಜು 30,000/- ರೂ., ನನ್ನ ಮಗಳು ಇತ್ತೀಚೆಗೆ ಋತುಮತಿಯಾಗಿದ್ದ ಸಮಯದಲ್ಲಿ ಉಡುಗೊರೆಯಾಗಿ ಬಂದ ಹಣ ಸುಮಾರು 50,000/- ರೂ. ನಗದು ಹಣ, ಅಂದಾಜು ಸುಮಾರು 10,000/- ರೂ. ಬೆಲೆಯ ಸುಮಾರು 200 ಗ್ರಾಂ ನಷ್ಟು ಬೆಳ್ಳಿಯ ಸಾಮಾನುಗಳು, ಕುಟುಂಬದ ನಿರ್ವಹಣೆಗಾಗಿ ಇಟ್ಟಿದ್ದ ಅಂದಾಜು 20,000/- ರೂ. ನಗದು ಹಣ ಒಟ್ಟಾರೆಯಾಗಿ ಸುಮಾರು 1,65,000/- ರೂ. ನಗದು ಹಣ ಮತ್ತು ಅಂದಾರು 10,000/- ರೂ. ಬೆಲೆಯ 200 ಗ್ರಾಂ ನಷ್ಟು ಬೆಳ್ಳಿಯ ಸಾಮಾನುಗಳು ಕಳವು ಆಗಿರುತ್ತದೆ. ಈ ಕಳ್ಳತನವನ್ನು ಯಾರೋ ಕಳ್ಳರು ದಿನಾಂಕ 17-06-2018 ರಂದು ರಾತ್ರಿ ಸುಮಾರು 10-00 ಗಂಟೆಯ ನಂತರ ನಡೆದಿರುವುದಾಗಿ ಅಕ್ಕಪಕ್ಕದವರಿಂದ ತಿಳಿದು ಬಂದಿದ್ದು ನಾನು ಊರಿನಲ್ಲಿ ಇಲ್ಲದೆ ಇದ್ದುದರಿಂದ ಈ ದಿನ ತಡವಾಗಿ ಠಾಣೆಗೆ ಬಂದು ದೂರು ನೀಡಿದ್ದು ಮುಂದಿನ ಕಾನೂನು ಕ್ರಮ ಕೈಗೊಳ್ಳಿ ಇತ್ಯಾದಿಯಾಗಿ ಕೋರಿ ನೀಡಿದ  ದೂರನ್ನು ಸ್ವೀಕರಿಸಿ ಠಾಣಾ ಮೊ.ನಂ.156/2018 ಕಲಂ 457 380 ಐಪಿಸಿ ರೀತ್ಯ ಪ್ರಕರಣ ದಾಖಲಿಸಿರುತ್ತೆ.

ಸಿ.ಎಸ್.ಪುರ ಠಾಣಾ ಮೊ.ನಂ:69/2018. ಕಲಂ:279. 337 ಐಪಿಸಿ

ದಿನಾಂಕ:19.06.2018 ರಂದು ಈ ಕೇಸಿನ ಫಿರ್ಯಾದುದಾರರಾದ ಬಸವಲಿಂಗಯ್ಯ  ಬಿನ್ ಲೇಟ್ ಕರಿಯಪ್ಪ, 63 ವರ್ಷ, ಲಿಂಗಾಯ್ತರು, ದೊಡ್ಡ ಕುನ್ನಾಲ  ಗ್ರಾಮ, ಗುಬ್ಬಿ ತಾಲ್ಲೂಕು ರವರು  ಠಾಣೆಗೆ  ಹಾಜರಾಗಿ ನೀಡಿದ ದೂರಿನ ಸಾರಾಂಶವೆಂದರೆ, ದಿನಾಂಕ:17.06.2018 ರಂದು ಬೆಳಗ್ಗೆ  ಸುಮಾರು  7.00 ಗಂಟೆ ಸಮಯದಲ್ಲಿ  ನನ್ನ  ಅಣ್ಣನ ಮಗ ವೀರಬಸಪ್ಪರವರ ಬಾಬ್ತು ಟಿ.ವಿ.ಎಸ್ ಎಕ್ಸ್-ಎಲ್  ನಂ. ಕೆ.ಎ-06ಇಎಕ್ಸ್-7091 ದ್ವಿ ಚಕ್ರವಾಹನದಲ್ಲಿ  ನನ್ನ ಹೆಂಡತಿ ಶಾಂತಮ್ಮ  & ನನ್ನ ಮಗಳಾದ  ಭಾರತಿ ರವರು  ನಮ್ಮ  ತೋಟಕ್ಕೆ  ದ್ವಿ ಚಕ್ರವಾಹನದಲ್ಲಿ  ಹೋಗಿ , ನನ್ನ  ಮಗಳು ವಾಹನವನ್ನು ಚಾಲನೆ ಮಾಡಿಕೊಂಡು ವಾಪಸ್ಸು  ನಮ್ಮ  ಗ್ರಾಮದ ಬಸ್ ಸ್ಟಾಂಡ್  ಬಳಿ ಅಂದರೆ, ಲಿಂಗರಾಜುರವರ  ಅಂಗಡಿ ನೇರದಲ್ಲಿ  ರಸ್ತೆಯಲ್ಲಿ  ಬರುತ್ತಿರುವಾಗ, ನನ್ನ ಹೆಂಡತಿ ಆಯತಪ್ಪಿ ಕೆಳಕ್ಕೆ ಬಿದ್ದು, ತಲೆಯ ಎಡಭಾಗಕ್ಕೆ  ಪೆಟ್ಟಾಗಿ, ಕೆಳಗೆ ಬಿದ್ದಾಗ ಜ್ಞಾನ ತಪ್ಪಿದ್ದು,  ನನ್ನ  ಹೆಂಡತಿಯನ್ನು  ನಮ್ಮ  ಗ್ರಾಮದ ಲಿಂಗರಾಜು & ಅಸ್ಲಾಂ ಪಾಷಾರವರುಗಳು  ನನ್ನ ಹೆಂಡತಿಗೆ ಶುಶ್ರುಷೆ ಮಾಡಿ, ನಮ್ಮ ಮನೆಯ ಹತ್ತಿರ  ಕಳೆದುಕೊಂಡು ಬಂದು , ನಂತರ  ನನ್ನ ಹೆಂಡತಿಯನ್ನು ಓಮಿನಿ ಮಾರುತಿ ವ್ಯಾನಿನಲ್ಲಿ  ಬೆಂಗಳೂರಿನ ನಿಮ್ಹಾನ್ಸ್  ಆಸ್ಪತ್ರೆಗೆ  ಕರೆದುಕೊಂಡು ಹೋಗಿ ಚಿಕಿತ್ಸೆ ಕೊಡಿಸಿ, ಈ ದಿನ  ತಡವಾಗಿ ಬಂದು ದೂರು ನೀಡಿದ್ದು, ನನ್ನ ಹೆಂಡತಿ ಕೆಳಗೆ ಬೀಳು ನನ್ನ ಮಗಳಾದ ಭಾರತಿಯ ಆಜಾಗರುಕತೆಯೇ  ಕಾರಣವಾಗಿರುತ್ತದೆ ಎಂದು ಇತ್ಯಾದಿ ನೀಡಿದ ದೂರನ್ನು ಸ್ವೀಕರಿಸಿ  ಸಿ.ಎಸ್.ಪುರ ಠಾಣಾ ಮೊ.ನಂ:69/2018. ಕಲಂ:279. 337 ಐಪಿಸಿ ರೀತ್ಯಾ ಪ್ರಕರಣ ದಾಖಲಿಸಿರುತ್ತೆ.



Tuesday, 19 June 2018

ಅಪರಾಧ ಘಟನೆಗಳು19-06-18

ಮಿಡಿಗೇಶಿ  ಪೊಲೀಸ್ ಠಾಣಾ ಯುಡಿಆರ್‌ ನಂ:06/2018, ಕಲಂ:174 ಸಿಆರ್‌ಪಿಸಿ

ದಿನಾಂಕ: 18/06/2018 ರಂದು ಸಂಜೆ 04-00 ಗಂಟೆ ಸಮಯದಲ್ಲಿ ಫಿರ್ಯಾದಿ ಸಿದ್ದರಾಮಯ್ಯ ಬಿನ್ ಲೇ||ತಿಪ್ಪಯ್ಯ ರವರು ಠಾಣೆಗೆ ಹಾಜರಾಗಿ ನೀಡಿದ ಲಿಖಿತ ದೂರಿನ ಅಂಶವೇನೆಂದರೆ ನಾನು ಈಗ್ಗೆ 22ವರ್ಷದ ಹಿಂದೆ ಉಮಾದೇವಿ ಎಂಬುವರೊಂದಿಗೆ ಮದುವೆಯಾಗಿದ್ದು ನನಗೆ 21ವರ್ಷದ ಸಂದ್ಯಾ, 19ವರ್ಷದ ಮನೋಜ, ಎಂಬ ಇಬ್ಬರೂ ಮಕ್ಕಳಿದ್ದು. ನನ್ನ ಮಗಳಾದ ಸಂದ್ಯಾಳು ಹಾಸನದಲ್ಲಿ ಪಿಜಿ ಹಾಸ್ಟೇಲ್‌ನಲ್ಲಿದ್ದುಕೊಂಡು ಬಿಸಿಎ ವ್ಯಾಸಂಗ ಮಾಡುತ್ತಿದ್ದಳು. ನನ್ನ ಮಗಳಿಗೆ ಹಾಗಾಗ್ಗೆ ಹೊಟ್ಟೆನೋವು ಬರುತ್ತಿದ್ದು ಕೆಲವು ಆಸ್ಪತ್ರೆಗಳಲ್ಲಿ ಮತ್ತು ನಾಟಿ ವೈಧ್ಯರಲ್ಲಿ ತೋರಿಸಿ ಚಿಕಿತ್ಸೆ ಕೊಡಿಸಿದ್ದೆವು. ಆದರೂ ಸಹ ಹೊಟ್ಟೆನೋವು ವಾಸಿಯಾಗಿರಲಿಲ್ಲ. ಶಾಲೆಗೆ ರಜೆ ಇದ್ದುದರಿಂದ. ಈಗ್ಗೆ 3 ದಿನಗಳ ಹಿಂದೆ ನನ್ನ ಮಗಳು ಸಂದ್ಯಾ ಊರಿಗೆ ಬಂದಿದ್ದಳು. ಈ ದಿನ ಅಂದರೆ ದಿನಾಂಕ:18/06/2018 ರಂದು ಬೆಳಿಗ್ಗೆ ನನ್ನ ಮಗಳಿಗೆ ಹೊಟ್ಟೆನೋವು ಕಾಣಿಸಿಕೊಂಡಿದ್ದು ಆಸ್ಪತ್ರೆಗೆ ಹೋಗೊಣವೆಂತಾ ನನ್ನ ಮಗಳಿಗೆ ನಾನು ಮತ್ತು ನನ್ನ ಹೆಂಡತಿ ತಿಳಿಸಿದ್ದೆವು. ಆಗ ನನ್ನ ಮಗಳು ಸಂದ್ಯಾ ಈಗ ಸ್ವಲ್ಪ ಹೊಟ್ಟೆನೋವು ಕಡಿಮೆಯಾಗುತ್ತಿದೆ ಪುನಃ ಬಂದರೆ ಹೋಗೊಣ ಎಂತಾ ಹೇಳಿದಳು. ಆಗ ನಾವು ನಮ್ಮ ಮಗಳನ್ನು ಮನೆಯಲ್ಲಿಯೇ ಬಿಟ್ಟು ನಾನು ನನ್ನ ಹೆಂಡತಿ ಹಾಗೂ ನನ್ನ ಮಗ ಮನೋಜ ನಮ್ಮ ಕೆಲಸಗಳಿಗೆ ಹೋದೆವು. ನಮ್ಮ ತಾಯಿ ಹನುಮಕ್ಕ & ನನ್ನ ಮಗಳು ಸಂದ್ಯಾ ಇಬ್ಬರೂ ಮನೆಯ ಹತ್ತಿರ ಇದ್ದರು. ನಂತರ ಇದೇ ದಿನ ಮಧ್ಯಾಹ್ನ ಸುಮಾರು 2-00 ಗಂಟೆ ಸಮಯದಲ್ಲಿ ನಮ್ಮ ಗ್ರಾಮದ ಮಾರುತಿ ಎಂಬುವರು ನನ್ನ ಮಗನಿಗೆ ಫೋನ್‌ ಮಾಡಿ ನಿಮ್ಮ ಅಕ್ಕ ಸಂದ್ಯಾಳು ನಿಮ್ಮ ಮನೆಯಲ್ಲಿ ನೇಣು ಹಾಕಿಕೊಂಡಿರುತ್ತಾಳೆ. ಎಂತಾ ವಿಷಯ ತಿಳಿಸಿದ್ದು ನನ್ನ ಮಗನಿಂದ ನಾವುಗಳು ವಿಷಯ ತಿಳಿದು ನಮ್ಮ ಮನೆ ಹತ್ತಿರ ಹೋಗಿ ನೋಡಲಾಗಿ  ನನ್ನ ಮಗಳು ಸೀರೆಯಿಂದ ನಮ್ಮ ಮನೆಯ ಮೇಲ್ಚಾವಣೆಯ ಮರದ ಅಡ್ಡೆಗೆ ನೇಣುಹಾಕಿಕೊಂಡು ಮೃತಪಟ್ಟಿದ್ದಳು. ನನ್ನ ಮಗಳು ಸಂದ್ಯಾ ತನಗೆ ಬರುತ್ತಿದ್ದ ಹೊಟ್ಟೆನೋವಿನ ಬಾದೆಯನ್ನು ತಾಳಲಾರದೇ ಜೀವನದಲ್ಲಿ ಜಿಗುಪ್ಸೆಗೊಂಡು ಇದೇ ದಿನ ಬೆಳಿಗ್ಗೆ 11-00 ಗಂಟೆಯಿಂದ ಮಧ್ಯಾಹ್ನ 02-00 ಗಂಟೆಯ ನಡುವೆ ಯಾವುದೋ ಸಮಯದಲ್ಲಿ ನೇಣುಹಾಕಿಕೊಂಡು ಮೃತಪಟ್ಟಿರುತ್ತಾಳೆ ವಿನಃ ನನ್ನ ಮಗಳ ಸಾವಿನಲ್ಲಿ ಬೇರಾವ ಅನುಮಾನ ಇರುವುದಿಲ್ಲ ಅದ್ದರಿಂದ ತಾವುಗಳು ಕಾನೂನು ರೀತ್ಯಾ ಕ್ರಮ ಕೈ ಗೊಳ್ಳ ಬೇಕೆಂದು ನೀಡದ ದೂರಿನ ಅಂಶವಾಗಿರುತ್ತೆ.

 

ಕೊಡಿಗೇನಹಳ್ಳಿ ಪೊಲೀಸ್ ಠಾಣೆ ಮೊ.ನಂ 72/2018 ಕಲಂ:454,380 ಐಪಿಸಿ

ದಿ:18/06/2018 ರಂದು ಬೆಳಿಗ್ಗೆ 11-00 ಗಂಟೆಗೆ ಪಿರ್ಯಾದಿ ಚಿಕ್ಕರಾಮಯ್ಯ ಬಿನ್ ಲೇಟ್ ರಾಮಣ್ಣ, 56 ವರ್ಷ, ವಕ್ಕಲಿಗ ಜನಾಂಗ, ವ್ಯವಸಾಯ ವೃತ್ತಿ, ಸಿದ್ದನಹಳ್ಳಿ ಗ್ರಾಮ, ಪುರವರ ಹೋಬಳಿ, ಮಧುಗಿರಿ ತಾಲ್ಲೂಕ್ ರವರು ಠಾಣೆಗೆ ಹಾಜರಾಗಿ ದಿನಾಂಕ:17/06/2018 ರಂದು ಮದ್ಯಾಹ್ನ ಸುಮಾರು 03-20 ಗಂಟೆಯಲ್ಲಿ ನಾನು ಮನೆಯಲ್ಲಿ ಟಿ.ವಿ ನೋಡುತ್ತಿದ್ದಾಗ ನಮ್ಮ ಗ್ರಾಮದ ವಾಸಿಯಾಗಿದ್ದು, ಪುರವರ ಗ್ರಾಮದಲ್ಲಿ ಹೋಟೆಲ್ ನಡೆಸುತ್ತಿರುವ ಲಿಂಗಾಯ್ತ ಜನಾಂಗದ ಸದಾನಂದ ಬಿನ್ ವೀರಭದ್ರಯ್ಯ ಎಂಬುವವರು ನಮ್ಮ ಮನೆ ಹತ್ತಿರಕ್ಕೆ ಬಂದು ನಾನು ಕಾವಲು ಕಾಯುತ್ತಿರುವ ನಮ್ಮ ಗ್ರಾಮದ ಗೋಪಾಲಕೃಷ್ಣ ಶೆಟ್ಟಿ ರವರ ತೋಟದಲ್ಲಿ ಕರಿಬೇವಿನ ಸೊಪ್ಪನ್ನು ಕೊಯ್ದುಕೊಡುವಂತೆ ಕೇಳಿದಾಗ ನಾನು ಆತುರಾತುರವಾಗಿ ಮನೆಯ ಬಾಗಿಲಿನ ಚಿಲಕ ಹಾಕಿಕೊಂಡು ಬೀಗ ಹಾಕದೆ ನಮ್ಮ ಮನೆಗೆ ಸುಮಾರು 100 ಮೀ ದೂರದಲ್ಲಿರುವ ತೋಟಕ್ಕೆ ಹೋಗಿ ಸದರಿಯವರಿಗೆ ಕರಿಬೇವಿನ ಸೊಪ್ಪನ್ನು ಕೊಯ್ದುಕೊಟ್ಟು ಮನೆಯ ಹತ್ತಿರಕ್ಕೆ ಬಂದು ನೋಡಿದಾಗ ಯಾರೋ ದುಷ್ಕರ್ಮಿಗಳು ನಮ್ಮ ಮನೆಗೆ ನುಗ್ಗಿ ನಮ್ಮ ಮನೆಯಲ್ಲಿ ಒಳಗಡೆ ರೂಂನಲ್ಲಿಟ್ಟಿದ್ದ ಬೀರುವಿನ ಬೀಗವನ್ನು ಹೊಡೆದು ಎರಡು ಲಾಕರ್ ಗಳ ಬೀಗಗಳನ್ನು ಮೀಟಿ ತೆಗೆದು ಬೀರುವಿನಲ್ಲಿದ್ದ 1] 1,60,000/- ರೂ ನಗದು ಹಣ 2] ಸುಮಾರು 40 ಗ್ರಾಂ ತೂಕದ ಎರಡು ಎಳೆ ಒಂದು ಬಂಗಾರದ ಚೈನು 3] ಸುಮಾರು 60 ಗ್ರಾಂ ತೂಕದ ಎರಡು ಬಂಗಾರದ ಚೈನು 4] ಸುಮಾರು 20 ಗ್ರಾಂ ತೂಕದ ಬಂಗಾರದ ನೆಕ್ಲೇಸ್ 5] ಸುಮಾರು 4 ಗ್ರಾಂ ತೂಕದ ಒಂದು ಜೊತೆ ಬಂಗಾರದ ಓಲೆ 6] ಸುಮಾರು 08 ಗ್ರಾಂ ತೂಕದ ಒಂದು ಬಂಗಾರದ ಉಂಗುರ 7] ಸುಮಾರು 12 ಗ್ರಾಂ ತೂಕದ ಎರಡು ಬಂಗಾರದ ಉಂಗುರಗಳು ( ಮೇಲ್ಕಂಡ ನಗದು ಹಣ ಮತ್ತು ಎಲ್ಲಾ ವಡವೆಗಳು ಸೇರಿ ಸುಮಾರು 6,00,000/- ರೂ) ಆಗಿದ್ದು, ಇವುಗಳನ್ನು ಕಳ್ಳತನ ಮಾಡಿಕೊಂಡು ಹೋಗಿದ್ದರು. ನಾನು ಇದನ್ನು ನೋಡಿ ಕಿರುಚಿಕೊಂಡಾಗ ನಮ್ಮ ಗ್ರಾಮದ ನಾಯಕರ ಗಂಗಾಧರಪ್ಪ ಮತ್ತು ಚಿಕ್ಕರಂಗಪ್ಪ ಎಂಬುವವರು ಬಂದು ನೋಡಿ ನನ್ನನ್ನು ಸಮಾಧಾನಪಡಿಸಿದರು. ನಮ್ಮ ಮನೆಯಲ್ಲಿ ಏನೇನು ಕಳ್ಳತನ ಆಗಿದೆ ಎಂದು ತಿಳಿದುಕೊಂಡು ನಮ್ಮ ಸಂಬಂಧಿಕರಿಗೆ ವಿಚಾರ ತಿಳಿಸಿ ಈ ದಿನ ತಡವಾಗಿ ಬಂದು ದೂರು ನೀಡಿದ್ದು, ಕಳ್ಳರನ್ನು ಮತ್ತು ಮಾಲನ್ನು ಪತ್ತೆಮಾಡಿಕೊಡಬೇಕೆಂದು ನೀಡಿದ ಪಿರ್ಯಾದು ಮೇರೆಗೆ  ಪ್ರಕರಣ ದಾಖಲಿಸಿ ತನಿಖೆ ಕೈಗೊಂಡಿರುತ್ತೆ.

 

 



Monday, 18 June 2018

ಅಪರಾಧ ಘಟನೆಗಳು18-06-18

ಕುಣಿಗಲ್ ಪೊಲೀಸ್ ಠಾಣಾ ಮೊ.ನಂ;268/2018, ಕಲಂ;279, 337,304(ಎ) ಐ ಪಿ ಸಿ

ದಿನಾಂಕ: 17/06/2018 ರಂದು ರಾತ್ರಿ 11-00 ಗಂಟೆ ಸಮಯದಲ್ಲಿ ಈ ಕೇಸಿನ ಪಿರ್ಯಾದಿ ಮಹಮದ್ ಮಹಮದ್ ಅದ್‌ನಾನ್ ಬಿನ್ ನಾಸೀರ್ ಪಾಷಾ, 22 ವರ್ಷ, ಮುಸ್ಲಿಂ ಜನಾಂಗ, ಶಿರಾನಿ ಮ್ಯಾಂಗೋ ಗಾರ್ಡನ್ ಹತ್ತಿರ, ಉಪ್ಪಾರಹಳ್ಳಿ, ತುಮಕೂರು ಟೌನ್  ರವರು ಠಾಣೆಗೆ ಹಾಜರಾಗಿ ನೀಡಿದ ದೂರಿನ ಅಂಶವೇನೆಂದರೆ, ದಿನಾಂಕ: 17/06/2018 ರಂದು ಬೆಳಿಗ್ಗೆ 8-00 ಗಂಟೆ ಸಮಯದಲ್ಲಿ ತುಮಕೂರು ಟೌನ್ ಉಪ್ಪಾರಹಳ್ಳಿಯ ತಮ್ಮ ಮನೆಯಿಂದ  ಪಿರ್ಯಾದಿ ತಮ್ಮ ಸುಮಾರು 18 ವರ್ಷದ ಮಹಮದ್ ಉಸ್‌ಮಾನ್ ರವರು ಮತ್ತು ಉಪ್ಪಾರಹಳ್ಳಿ ಬಡಾವಣೆಯ ಪಿರ್ಯಾದಿ ಮನೆಯ ಪಕ್ಕ ಇರುವ ಸುಮಾರು 18 ವರ್ಷದ ತಬಾರಕ್ ಬಿನ್ ಮುನೀರ್ ಎಂಬುವರು ಇಬ್ಬರು ಕೆ.ಎ-06 ಇ.ಜಿ-6400 ನೇ ನಂಬರಿನ ಬಜಾಜ್ ಡಿಸ್ಕವರಿ ಬೈಕಿನಲ್ಲಿ ಚಾಲಕನಾಗಿ ತಬಾರಕ್ ಮತ್ತು ಬೈಕಿನ ಹಿಂಬದಿಯಲ್ಲಿ ಪಿರ್ಯಾದಿ ತಮ್ಮ ಮಹಮದ್ ಉಸ್‌ಮಾನ್ ರವರನ್ನು ಕೂರಿಸಿಕೊಂಡು ತುಮಕೂರಿನಿಂದ ಶಿವನಸಮುದ್ರದ ದರ್ಗಾಕ್ಕೆ ಹೋಗಿ ದರ್ಗಾದಲ್ಲಿ ಪೂಜೆ ಮುಗಿಸಿಕೊಂಡು ನಂತರ ವಾಪಸ್ ಮಳವಳ್ಳಿ, ಮದ್ದೂರು, ಹುಲಿಯೂರುದುರ್ಗ ಮಾರ್ಗವಾಗಿ ಕುಣಿಗಲ್ ಮದ್ದೂರ್ ರಸ್ತೆಯಲ್ಲಿ ಕುಣಿಗಲ್ ತಾಲ್ಲೊಕು ಕಸಬಾ ಹೋಬಳಿ ಗಿರಿಗೌಡನಪಾಳ್ಯದ ಹತ್ತಿರ ಅರವಿಂದ ಶಾಲೆಯ ಹತ್ತಿರ ಸಂಜೆ ಸುಮಾರು 7-00 ಗಂಟೆ ಸಮಯದಲ್ಲಿ ಬರುತ್ತಿದ್ದಾಗ ಅದೇ ಸಮಯಕ್ಕೆ ಕುಣಿಗಲ್ ಕಡೆಯಿಂದ ಮದ್ದೂರು ಕಡೆಗೆ ಹೋಗಲು ಬಂದ ಒಂದು ಬೈಕಿನಲ್ಲಿ ಇಬ್ಬರು ಬರುತ್ತಿದ್ದು, ಸದರಿ ಬೈಕಿನ ಚಾಲಕ ಬೈಕನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆಮಾಡಿಕೊಂಡು ಬಂದು ಪಿರ್ಯಾದಿ ತಮ್ಮ ಬರುತ್ತಿದ್ದ ಬೈಕಿಗೆ ಡಿಕ್ಕಿ ಹೊಡೆದು ಅಪಘಾತವುಂಟುಮಾಡಿದ್ದು, ಈ ಅಪಘಾತದಿಂದ ಪಿರ್ಯಾದಿ ತಮ್ಮ ಮತ್ತು ತಬಾರಕ್ ಇಬ್ಬರು ಬೈಕ್ ಸಮೇತ ಕೆಳಗೆ ಬಿದ್ದಿದ್ದು, ಪಿರ್ಯಾದಿ ತಮ್ಮ ಮಹಮದ್ ಉಸ್‌ಮಾನ್ ರವರಿಗೆ ತಲೆಗೆ,ಎದೆಗೆ,ಕೈಕಾಲುಗಳಿಗೆ ತೀವ್ರ ತರಹದ ಪೆಟ್ಟುಗಳು ಬಿದ್ದು, ರಕ್ತ ಸ್ರಾವವಾಗಿ ಸ್ಥಳದಲ್ಲಿಯೇ ಮರಣಹೊಂದಿದ್ದು, ಬೈಕ್ ಚಾಲಕ ತಬಾರಕ್ ರವರಿಗೂ ಸಹ ತಲೆಗೆ, ಎದೆಗೆ,ಕೈಕಾಲುಗಳಿಗೆ ಪೆಟ್ಟು ಬಿದ್ದು ಕುಣಿಗಲ್ ಸರ್ಕಾರಿ ಆಸ್ಪತ್ರೆಗೆ ಚಿಕಿತ್ಸೆಗೆ ಸೇರಿಸಿದ್ದಾರೆ. ಪಿರ್ಯಾದಿ ತಮ್ಮ ಮಹಮದ್ ಉಸ್‌ಮಾನ್ ಮತ್ತು ತಬಾರಕ್ ರವರಿಗೆ ಅಪಘಾತವುಂಟುಮಾಡಿದ ಬೈಕ್ ನಂಬರ್ ನೋಡಲಾಗಿ ಕೆ.ಎ-53 ಡಬ್ಲ್ಯೂ-9085 ನೇ ನಂಬರಿನ ಹೊಂಡಾ ಯೂನಿಕಾರ್ನ ಎಂತ ತಿಳಿಯಿತು ಎಂದು ಈ ಅಪಘಾತವನ್ನು ಕಣ್ಣಾರೆ ನೋಡಿದ ಕುಣಿಗಲ್ ಟೌನ್ ವಾಸಿ ಅನ್ವರ್ ಹುಸೇನ್ ರವರು ಪಿರ್ಯಾದಿಗೆ ಪೋನ್ ಮುಖಾಂತರ ತಿಳಿಸಿದ್ದು, ತಕ್ಷಣ ಪಿರ್ಯಾದಿ ಕುಣಿಗಲ್ ಸರ್ಕಾರಿ ಆಸ್ಪತ್ರೆಯ ಶವಾಗಾರಕ್ಕೆ ಬಂದು ನೋಡಿದಾಗ ಪಿರ್ಯಾದಿ ತಮ್ಮ ಮಹಮದ್ ಉಸ್‌ಮಾನ್ ರವರು ಮರಣ ಹೊಂದಿದ್ದನು. ಪಿರ್ಯಾದಿ ತಮ್ಮನಿಗೆ ಅಪಘಾತವುಂಟುಮಾಡಿದ ಕೆ.ಎ-53 ಡಬ್ಲ್ಯೂ-9085 ನೇ ನಂಬರಿನ ಬೈಕಿನಲ್ಲಿದ್ದ ಇಬ್ಬರಿಗೂ ಸಹ ಪೆಟ್ಟುಗಳು ಬಿದ್ದು ಗಾಯಗಳಾಗಿದ್ದವೆಂದು ಅನ್ವರ್ ಹುಸೇನ್ ತಿಳಿಸಿದ್ದು,  ಪಿರ್ಯಾದಿ ಇದೇ ದಿನ ಠಾಣೆಗೆ ಹಾಜರಾಗಿ ತನ್ನ ತಮ್ಮನಿಗೆ ಮತ್ತು ತಬಾರಕ್ ರವರಿಗೆ ಅಪಘಾತವುಂಟುಮಾಡಿದ ಕೆ.ಎ-53  ಡಬ್ಲ್ಯೂ-9085 ನೇ ನಂಬರಿನ ಬೈಕಿನ ಚಾಲಕನ ಮೇಲೆ ಕಾನೂನು ಕ್ರಮಕೈಗೊಳ್ಳಿ ಎಂತ ನೀಡಿದ ದೂರನ್ನು ಪಡೆದು ದಾಖಲಿಸಿಕೊಂಡು ತನಿಖೆ ಕೈಗೊಂಡಿರುತ್ತೆ.

 

ಹೊನ್ನವಳ್ಳಿ ಪೊಲೀಸ್‌  ಠಾಣೆ ಮೊ ನಂ 40/2018 ಕಲಂ:324. 504. 506 ರೆ/ವಿ 34 ಐಪಿಸಿ

ದಿನಾಂಕ 17/0/2018 ರಂದು ತಿಪಟೂರು ಜನರಲ್‌ ಆಸ್ವತ್ರೆಯಲ್ಲಿ ಓಳರೋಗಿಯಾಗಿ ಚಿಕಿತ್ಸೆ ಪಡೆಯುತ್ತಿರುವ ಗಾಯಾಳು ಶ್ರೀಮತಿ ಬಸಮ್ಮ ಕೋಂ ಲೇ|| ಈರಣ್ಣ ಸುಮಾರ 72 ವರ್ಷ ಲಿಂಗಾಯ್ತಿರು ಗೌಡನಕಟ್ಟೆ  ಕಸಬಾ  ಹೋಬಳಿ, ತಿಪಟೂರು ತಾಲ್ಲೂಕು ರವರು ನೀಡಿದ ಹೇಳಿಕೆಯ ಅಂಶ ಏನೆಂದರೆ.ನನ್ನ ಮನೆ ಮತ್ತು ನಮ್ಮ ಗ್ರಾಮದ ನಾಗಭೂಷಣ ಬಿನ್‌ ಬಸವರಾಜು ಇತನ ತಾಯಿ ಮಹದೇವಮ್ಮನವರ ಮನೆ ಅಕ್ಕ ಪಕ್ಕ ವಿರುತ್ತದೆ, ಮತ್ತು ನಮ್ಮಗಳ ಇಬ್ಬರ ಮನೆಗಳ ಮಧ್ಯಭಾಗದಲ್ಲಿ ನಾವೇ ಹಾಕಿದ್ದ ಕಲ್ಲು ತಂತಿಗಳ ಕಂಬಗಳಿರುತ್ತವೆ ಈ ಕಂಬಗಳಿಗೆ ನಾಗಭೂಷಣರವರು ನಾವು ಬೇಡವೆಂದರು ಕಟ್ಟುತ್ತಿದ್ದರು ದಿನಾಂಕ-16-06-2018 ರಂದು ನಾಗಭೂಷಣರವರ ಹಸುವಿ ಕರು ಆಕಸ್ಮಿಕವಾಗಿ ಮೃತ ಪಟ್ಟಿದ್ದ ವಿಚಾರವಾಗಿ ಈ ದಿನ 17-06-2018 ರಂದು ಬೆಳಿಗ್ಗೆ ಸು, 7-30 ಗಂಟೆ ಸಮಯದಲ್ಲಿ ನಮ್ಮ ಮನೆಯ ಮುಂದೆ ನಾನು ಗಿಡದಲ್ಲಿ ಹೂವನ್ನು ಕೀಳುವಾಗ ನಾಗಭೂಷಣ ಮತ್ತು ಆತನ ತಾಯಿ ಮಹದೇವಮ್ಮನವರು ಒಟ್ಟಾಗಿ ಬಂದು ನನಗೆ ಬೇವರ್ಸಿಮುಂಡೆ, ಇತ್ಯಾದಿ ಅವ್ಯಾಚ್ಯ ಶಬ್ದಗಳಿಂದ ಬೈದು, ನಾಗಭೂಷಣ ಕಲ್ಲಿನಿಂದ ನನ್ನನ್ನು ಹೊಡೆಯಲು ಬಂದು ನಂತರ ಕಲ್ಲನ್ನು ಬಿಸಾಡಿ, ಕಬ್ಬಿಣದ ಮುಳ್ಳು ತಂತಿಯ ಮೇಲೆ ನೂಕಿದ ಆಗ ಮಹದೇವಮ್ಮ ಕೋಲಿನಿಂದ ನನ್ನ ಎಡಭುಜ ಮತ್ತು ಬಲ ಭುಜ ಹಾಗೂ ಎಡಬದಿಯ ಸೊಂಟಕ್ಕೆ ಹೊಡೆದು ಗಾಯ ಪಡಿಸಿದರು, ನಾನು ಕಿರುಚಾಡಿದಾಗ ನಮ್ಮ ಗ್ರಾಮದ ಶಿವಪ್ಪ ಬಿನ್‌ ಚನ್ನಬಸಪ್ಪ, ಮತ್ತು ರುದ್ರೇಶ, ರವರು ಬಂದು ಜಗಳ ಬಿಡಿಸಿದರು, ನಂತರ ಮಹದೇವಮ್ಮ ಹಾಗೂ ನಾಗಭೂಷಣರವರು ಇಷ್ಠಕ್ಕೆ ಬಿಡುವುದಿಲ್ಲಾ ಬೈಕ್‌ ಅನ್ನು  ನಿನ್ನ ಮೇಲೆ ಹತ್ತಿಸಿ ಸಾಯಿಸುತ್ತೇನೆಂದು ಪ್ರಾಣ ಬೆದರಿಕೆ ಹಾಕಿರುತ್ತಾರೆ, ನಂತರ ಮನೆಗೆ ಬಂದ ನನ್ನ ಮಗ ಬೈಕಿನಲ್ಲಿ ತಿಪಟೂರು ಸರ್ಕಾರಿ ಆಸ್ಪತ್ರೆಗೆ ಕರೆದುಕೊಂಡು ಬಂದು ಚಿಕಿತ್ಸೆ ಕೊಡಿಸಿರುತ್ತಾರೆ. ಆದ್ದರಿಂದ ನಮಗೆ ಹೊಡೆದು ಗಲಾಟೆ ಮಾಡಿದ ಮೇಲ್ಕಂಡವರುಗಳು ಮೇಲೆ ಕಾನೂನು ರೀತಿಯ ಕ್ರಮ ಕೈಗೊಳ್ಳಲು ನೀಡಿದ ಹೇಳಿಕೆಯನ್ನು ಠಾಣಾ ಹೆಚ್‌ಸಿ 403 ರವರು ಪಡೆದು ಠಾಣೆಗೆ ರಾತ್ರಿ 7-30 ಗಂಟೆಗೆ ಬಂದು ನೀಡಿದ ಹೇಳಿಕೆಯನ್ನು ಪಡೆದು ಪ್ರಕರಣ ದಾಖಲು ಮಾಡಿರುತ್ತೆ.

 

ಹೊನ್ನವಳ್ಳಿ ಪೊಲೀಸ್‌  ಠಾಣೆ ಮೊ ನಂ 39/2018 ಕಲಂ:279.337. ಐಪಿಸಿ ರೆ/ವಿ 187 ಐಎಂವಿ ಆಕ್ಟ್‌

ದಿನಾಂಕ:17/062018 ರಂದು  ಸಂಜೆ 4-00 ಗಂಟೆಗೆ  ಪಿರ್ಯಾದಿ  ಬಿ. ಮುನಿಯಪ್ಪ, ಬಿನ್ ಬುಡ್ಡಯ್ಯ,50 ವರ್ಷ, ಬಾಗವಾಳ ಗೊಲ್ಲರಹಟ್ಟಿ, ಹೊನ್ನವಳ್ಳಿ ಹೋ|| ತಿಪಟೂರು ತಾ|| ರವರು ಠಾಣೆಗೆ ಹಾಜರಾಗಿ ನೀಡಿದ  ಲಿಖಿತ ದೂರಿನ ಅಂಶವೇನೆಂದರೆ, ಪಿರ್ಯಾದಿಯವರು ತಮ್ಮ ಸ್ವಂತ ಕೆಲಸದ  ನಿಮಿತ್ತ ದಿನಾಂಕ;15/06/2018 ರಂದು ಗುಡಿಗೊಂಡನಹಳ್ಳಿ ಗ್ರಾಮದ  ಮನು ಎಂಬುವರ ಮನೆಯ ಹತ್ತಿರ ಹೋಗಲು ರಾತ್ರಿ ಸುಮಾರು 8-45 ಗಂಟೆ ಸಮಯದಲ್ಲಿ  ನಿಂತಿದ್ದೇನು, ಹಾಲುಗೌಡನಕಟ್ಟೆ ವಾಸಿ ನಾಗರಾಜು ಅವರ ಮಗ ಶಶಿಕುಮಾರ ಎಂಬುವರ ಬೈಕ್‌ ನಲ್ಲಿ  ಆಲದಮರದ ಗೇಟ್‌ ಹತ್ತಿರ ಬಂದು ರಸ್ತೆಯ ಪಕ್ಕದಲ್ಲಿ ಬೈಕ್‌ ಮೇಲೆ ಕುಳಿತಿರುವಾಗ, ಹೊನ್ನವಳ್ಳಿ ಕಡೆಯಿಂದ ಒಬ್ಬ ಬೈಕ್‌ ಸವಾರ ತನ್ನ ಬೈಕ್‌ ಅನ್ನು ಜೋರಾಗಿ ಓಡಿಸಿಕೊಂಡು ಬಂದು ರಸ್ತೆಯ ಪಕ್ಕದಲ್ಲಿ ನಿಂತಿದ್ದ, ಶಶಿಕುಮಾರನ ಬೈಕ್‌ ಗೆ ಡಿಕ್ಕಿ ಹೊಡೆಸಿದ ಪರಿಣಾಮ ಬೈಕ್‌ ಸಮೇತ ರಸ್ತೆಯ ಮೇಲೆ ಬಿದ್ದು  ಶಶಿಕುಮಾರನ ಎಡಗಾಲಿಗೆ ಪೆಟ್ಟಾಗಿದ್ದು ರಕ್ತಗಾಯವಾಗಿರುತ್ತೆ, ಡಿಕ್ಕಿ ಹೊಡೆಸಿದ ಬೈಕ್‌ ಸವಾರ ಬೈಕ್‌ನಿಲ್ಲಿಸಿ ಮುಂದೆ ಹೋಗುತ್ತೇನೆ, ಬನ್ನಿ ಎಂದು ಹೇಳಿ ಹೋದರು, ಆತನ ಬೈಕ್‌ ನಂಬರ್‌ ನೋಡಲಾಗಿ ಕೆಎ.02.ಹೆಚ್‌ಎ.2050 ನೇ ಪಲ್ಸರ್‌ ಬೈಕ್‌ ಆಗಿದ್ದು, ಗಾಯಗೊಂಡಿದ್ದ ಶಶಿಕುಮಾರನ್ನು ಯಾವುದೋ ಒಂದು ಆಟೋದಲ್ಲಿ ಹೇಮಾವತಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿ ಚಿಕಿತ್ಸೆಗೆ ದಾಖಲಿಸಿ ವಿಚಾರವನ್ನು ಶಶಿಕುಮಾರನ ತಂದೆಗೆ ಫೋನ್‌ ಮೂಲಕ ತಿಳಿಸಿದೆ, ಶಶಿಕುಮಾರನ ಬೈಕ್‌ ನಂ ಕೆಎ.44.ಹೆಚ್‌.247 ಹಿರೋ ಹೊಂಡ ಸ್ಪೆಂಡರ್‌ ಆಗಿರುತ್ತೆ. ಈ ಅಪಘಾತಕ್ಕೆ ಕಾರಣವಾದ ಕೆಎ.02. ಹೆಚ್‌ಎ. 2050 ನೆ ಪಲ್ಸರ್‌ ಬೈಕ್‌ ನ ಚಾಲಕನ ನಿರ್ಲಕ್ಷತೆ ಕಾರಣವಾಗಿರುತ್ತದೆ. ಸದರಿ ಬೈಕ್‌ನ ಚಾಲಕನ ಹೆಸರು ತಿಳಿಯಲಾಗಿ ರಂಗಾಪುರ ವಾಸಿ ಜಯಣ್ಣ ಎಂದು ತಿಳಿಯಿತು, ಆಸ್ಪತ್ರೆಯಲ್ಲಿ ನಾನು ಸಹ ಗಾಯಾಳು ಶಶಿಕುಮಾರ ತಂದೆಯವರ  ಜೊತೆ ಇದ್ದು ಚಿಕಿತ್ಸೆ ಕೊಡಿಸಿ ಈ ದಿನ ತಡವಾಗಿ ಬಂದು ದೂರು ನೀಡಿರುತ್ತೇನೆ. ಈ ಅಪಘಾತಕ್ಕೆ ಜಯಣ್ಣ ರವರು ಬೈಕನ್ನು ಅತೀವೇಗ ಮತ್ತು ಅಜಾಗರೂಕತೆಯಿಂದ ಓಡಿಸಿಕೊಂಡು ಬಂದು ಡಿಕ್ಕಿ ಹೊಡೆಸಿದ್ದರಿಂದ, ಸದರಿ ಬೈಕ್‌ ಚಾಲಕನ ಮೇಲೆ ಕಾನೂನು ರೀತಿಯ ಕ್ರಮ ಕೈಗೊಳ್ಳಲು ನೀಡಿದ ಪಿರ್ಯಾದಿ   ಪಡೆದು ಪ್ರಕರಣ ದಾಖಲು ಮಾಡಿರುತ್ತೆ.

ಹುಲಿಯೂರುದುರ್ಗ ಪೊಲೀಸ್‌ ಠಾಣಾ ಮೊ ನಂ  135/2018, ಕಲಂ: 323 324 504 506 447   ಐ ಪಿಸಿ

ದಿನಾಂಕ: 17/06/2018 ರಂದು ಮಧ್ಯಾಹ್ನ 12-45 ಗಂಟೆಗೆ ಟಿ.ರಾಮಕೃಷ್ಣ ಬಿನ್ ಲೇಟ್ ತಿಮ್ಮಯ್ಯ, ಸುಮಾರು 57 ವರ್ಷ, ವಕ್ಕಲಿಗರು, ಮನೆ ನಂ: 34, 14 ನೇ ಮುಖ್ಯ ರಸ್ತೆ, ಜೆ ಸಿ ನಗರ, ಬೆಂಗಳೂರು ರವರು ಠಾಣೆಗೆ ಹಾಜರಾಗಿ ನೀಡಿದ ದೂರಿನ ಅಂಶವೇನೆಂದರೆ ಪಿರ್ಯಾದುದಾರರಿಗೆ ಅವರ ಗ್ರಾಮವಾದ ಕುಣಿಗಲ್ ತಾ. ಕಸಬಾ ಹೋಬಳಿ, ಕೆಂಪನಹಳ್ಳಿ ಗ್ರಾಮದಲ್ಲಿ ಸರ್ವೆ ನಂಬರ್ 58/1 ಮತ್ತು 59/2 ರಲ್ಲಿ ಒಟ್ಟು 04 ಎಕರೆ ಜಮೀನು ಇದ್ದು, ಪಿರ್ಯಾದಿಯು ಬೆಂಗಳೂರಿನಲ್ಲಿ ವಾಸವಿದ್ದು ವಾರಕ್ಕೆ 02 ಬಾರಿ ಬಂದು ನೋಡಿಕೊಂಡು ಹೋಗುತ್ತಿದ್ದು, ದಿನಾಂಕ: 17-06-2018 ರಂದು ತಮ್ಮ ಜಮೀನಿನ ಹತ್ತಿರ ಬಂದು ಕೆಲಸ ಮಾಡುತ್ತಿರುವಾಗ್ಗೆ ಕೆಂಪನಹಳ್ಳಿ ಗ್ರಾಮದ ವಾಸಿಗಳಾದ ಕೆ ಎಂ ನಾಗರಾಜು ಬಿನ್ ಮೂಡ್ಲಯ್ಯ ಎಂಬವವರು ಪಿರ್ಯಾದಿಯ ಜಮೀನಿಗೆ ಅತಿಕ್ರಮ ಪ್ರವೇಶ ಮಾಡಿ ಏಕಾಏಕಿ ಬಂದು “ ಈ ಜಮೀನು ನನಗೆ ಸೇರಬೇಕು’  ಎಂತ ಪಿರ್ಯಾದಿಗೆ ಅವಾಚ್ಯ ಶಬ್ದಗಳಿಂದ ಬೈಯ್ಯುತ್ತಿದ್ದು ಆಗ ಪಿರ್ಯಾದಿಯು ಏಕೆ ಈ ರೀತಿ ಬೈಯ್ಯುತ್ತೀಯಾ ಎಂತ ಕೇಳಿದ್ದಕ್ಕೆ ನಾಗರಾಜನು ಅಲ್ಲೇ ಬಿದ್ದಿದ್ದ ದೊಣ್ಣೆಯಿಂದ ಪಿರ್ಯಾದಿಯ ತಲೆಯ ಬಲಭಾಗಕ್ಕೆ , ಮದ್ಯಭಾಗಕ್ಕೆ, ಬಲಭುಜಕ್ಕೆ ಹೊಡೆದು ರಕ್ತಗಾಯಪಡಿಸಿ, ಕಾಲುಗಳಿಂದ ಒದ್ದು ಮೈ ಕೈ ನೋವುಂಟುಮಾಡಿರುತ್ತಾನೆ. ಹಾಗೂ ನಿನ್ನನ್ನು ಇಷ್ಟಕ್ಕೆ ಬಿಡುವುದಿಲ್ಲ ಎಂತ ಕೊಲೆ ಬೆದರಿಕೆ ಹಾಕಿರುತ್ತಾನೆ. ಆಗ ಜಮೀನಿನಲ್ಲಿ ಕೆಲಸ ಮಾಡುತ್ತಿದ್ದ ಜವರಯ್ಯ, ಕಾಂತ, ಕುಳ್ಳಯ್ಯರ ವೆಂಕಟೇಶ ರವರುಗಳು ಬಂದು ಜಗಳ ಬಿಡಿಸಿರುತ್ತಾರೆ. ನಂತರ ಪಿರ್ಯಾದಿಯು ಹುಲಿಯೂರುದುರ್ಗ ಸರ್ಕಾರಿ ಆಸ್ಪತ್ರೆಗೆ ಹೋಗಿ ಪ್ರಥಮ ಚಿಕಿತ್ಸೆ ಪಡೆದು ಠಾಣೆಗೆ ಬಂದು ದೂರು ನೀಡಿದ್ದು ಗಲಾಟೆ ಮಾಡಿ ಹೊಡೆದ ನಾಗರಾಜು ರವರ ಮೇಲೆ ಕಾನೂನು ರೀತ್ಯಾ ಕ್ರಮ ಜರುಗಿಸಬೇಕೆಂದು ನೀಡಿದ ದೂರನ್ನು ಪಡೆದು ಪ್ರಕರಣ ದಾಖಲು ಮಾಡಿರುತ್ತೆ.

ಹುಲಿಯೂರುದುರ್ಗ ಪೊಲೀಸ್‌ ಠಾಣಾ ಮೊ ನಂ  136/2018, ಕಲಂ: 279 337  ಐ ಪಿಸಿ

ದಿನಾಂಕ: 17/06/2018 ರಂದು  ಮಧ್ಯಾಹ್ನ 02-00 ಗಂಟೆಗೆ ರಾಮಕೃಷ್ಣಯ್ಯ ಬಿನ್ ಲೇಟ್ ಭೋಜಯ್ಯ, ಸುಮಾರು 51 ವರ್ಷ, ಈಡಿಗ ಜನಾಂಗ, ಜಿರಾಯ್ತಿ ಕೆಲಸ, ಹೆಗ್ಗಡತಿಹಳ್ಳಿ, ಕಸಬಾ ಹೋಬಳಿ, ಕುಣಿಗಲ್ ತಾ. ರವರು ಠಾಣೆಗೆ ಹಾಜರಾಗಿ ನೀಡಿದ ದೂರಿನ ಅಂಶವೇನೆಂದರೆ, ದಿನಾಂಕ 13/06/2018 ರಂದು ಮಧ್ಯಾಹ್ನ ಸುಮಾರು 01-30 ಗಂಟೆಯಲ್ಲಿ ಪಿರ್ಯಾದಿ ಮತ್ತು ಅವರ ಊರಿನ ವಾಸಿ ನರಸಿಂಹಯ್ಯ ಬಿನ್‌ ರಾಮೇಗೌಡ ಇಬ್ಬರು ಅವರ ಗ್ರಾಮದ ಬನ್ನಿ ಮಂಟಪದ ಕಡೆಯಿಂದ ಸಂತೆಮಾವತ್ತೂರು ಕಡೆಗೆ ಬನ್ನಿ ಮಂಟಪದ ಹತ್ತಿರ ನಡೆದುಕೂಂಡು ಹೋಗುತ್ತಿರುವಾಗ್ಗೆ ಇದೇ ಸಮಯಕ್ಕೆ ಸಂತೆಮಾವತ್ತೂರು ಕಡೆಯಿಂದ ಪಿರ್ಯಾದಿಯ ಗ್ರಾಮದ ನಾಗೇಶ ಬಿನ್‌ ಹನುಮಂತಯ್ಯ ಎಂಬುವನು ತನ್ನ KA-06HA-0334 ನೇ ನಂಬರಿನ ದ್ವಿಚಕ್ರವಾಹನವನ್ನು ಅತೀವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೂಂಡು ಬಂದು ರಸ್ತೆಯ ಎಡಬದಿಯಲ್ಲಿ ಪಿರ್ಯಾದಿಯ ಜೂತೆ ನೆಡೆದುಕೂಂಡು ಬರುತ್ತಿದ್ದ ನರಸಿಂಹಯ್ಯ ಎಂಬುವರಿಗೆ ಡಿಕ್ಕಿ ಹೂಡೆಸಿ ಅಪಘಾತಪಡಿಸಿದ ಪರಿಣಾಮ ನರಸಿಂಹಯ್ಯ ರವರು ಕೆಳಕ್ಕೆ ಬಿದ್ದು ಅವರ ಕೈಕಾಲುಗಳಿಗೆ  ಪೆಟ್ಟುಬಿದ್ದು ಪ್ರಜ್ಞೆತಪ್ಪಿದರು. ಆಗ ಪಿರ್ಯಾದಿಯು ಅವರ ಗ್ರಾಮದ ರಮೇಶ ಬಿನ್‌ ಮಂಚಯ್ಯ ರವರೂಂದಿಗೆ 108  ಆಂಬುಲೆನ್ಸನಲ್ಲಿ ನರಸಿಂಹಯ್ಯ ನನ್ನು ಕುಣಿಗಲ್‌ ಸರ್ಕಾರಿ ಆಸ್ಪತ್ರೆಗೆ ಕರೆದುಕೂಡು ಹೋಗಿ ಚಿಕಿತ್ಸೆ ಕೊಡಿಸಿದ್ದು, ವೈದ್ಯರು ಹೆಚ್ಚಿನ ಚಿಕಿತ್ಸೆಗಾಗಿ ಬೆಂಗಳೂರಿಗೆ ಕರೆದುಕಂಡು ಹೂಗುವಂತೆ ತಿಳಿಸಿದ್ದರಿಂದ ನರಸಿಂಹಯ್ಯ ನನ್ನು ಬೆಂಗಳೂರಿನ ಕೆಂಪೆಗೌಡ ಆಸ್ಪತ್ರೆಗೆ ಕರೆದುಕೂಡು ಹೋಗಿ ಒಳರೋಗಿಯಾಗಿ ದಾಖಲಿಸಿ ಈವರೆಗೆ ಪಿರ್ಯಾದಿಯು ಆಸ್ಪತ್ರೆಯಲ್ಲಿಯೇ ಇದ್ದು ಈ ದಿನತಡವಾಗಿ ಠಾಣೆಗೆ ಬಂದು ದೂರು ನೀಡುತ್ತಿದ್ದು,  ಅಪಘಾತಪಡಿಸಿದ KA-06HA-0334  ನೇ ನಂಬರಿನ ದ್ವಿಚಕ್ರವಾಹನದ ಚಾಲಕನ ಮೇಲೆ ಕಾನೂನು ರೀತ್ಯಾ ಕ್ರಮ ಜರುಗಿಸಬೇಕೆಂದು, ನೀಡಿದ ದೂರನ್ನು ಪಡೆದು ಪ್ರಕರಣ ದಾಖಲು ಮಾಡಿ ತನಿಖೆ ಕೈಗೊಂಡಿರುತ್ತೆ.



Sunday, 17 June 2018

ಅಪರಾಧ ಘಟನೆಗಳು17-06-18

ಹೆಬ್ಬೂರು ಪೊಲೀಸ್ ಠಾಣಾ ಮೊ.ನಂ. 129/2018 ಕಲಂ 279,304(ಎ) ಐ.ಪಿ.ಸಿ. ರೆ/ವಿ 134(ಎ&ಬಿ), 187 ಐಎಂವಿ

ದಿನಾಂಕ: 16-06-2018 ರಂದು ರಾತ್ರಿ 8-45 ಗಂಟೆಗೆ ಪಿರ್ಯಾದಿಯಾದ ಮೆಹರುನ್ನಿಸಾ ಕೋಂ ಮಹಮೂದ್ ಖಾನ್, 55 ವರ್ಷ, ಮುಸ್ಲಿಂ ಜನಾಂಗ, ಗೃಹಿಣಿ, ಫರೀದಾ ಮನ್‌ಜೀಲ್, 12 ನೇ ಬಿ ಕ್ರಾಸ್, ಪಿ ಹೆಚ್ ಕಾಲೋನಿ, ನಿಮ್ರಾ ಮಸೀದಿ ಹತ್ತಿರ, ತುಮಕೂರು ನಗರ ರವರು ಠಾಣೆಗೆ ಹಾಜರಾಗಿ ನೀಡಿದ ಲಿಖಿತ ದೂರಿನ ಅಂಶವೇನೆಂದರೆ ನಾನು ಮೇಲ್ಕಂಡ ವಿಳಾಸದಲ್ಲಿ ವಾಸವಾಗಿದ್ದು, ಸುಮಾರು 72 ವರ್ಷದ ನಮ್ಮ ತಂದೆಯಾದ ಆರ್.ವಿ.ಅಬ್ಬಾಸ್ ಖಾನ್ ಬಿನ್ ಲೇಟ್ ವಹಾಬ್ ಖಾನ್ ರವರ ಬಾಬ್ತು ಜಮೀನಾದ ಗುಳೂರು ಹೋಬಳಿಯ ಎ ಕೆ ಕಾವಲ್ ಗ್ರಾಮದ ತೋಟದ ಮನೆಯಲ್ಲಿ ವಾಸವಿರುತ್ತಾರೆ, ದಿನಾಂಕ-16/06/2018 ರಂದು ನನ್ನ ತಂಗಿಯ ಗ್ರಾಮವಾದ ಹೆಬ್ಬೂರು ಹೋಬಳಿಯ ಬಿದರಕಟ್ಟೆ ಗ್ರಾಮಕ್ಕೆ ಹೋಗಲೆಂದು ನಮ್ಮ ತಂದೆಯ ಬಾಬ್ತು ಕೆಎ-06-ಆರ್-9328 ನೇ ಟಿವಿಎಸ್ ಎಕ್ಸ್ ಎಲ್ ದ್ವಿಚಕ್ರ ವಾಹನದಲ್ಲಿ ಸಂಜೆ 5-30 ಗಂಟೆಗೆ ತುಮಕೂರು-ಕುಣಿಗಲ್ ರಸ್ತೆಯ ಮೂಲಕ  ಹೊನ್ನುಡಿಕೆ ಹ್ಯಾಂಡ್ ಪೋಸ್ಟ್ ನಿಂದ ಹೊರಟು, ಪನ್ನಸಂದ್ರ ಗೇಟ್ ಹತ್ತಿರ ಸಂಜೆ 5-45 ಗಂಟೆಗೆ ನಮ್ಮ ತಂದೆಯು ಕೆಎ-06-ಆರ್-9328 ನೇ ಟಿವಿಎಸ್ ಎಕ್ಸ್ ಎಲ್ ದ್ವಿಚಕ್ರ ವಾಹನದಲ್ಲಿ ಬಲಭಾಗಕ್ಕೆ ತಿರುಗಿಸಲು ಮುನ್ಸೂಚನೆಯನ್ನು ನೀಡಿ ತಿರುಗಿಸುತ್ತಿರುವಾಗ ಏಕಾಏಕಿ ಎದುರಿಗೆ ಬಂದು  ಅಂದರೆ ಕುಣಿಗಲ್ ಕಡೆಯಿಂದ ತುಮಕೂರಿನ ಕಡೆಗೆ ಬಂದು ಕಾರಿನ ಚಾಲಕ ತನ್ನ ಕಾರನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಬಂದು ಡಿಕ್ಕಿ ದ್ವಿಚಕ್ರ ವಾಹನಕ್ಕೆ ಪಡಿಸಿ, ನನ್ನ ತಂದೆ ರಸ್ತೆಯ ಮೇಲೆ ಬಿದ್ದರು, ಡಿಕ್ಕಿಪಡಿಸಿದ ಕಾರಿನ ಚಾಲಕ ತನ್ನ ವಾಹನವನ್ನು ಸ್ಥಳದಲ್ಲಿ ನಿಲ್ಲಿಸದೇ ಹೋದನು. ಅದೇ ಮಾರ್ಗವಾಗಿ ಬರುತ್ತಿದ್ದ ಹೊನ್ನುಡಿಕೆ ಹ್ಯಾಂಡ್ ಪೋಸ್ಟ್ ನ ವಾಸಿ ನಿಸಾರ್ ಖಾನ್ ರವರು ನಮ್ಮ ತಂದೆಯನ್ನು ಉಪಚರಿಸಿ ನೋಡಲಾಗಿ ಈ ಅಪಘಾತದಿಂದ ನಮ್ಮ ತಂದೆಯ ಎರಡು ಕಾಲುಗಳಿಗೆ ಮತ್ತು ತಲೆ, ಮುಖಕ್ಕೆ ರಕ್ತಗಾಯವಾಗಿ ಹಾಗೂ ದೇಹದ ಇತರೆ ಭಾಗಗಳಿಗೆ ತರಚಿದ ಗಾಯಗಳಾಗಿರುತ್ತವೆ. ಈ ಅಪಘಾತವನ್ನು ಮಾಡಿದ ಕಾರಿನ ನಂಬರ್ ನೋಡಲಾಗಿ ಕೆಎ-09-ಎಂಡಿ-1478 ನೇ ಹೋಡೈ ಕಾರಾಗಿದ್ದು, ಸದರಿ ಕಾರಿನ ಚಾಲಕ ತನ್ನ ಕಾರನ್ನು ಸ್ಥಳದಲ್ಲಿ ನಿಲ್ಲಿಸದೇ ತೆಗೆದುಕೊಂಡು ಹೋಗಿರುತ್ತಾನೆ, ನಂತರ ನಿಸಾರ್ ಖಾನ್ ರವರು ಮತ್ತು ಸಾರ್ವಜನಿಕರ ಸಹಾಯದಿಂದ ಗಾಯಗೊಂಡಿದ್ದ ನಮ್ಮ ತಂದೆಯನ್ನು ಯಾವುದೋ ವಾಹನದಲ್ಲಿ  ತುಮಕೂರು ಜಿಲ್ಲಾ ಆಸ್ಪತ್ರೆಗೆ ಸಂಜೆ ಸುಮಾರು 6-45 ಗಂಟೆಗೆ ಕರೆದುಕೊಂಡು ಬಂದು ವೈಧ್ಯರಲ್ಲಿ ತೋರಿಸಲಾಗಿ ಪರಿಶೀಲಿಸಿದ ವೈಧ್ಯರು ನಮ್ಮ ತಂದೆಯು ಮಾರ್ಗಮಧ್ಯದಲ್ಲಿಯೇ ಮೃತರಾಗಿರುತ್ತಾರೆ ಎಂದು ನಿಸಾರ್ ಖಾನ್ ರವರು ಫೋನ್ ಮೂಲಕ ತಿಳಿಸಿದರು. ನಂತರ ನಾನು ತುಮಕೂರು ಜಿಲ್ಲಾ ಆಸ್ಪತ್ರೆಗೆ ಬಂದು ನೋಡಲಾಗಿ ನಮ್ಮ ತಂದೆಗೆ ಅಪಘಾತವಾಗಿ ಮೃತರಾಗಿರುವುದು ನಿಜವಾಗಿದ್ದು, ನಂತರ ನಮ್ಮ ತಂದೆ ದೇಹವನ್ನು ತುಮಕೂರು ಜಿಲ್ಲಾ ಆಸ್ಪತ್ರೆಯ ಶವಗಾರದಲ್ಲಿರಿಸಿ, ನಮ್ಮ ತಂದೆಗೆ ಅಪಘಾತ ಪಡಿಸಿ ಸ್ಥಳದಲ್ಲಿ ನಿಲ್ಲಿಸದೇ ಹೋದ ಕೆಎ-09-ಎಂಡಿ-1478 ನೇ ಹೋಡೈ ಕಾರಿನ ಚಾಲಕನ ಮೇಲೆ ಕಾನೂನು ರೀತ್ಯಾ ಕ್ರಮ ಜರುಗಿಸಬೇಕೆಂದು ಈ ಮೂಲಕ ತಮ್ಮಲ್ಲಿ ಕೇಳಿಕೊಳ್ಳುತ್ತೇನೆ, ಅಪಘಾತಕ್ಕೊಳಗಾದ ವಾಹನ ಸ್ಥಳದಲ್ಲೇ ಇರುತ್ತೆ ಎಂದು ನೀಡಿದ ದೂರನ್ನು ಪಡೆದು  ಪ್ರಕರಣ ದಾಖಲಿಸಿರುತ್ತೆ

ಪಟ್ಟನಾಯಕನಹಳ್ಳಿ ಪೊಲೀಸ್ ಠಾಣಾ ಯು ಡಿ ಆರ್ ನಂ 22-18 ಕಲಂ 174 ಸಿ ಆರ್ ಪಿ ಸಿ

ದಿನಾಂಕ:16/06/2018 ರಂದು ಬೆಳಿಗ್ಗೆ 09:00 ಗಂಟೆಗೆ ಸಿರಾ ತಾಲ್ಲೂಕ್ ಕಸಾಬ ಹೋಬಳಿ ಮೇಲ್ಕುಂಟೆ ಗ್ರಾಮದ ವಾಸಿಯಾದ ಗುರುಮೂರ್ತಿ ಬಿನ್ ಗುಡ್ಡಪ್ಪ, 30 ವರ್ಷ, ಆದಿ ಕರ್ನಾಟಕ ಜನಾಂಗ ರವರು ಠಾಣೆಗೆ ಹಾಜರಾಗಿ ನೀಡಿದ ದೂರಿನ ಸಾರಾಂಶವೇನೆಂದರೆ, ಪಿರ್ಯಾದಿರವರ ದೊಡ್ಡಪ್ಪ ಗುಡ್ಡಯ್ಯರವರಿಗೆ 1.ಜಗನ್ನಾಥ, 2.ಲಕ್ಷ್ಮಣ, 3.ರಂಗನಾಥ ಎಂಬ ಮೂರು ಜನ ಗಂಡು ಮಕ್ಕಳಿದ್ದು ಮೂರನೇ ಮಗನಾದ ರಂಗನಾಥನಿಗೆ ಸುಮಾರು ತಿಂಗಳಿಂದ ಹರಣಿ ಕಾಯಿಲೆ ಇದ್ದು ಇತ್ತೀಚೆಗೆ ಕಜ್ಜಿ ಕಾಯಿಲೆಯು ಸಹಾ ಬಂದಿರುತ್ತದೆ. ಹರಣಿ ಕಾಯಿಲೆಯ ಪ್ರಯುಕ್ತ ಈತನಿಗೆ ಇತ್ತೀಚೆಗೆ ಆಪರೇಷನ್ ಮಾಡಿಸಿದ್ದರು ಸಹ ಆತನಿಗೆ ನೋವು ಕಡಿಮೆಯಾಗಿರುವುದಿಲ್ಲ. ಈ ಕಾಯಿಲೆ ಮತ್ತು ನೋವಿನಿಂದ ಆತನು ಕುಡಿಯುವ ಚಟಕ್ಕೆಬಿದ್ದಿದ್ದನು. ಇದರಿಂದ ಆತನು ಯಾವಗಲು ಮನಸ್ಸಿಗೆ ಬೇಜಾರು ಮಾಡಿಕೊಂಡು ಇರುತ್ತಿದ್ದನು ಮತ್ತು ಈ ನೋವು ತಾಳಲಾರದೆ ಸತ್ತು ಹೋಗಿದ್ದರೆ ಚೆನ್ನಾಗಿರುತ್ತಿತ್ತು ಎಂದು ಆಗಾಗ ಹೇಳುತ್ತಿದ್ದನು. ನಾವು ಸಹ ಅನೇಕ ಬಾರಿ ಧೈರ್ಯ ತುಂಬುತ್ತಿದ್ದೆವು. ಆದರೂ ಸಹ ತನ್ನ ಕುಡಿಯುವ ಚಟವನ್ನು ಬಿಡದೆ ದಿನಾಂಕ:13/06/2018 ರಂದು ಬೆಳಿಗ್ಗೆ ಸುಮಾರು 11:00 ಗಂಟೆ ಸಮಯದಲ್ಲಿ ಕಂಟಪೂರ್ತಿ ಕುಡಿದು ಮನೆಯ ಬಚ್ಚಲಿಗೆ ಹೋಗಿ ಅಲ್ಲಿದ್ದ ಸೀಮೆಎಣ್ಣೆಯನ್ನು ಸುರಿದುಕೊಂಡು ಬೆಂಕಿಹಚ್ಚಿಕೊಂಡಿರುತ್ತಾನೆ. ಇದರಿಂದ ಕೂಗಿಕೊಂಡಾಗ ಅಕ್ಕಪಕ್ಕದ ನಾವುಗಳೆಲ್ಲರು ಸೇರಿ ಬೆಂಕಿಯನ್ನು ಹಾರಿಸಿ 108 ಆಂಬುಲೆನ್ಸ್ ಗೆ ಕರೆಮಾಡಿ ಆತನನ್ನು ಸಿರಾ ಸರ್ಕಾರಿ ಆಸ್ಪತ್ರೆಗೆ ದಾಖಲು ಮಾಡಿದ್ದು ನಂತರ ಅಲ್ಲಿಂದ ಹೆಚ್ಚಿನ ಚಿಕಿತ್ಸೆಗಾಗಿ ಬೆಂಗಳೂರಿನ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸುತ್ತಿದ್ದೆವು. ಇಲ್ಲಿಯವರೆಗೂ ಚಿಕಿತ್ಸೆ ಕೊಡಿಸಿದರು ಗುಣಮುಖನಾಗದೆ ಈ ದಿನ ದಿನಾಂಕ:16/06/2018 ರಂದು ಬೆಳಿಗ್ಗೆ ಸುಮಾರು 06:15 ಗಂಟೆಗೆ ಮೃತಪಟ್ಟಿರುತ್ತಾನೆ. ಈತನು ಹರಣಿ ನೋವು ಮತ್ತು ಕಜ್ಜಿ ನೋವಿನ ಉರಿತವನ್ನು ತಾಳಲಾರದೆ ತನ್ನಷ್ಟಕ್ಕೆ ತಾನೆ ಮೈ ಮೇಲೆ ಸೀಮೆಎಣ್ಣೆಯನ್ನು ಸುರಿದುಕೊಂಡು ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿರುತ್ತಾನೆಯೇ ವಿನಾಃ ಬೇರೆ ಯಾರ ಮೇಲು ಅನುಮಾನ ಇರುವುದಿಲ್ಲ ಆದ್ದರಿಂದ ತಾವುಗಳು ಕಾನೂನು ರೀತ್ಯಾ ಕ್ರಮ ಜರುಗಿಸಬೇಕೆಂದು ನೀಡಿದ ಲಿಖಿತ ದೂರಿನ್ನು ಪಡೆದು ಪ್ರಕರಣ ದಾಖಲಿಸಿರುತ್ತೆ.

 



Saturday, 16 June 2018

ಅಪರಾಧ ಘಟನೆಗಳು 16-06-18

ತುಮಕೂರು ಸಂಚಾರ ಪೊಲೀಸ್ ಠಾಣಾ ಮೊ.ಸಂಖ್ಯೆ 134/2018 ಕಲಂ 279,337, 304(ಎ) ಐಪಿಸಿ

ದಿನಾಂಕ 15.06.2018 ರಂದು ರಾತ್ರಿ 9-00 ಗಂಟೆಗೆ  ಪಿರ್ಯಾದಿ  ಚೇತನ್ ಶಿವು ಬಿನ್ ಪ್ರಸನ್ನ ಕುಮಾರ್, 25ವರ್ಷ, ಲಿಂಗಾಯಿತರು, 5ನೇ ಕ್ರಾಸ್, ವಾಲ್ಮೀಕಿನಗರ, ತುಮಕೂರು    ಇವರು ನೀಡಿದ ದೂರಿನ ಅಂಶವೇನೆಂದರೆ,  ದಿನಾಂಕ 15.06.2018 ರಂದು ಸಂಜೆ 7-00 ಗಂಟೆ ಸಮಯದಲ್ಲಿ ಕೆಎ.05.ಎಂಎಂ.6585 ನೇ ಕಾರಿನ ಚಾಲಕ ಕಾರನ್ನು ಅತಿವೇಗ ಮತ್ತು ಅಜಾಗರೂಕತೆಯಿಂದ ಚಾಲನೆ ಮಾಡಿಕೊಂಡು ಹೋಗಿ  ಭೀಮಸಂದ್ರ ಸೇತುವೆ ಬಳಿಯ ಹೆಚ್ಎಸ್ಎಂ ಗ್ಲಾಸ್ & ಡಿಸೈನರ್ಸ್ ಅಂಗಡಿ ಮುಂಭಾಗ ಎನ್.ಹೆಚ್.206 ರಸ್ತೆಯಲ್ಲಿ  ಕೆಎ.06.ಇಎಂ.4416 ನೇ ದ್ವಿಚಕ್ರ   ವಾಹನಕ್ಕೆ ಡಿಕ್ಕಿ ಹೊಡೆಸಿ ಅಪಘಾತಪಡಿಸಿದ್ದರಿಂದ ನನ್ನ ತಂದೆ ಪ್ರಸನ್ನಕುಮಾರ, 56ವರ್ಷ, ಲಿಂಗಾಯಿತರು, ಗ್ರಾಮಲೆಕ್ಕಿಗರು, ಚೇಳೂರು, ವಾಸ: 5ನೇ ಕ್ರಾಸ್, ವಾಲ್ಮೀಕಿನಗರ, ತುಮಕೂರು ಇವರು ಮೃತಪಟ್ಟಿರುತ್ತಾರೆ.ಅಪಘಾತಪಡಿಸಿದ ಕಾರಿನ ಚಾಲಕ ಮತ್ತೊಂದು ಕೆಎ.06.ಕೆ.4232 ನೇ ದ್ವಿಚಕ್ರ ವಾಹನಕ್ಕೆ ಡಿಕ್ಕಿ ಹೊಡೆಸಿದ್ದರಿಂದ ಮಧು ಬಿನ್ ಶೇಖರ್, 33ವರ್ಷ, ಚಿಕ್ಕಪೇಟೆ, ತುಮಕೂರು ಇವರು ಗಾಯಗೊಂಡು ಜಿಲ್ಲಾ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುತ್ತಾರೆಂತ ದೂರಿನ ಅಂಶ.

ವೈ ಎನ್  ಹೊಸಕೋಟೆ  ಪೊಲೀಸ್ ಠಾಣಾ ಮೊ. ನಂ-  53/2018, ಕಲಂ: 87 KP Act

ದಿನಾಂಕ:15/06/2018 ರಂದು ಬೆಳಿಗ್ಗೆ 11:00 ಗಂಟೆ ಸಮಯದಲ್ಲಿ ಠಾಣೆಯಲ್ಲಿರುವಾಗ್ಗೆ ವೈ ಎನ್ ಹೊಸಕೋಟೆ ಠಾಣಾ ಸರಹದ್ದು ವೈ ಎನ್ ಹೊಸಕೋಟೆ ಗ್ರಾಮದ  ಮಾರಮ್ಮನ ದೇವಸ್ಥಾನಕ್ಕೆ ಹೋಗುವ ರಸ್ತೆಯ ಬದಿಯಲ್ಲಿರುವ ಸರ್ಕಾರಿ ಬೆಟ್ಟದ ಕೆಳಗೆ ಅಂದರ್ ಬಾಹರ್ ಇಸ್ಪೀಟ್ ಜೂಜಾಟ ನಡೆಯುತ್ತಿದೆ ಎಂತ ಬಂದ ಖಚಿತ ವರ್ತಮಾನದ ಮೇರೆಗೆ ಸಿಬ್ಬಂದಿಯೊಂದಿಗೆ ಸ್ಥಳಕ್ಕೆ ಹೋಗಿ ಪಂಚಾಯ್ತದಾರರನ್ನು ಬರಮಾಡಿಕೊಂಡು ಸಿಬ್ಬಂದಿಯೊಂದಿಗೆ ಮೇಲ್ಕಂಡ ಸ್ಥಳಕ್ಕೆ ಸರ್ಕಾರಿ ಜೀಪ್ ನಲ್ಲಿ ಹೋಗಿ ಸ್ವಲ್ಪ ದೂರದಲ್ಲಿ ಜೀಪ್ ನಿಲ್ಲಿಸಿ ಮರೆಯಲ್ಲಿ ನಿಂತು ನೋಡಲಾಗಿ ವೈ ಎನ್ ಹೊಸಕೋಟೆ ಗ್ರಾಮದ  ಮಾರಮ್ಮನ ದೇವಸ್ಥಾನಕ್ಕೆ ಹೋಗುವ ರಸ್ತೆಯ ಬದಿಯಲ್ಲಿರುವ ಸರ್ಕಾರಿ ಬೆಟ್ಟದ ಕೆಳಗೆ   ಜನರು  ಗುಂಡಾಕಾರವಾಗಿ ಕುಳಿತು ಹಣವನ್ನು ಪಣಕ್ಕೆ ಕಟ್ಟಿಕೊಂಡು ಅಂದರ್ ಬಾಹರ್ ಇಸ್ಪೀಟ್ ಜೂಜಾಟ ಆಡುತ್ತಿದ್ದ ಆಸಾಮಿಗಳ ಮೇಲೆ ದಾಳಿ ಮಾಡಿ ಸುತ್ತುವರೆದು ಹಿಡಿದು ಆಸಾಮಿಗಳ ಹೆಸರು ವಿಳಾಸ ತಿಳಿಯಲಾಗಿ 1] ಅಂಜಿ ಬಿನ್ ಮಲ್ಲೇಶ, 26 ವರ್ಷ, ತೊಗಟ ಜನಾಂಗ, ಜೆ ಅಚ್ಚಮ್ಮನಹಳ್ಳಿ ಗ್ರಾಮ,ಪಾವಗಡ ತಾ|| 2] ರವಿ ಬಿನ್ ಚಿತ್ತಯ್ಯ, 35 ವರ್ಷ, ಗೊಲ್ಲರ ಜನಾಂಗ,  ಜೆ ಅಚ್ಚಮ್ಮನಹಳ್ಳಿ ಗ್ರಾಮ,ಪಾವಗಡ ತಾ|| 3] ಅಕ್ಕಲಪ್ಪ ಬಿನ್ ಗಂಗಾಧರ ,28 ವರ್ಷ, ಈಡಿಗ ಜನಾಂಗ, ಕೂಲಿಕೆಲಸ, ಬೂದಿಬೆಟ್ಟ, ಪಾವಗಡ ತಾ|   ಎಂತ ತಿಳಿಸಿದ್ದು ನಂತರ ಸ್ಥಳದಲ್ಲಿ ಬಿದ್ದಿದ್ದ ಇಸ್ಪೀಟ್ ಜೂಜಾಟಕ್ಕೆ ಸಂಬಂದಪಟ್ಟ 52 ಇಸ್ಪೀಟ್ ಎಲೆಗಳು ಪಣಕ್ಕೆ ಕಟ್ಟಿದ್ದ  1050=00 ರೂಪಾಯಿ ನಗದು ಹಣವಿದ್ದು ಸದರಿ ವಸ್ತುಗಳನ್ನು ಅಮಾನತ್ತು ಪಡಿಸಿಕೊಂಡು  ಸ್ಥಳದಲ್ಲಿ ಸಿಕ್ಕದ್ದ ಮೇಲ್ಕಂಡ 03 ಜನ ಆಸಾಮಿಗಳನ್ನು ಸ್ಥಳದಿಂದ ಕಳುಹಿಸಲಾಗಿರುತ್ತದೆ ಠಾಣೆಗೆ ಮದ್ಯಾಹ್ನ 12:15 ಗಂಟೆಗೆ  ಬಂದು ಆಸಾಮಿಗಳ ವಿರುದ್ದ  ಠಾಣಾ ಎನ್.ಸಿ.ಆರ್ : 53/2018  ರಲ್ಲಿ ನೊಂದಾಯಿಸಿ. ಈ ಪ್ರಕರಣವು ಅಸಂಜ್ಞೇಯ ಅಪರಾಧವಾಗಿರುವುದರಿಂದ ಮುಂದಿನ ತನಿಖೆ ಕೈಗೊಳ್ಳಲು ಘನ ನ್ಯಾಯಾಲಯವು ಸಂಜ್ಞೇಯ ಅಪರಾಧವಾಗಿ ಪರಿಗಣಿಸಿ ಕಲಂ :87 ಕೆ.ಪಿ. ಆಕ್ಟ್ ರೀತ್ಯಾ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲು ಅನುಮತಿ ನೀಡ ಬೇಕಾಗಿ ಘನ ನ್ಯಾಯಾಲಯದಲ್ಲಿ ಕೋರಿದ್ದು ದಿನಾಂಕ:15/06/2018  ರಂದು ನ್ಯಾಯಲಯವು ಅನುಮತಿ ಆದೇಶ ನೀಡಿದ್ದರಿಂದ ದಿನಾಂಕ:15/06/20148 ರಂದು ಮದ್ಯಾಹ್ನ 3:30 ಗಂಟೆಗೆ ಆಸಾಮಿಗಳ ವಿರುದ್ದ ಠಾಣಾ ಮೊ.ನಂ:53/2018, ಕಲಂ:87 ಕೆ.ಪಿ.ಆಕ್ಟ್ ರೀತ್ಯಾ ಪ್ರಕರಣ  ದಾಖಲಿಸಿದೆ

ಹುಲಿಯೂರುದುರ್ಗ ಪೊಲೀಸ್‌ ಠಾಣಾ ಮೊ ನಂ 134/2018, ಕಲಂ: 380  ಐ ಪಿಸಿ

ದಿನಾಂಕ: 14-06-2018 ರಂದು ಮದ್ಯಾಹ್ನ2-00 ಗಂಟೆಗೆ ಪಿರ್ಯಾದಿ ತಿಬ್ಬಯ್ಯ s/oಲೇ//ತಿಬ್ಬಯ್ಯ,59 ವರ್ಷ,ವಕ್ಕಲಿಗರು, ವ್ಯವಸಾಯ,ಹಳೆವೂರು ಗ್ರಾಮ ,ಹುಲಿಯೂರುದುರ್ಗ ಹೋ//,ಕುಣಿಗಲ್ ತಾ//. ರವರು ಠಾಣೆಗೆ ಹಾಜರಾಗಿ ನೀಡಿದ ದೂರಿನ ಅಂಶವೇನೆಂದರೆ ಪಿರ್ಯಾದಿ ಈ ಮೇಲ್ಕಂಡ ವಿಳಾಸದಲ್ಲಿ ವಾಸವಾಗಿರುತ್ತೆನೆ.ದಿನಾಂಕ;-14-06-2018 ರಂದು ಬೆಳಿಗ್ಗೆ ನಾನು ನಮ್ಮ ಹೋಲದ ಹತ್ತಿರ  ಹೋಗಿದ್ದೆನು .ನನ್ನ ಹೆಂಡತಿ ಕೆಂಪಮ್ಮ ಮನೆಯ ಬಳಿ ಇದ್ದಳು. ನಾನು ಮದ್ಯಾಹ್ನ 12-30 ಗಂಟೆಗೆ ಹೋಲದಿಂದ ಮನೆಯ ಹತ್ತಿರ ಬಂದೆನು. ಆಗ ನನ್ನ ಹೆಂಡತಿ ಕೆಂಪಮ್ಮ ಮನೆಯ ಹಿಂದೆ ಪಾತ್ರೆ ತೊಳೆಯುತಿದ್ದಾಗ ನಮ್ಮ ಮನೆಯ ಹಿಂಬಾಗದ ವಾಸಿ ಹುಚ್ಚಪ್ಪರವರ ಮಗನಾದ ಹರೀಶ ಅವರ ಮನೆ ಮುಂದೆ ಕಾಂಗ್ರೆಸ  ಗಿಡವನ್ನು ಕಿಳುತಿದ್ದನು. ನಾನು ಪಾತ್ರೆ ತೊಳೆದುಕೊಂಡು ನಮ್ಮ ಮನೆಯ ಬಾಗಿಲಿಗೆ ಬಂದಾಗ ಹರೀಶ ನಮ್ಮ ಮನೆಯ ಒಳಗಿನಿಂದ ಬಂದನು . ಆಗ ನಾನು ಹರೀಶನಿಗೆ ಏಕೆ ನಮ್ಮ ಮನೆಯ ಒಳಗೆ ಬಂದಿದ್ದಿಯಾ ಆಂತ ಕೆಳಿದಾಗ ಹರೀಶ ಮಾತನಾಡದೆ ಸುಮ್ಮನೆ ಹೋರಟು ಹೋದನು. ಆಗ ನಾಣು ಮನೆಯ ಒಳಗೆ ಹೋಗಿ ಬೀರುವಿನ ಬಳಿ ನೋಡಿದಾಗ ಬೀರುವಿನ ಬಾಗಿಲು ತೆರೆದಿತ್ತು. ಆಗ ನಾನು ಬೀರುವಿನಲ್ಲಿ ಇಟ್ಟಿದ್ದ ಒಡವೆಗಳನ್ನು ನೋಡಿದೆ. ಒಡವೆಗಳು ಇರಲಿಲ್ಲ. ಹರೀಶ ಬೆಳಿಗ್ಗೆ ಸುಮಾರು 10-30 ಗಂಟೆಸಮಯದಲ್ಲಿ ನಮ್ಮ ಮನೆಯ ಒಳಗೆ ಹೋಗಿ ಬೀರುವಿನಲ್ಲಿ ಇಟ್ಟಿದ್ದ ಒಂದು ಜೋತೆ ಚಿನ್ನದ ಮುತ್ತಿನ ಓಲೆ,ಓದು ಜೋತೆ ಚಿನ್ನದ ಡ್ರಾಪ್ಸ್ , ಎರಡು ಜೊತೆ ಚಿನ್ನದ ಮಾಟಿಗಳನ್ನು ಕಳ್ಳತನ ಮಾಡಿ ತೆಗೆದುಕೊಂಡು ಹೋಗಿರುತ್ತಾರೆಂತ ತಿಳಿಸಿದಳು.ಈ ಒಡವೆಗಳ ಬೆಲೆ ಸುಮಾರು 40,000ರೂ ಗಳಾಗಿರುತ್ತೆ. ಈ ಒಡವೆಗಳನ್ನು ಕಳ್ಳತನ ಮಾಡಿ ತೆಗೆದುಕೊಂಡು ಹೋದ ಆಸಾಮಿ ಹರೀಶನ ಮೇಲೆ ಕಾನೂನು ರೀತಿಯ ಕ್ರಮ ಜರುಗಿಸಿ ಒಡವೆಗಳನ್ನು ಪತ್ತೆಮಾಡಿಕೊಡಬೇಕೆಂದು ಕೆಳಿಕೊಳ್ಳುತ್ತೆನೆ.



Friday, 15 June 2018

ಪೊಲೀಸ್ ಪ್ರಕಟಣೆ 15-06-18

 

ಪೊಲೀಸ್ ಪ್ರಕಟಣೆ

ತುಮಕೂರು ಜಿಲ್ಲಾ ಪೊಲೀಸ್ ಪ್ರಕಟಣೆ

 

ಆತ್ಮೀಯ ನಾಗರೀಕರಲ್ಲಿ ವಿನಂತಿ,

ನಿಮ್ಮ ಮನೆಗಳಿಗೆ ಯಾರಾದರೂ ನಾವು ಸ್ಮಾರ್ಟ ಸಿಟಿ ಅಧಿಕಾರಿಗಳು ಮತ್ತು ಸಿಬ್ಬಂದಿಗಳೆಂದು, ಬೆಸ್ಕಾಂ ಅಧಿಕಾರಿಗಳೆಂದು, ಆಧಾರ್ ಇಲಾಖೆಯ ಅಧಿಕಾರಿಗಳೆಂದು, ಮನೆಯ ಯು.ಜಿ.ಡಿ ಅನ್ನು ಸ್ವಚ್ಚಗೊಳಿಸುವವರೆಂದು, ಗ್ಯಾಸ್ ಸಂಪರ್ಕವನ್ನು ನೀಡುವ ಸಿಬ್ಬಂದಿಯೆಂದು ಮತ್ತು ವಿದ್ಯುತ್ ಬಿಲ್ಲನ್ನು ಪರಿಶೀಲಿಸಲು ಬಂದಿರುವ ಸಿಬ್ಬಂದಿಯೆಂದು ಹಾಗೂ ನಿಮ್ಮ ಮನೆಯ ಟಿ.ವಿ, ಲ್ಯಾಂಡ್ಲೈನ್ ದೂರವಾಣಿ, ಪ್ರಿಡ್ಜ್ ಇತರೆ ಎಲೆಕ್ಟ್ರಾನಿಕ್  ವಸ್ತುಗಳನ್ನು ರಿಪೇರಿ ಮಾಡುವವರೆಂದು ಹೇಳಿಕೊಂಡು ಯಾರಾದರೂ ಅಪರಿಚಿತ ವ್ಯಕ್ತಿಗಳು ನಿಮ್ಮ ಮನೆಗಳಿಗೆ ಬಂದು ಮೋಸದಿಂದ ನಿಮ್ಮ ಮನೆಯ ಬೆಲೆ ಬಾಳುವ ವಸ್ತುಗಳನ್ನು ದೋಚುವ ಸಾದ್ಯತೆ ಇರುತ್ತೆ. ಆದ ಕಾರಣ ನಿಮಗೆ ಮಾಹಿತಿ ಇಲ್ಲದೇ ಯಾವುದೇ ಅಪರಿಚಿತ ವ್ಯಕ್ತಿ ನಿಮ್ಮ ಮನೆಗೆ ಬಂದರೆ ನೀವು ಕೂಡಲೇ ಸಮೀಪದ ಪೊಲೀಸ್ ಠಾಣೆಗೆ ವಿಷಯ ತಿಳಿಸುವುದು ಜೊತೆಗೆ ಆಯಾ ಠಾಣೆಯ ಪಿಎಸ್ಐ ಅಥವಾ ಬೀಟ್ ಸಿಬ್ಬಂದಿಯ ಮೊಬೈಲ್ ಸಂಪಕರ್ಿಸಿ ಕೂಡಲೇ ತಮ್ಮ ಸಹಾಯಕ್ಕೆ ಆಗಮಿಸುವಂತ ಕೇಳಿಕೊಳ್ಳುವುದು.  ಇಲ್ಲವಾದಲ್ಲಿ ಪೊಲೀಸ್ ಕಂಟ್ರೋಲ್ ರೂಂ 100 ಅಥವಾ 0816-2278000, 9480802900 ಗೆ ಕೂಡಲೇ ಮಾಹಿತಿ ನೀಡುವುದು.

ತುಮಕೂರು ಜಿಲ್ಲಾ ಪೊಲೀಸ್

ಸದಾ ನಿಮ್ಮ ಸೇವೆಯಲ್ಲಿ

ಪೊಲೀಸ್ ವರಿಷ್ಟಾಧಿಕಾರಿ

ತುಮಕೂರು ಜಿಲ್ಲೆ , ತುಮಕೂರು


ಅಪರಾಧ ಘಟನೆಗಳು 15-06-18

ಚಿಕ್ಕನಾಯಕನಹಳ್ಳಿ ಪೊಲೀಸ್ ಠಾಣೆಯ ಯು.ಡಿ.ಆರ್.ನಂ. 20/2018 ಕಲಂ 174 ಸಿ.ಆರ್.ಪಿ.ಸಿ

ಪಿರ್ಯಾದುದಾರರಾದ  ಯಶೋದಮ್ಮ ಕೋಂ ಲೇಟ್ ನರಸಿಂಹಮೂರ್ತಿ, ಸುಮಾರು 35 ವರ್ಷ, ದಾಸರ ಜನಾಂಗ, ಯೋಗಮಾಧವಪುರ, ಶೆಟ್ಟಿಕೆರೆ ಹೋಬಳಿ, ಚಿ.ನಾ.ಹಳ್ಳಿ ತಾಲ್ಲೋಕ್ ರವರು ದಿನಾಂಕ : 15-06-2018 ರಂದು ಬೆಳಿಗ್ಗೆ  01-30 ಸ್ಥಳದಲ್ಲೇ  ನೀಡಿದ ದೂರಿನ ಸಾರಾಂಶವೇನೆಂದರೆ ನಾನು ಮತ್ತು ನನ್ನ ತಮ್ಮ ಲಕ್ಷ್ಮಣ ಯೋಗಮಾಧವಪುರದಲ್ಲಿ ಗುಡಿಸಲು ಹಾಕಿ ಕೊಂಡು ವಾಸವಾಗಿರುತ್ತೇವೆ.  ನನ್ನ ತಮ್ಮ ಲಕ್ಷ್ಮಣ ಮತ್ತು ನನ್ನ ನಾದಿನಿ ಭೇಬಿ ರವರಿಗೆ 3 ಜನ ಮಕ್ಕಳು ಇದ್ದು, ಒಂದನೇ ಯವನು ಗಜೇಂದ್ರ, 2 ನೇ ಯವನು ಅನಿತ, ಸುಮಾರು 6 ವರ್ಷ, 3 ನೇಯವಳು ಸುಮಾರು 4 ವರ್ಷದ ಪೂಜಾ, ಎಂಬ ಮಕ್ಕಳು ಇದ್ದು, ನನ್ನ ತಮ್ಮ ಲಕ್ಷ್ಮಣ ಮತ್ತು ನನ್ನ ನಾದಿನಿ ಬೇಬಿ ಇವರು ತುರುವೇಕೆರೆ ತಾಲ್ಲೋಕ್, ಅಮ್ಮಸಂದ್ರ ಜನತಾ ಕಾಲೋನಿಯಲ್ಲಿ ವಾಸವಾಗಿದ್ದು, ಏರು ಪಿನ್ನು ವ್ಯಾಪಾರ ಮಾಡಿಕೊಂಡು ಇದ್ದು, ಹದಿನೈದು ದಿನಗಳಿಗೊಮ್ಮೆ ಒಂದು ಸಾರಿ ಊರಿಗೆ ಬಂದು ಮಕ್ಕಳನ್ನು ನೋಡಿಕೊಂಡು , ವಿದ್ಯಾಭ್ಯಾಸಕ್ಕೆ ಬೇಕಾದ ಸಾಮಗ್ರಿಗಳನ್ನು ಕೊಡಿಸಿ,ಮನೆಗೆ ಬೇಕಾದ ಸಾಮಾನನ್ನು ತಂದು ಕೊಟ್ಟು ಹೋಗುತ್ತಿದ್ದನು. ದಿನಾಂಕ : 14-06-2018 ರಂದು ರಾತ್ರಿ ಸುಮಾರು 8-00 ಗಂಟೆ ಸಮಯದಲ್ಲಿ ಊಟ ಮಾಡಿ, ನಮ್ಮ ಗುಡಿಸಲಿನಲ್ಲಿ ನಾನು ಮಲಗಿಕೊಂಡೆನು. ನನ್ನ ಮಗಳಾದ ಕಾವ್ಯ ನನ್ನ ತಂಗಿಯಾದ ಹೊನ್ನಮ್ಮನ ಮಗಳಾದ ಗೌರಮ್ಮ ಮತ್ತು ಗಂಗಣ್ಣನ ಮಗಳು ಭೂಮಿಕ, ಮೆಣದ ಬತ್ತಿಯ ಬೆಳಕಿನಲ್ಲಿ ಬರೆದುಕೊಂಡು ಕುಳಿತಿದ್ದರು. ಪಕ್ಕದ ಗುಡಿಸಲಿನಲ್ಲಿ ನಮ್ಮ ತಾಯಿ ಕಮಲಮ್ಮ, ನನ್ನ ತಂದೆ ನರಸಿಂಹಯ್ಯ, ಹಾಗೂ ಗಜೇಂದ್ರ ಮತ್ತು ಅನಿತ( ನನ್ನ ತಮ್ಮನಾದ ಲಕ್ಷ್ಮಣನ ಮಕ್ಕಳು ) ಊಟ ಮಾಡಿ ಎಲ್ಲರೂ ಮಲಗಿಕೊಂಡಿದ್ದರು. ಅಡುಗೆ ಒಲೆಯನ್ನು ಸರಿಯಾಗಿ ನೀರು ಹಾಕಿ ಆರಿಸದೇ ಇದ್ದುದ್ದರಿಂದ ರಾತ್ರಿ ಸುಮಾರು 9-00 ಗಂಟೆ ಸಮಯದಲ್ಲಿ ಆಕಸ್ಮಿಕವಾಗಿ ಬೆಂಕಿ ಗುಡಿಸಲಿನ ಗರಿಗೆ ತಾಗಿ ಬೆಂಕಿ ಹತ್ತಿಕೊಂಡಾಗ ನಮ್ಮ ತಾಯಿ, ನನ್ನ ತಂದೆ, ನನ್ನ ತಮ್ಮನ ಮಗ ಗಜೇಂದ್ರ ಕೂಗಾಡಿಕೊಂಡು ಗುಡಿಸಲಿನಿಂದ ಆಚೆ ಓಡಿ ಬಂದು , ಗುಡಿಸಲಿಗೆ ಬೆಂಕಿ ಹತ್ತಿಕೊಂಡು ಉರಿಯುತ್ತಿದೆ ಎಂದು ಹೇಳಿದಾಗ ನಾನೂ ಸಹ ನಮ್ಮ ಗುಡಿಸಲಿನಿಂದ ಓಡಿ ಹೋಗಿ ನೋಡಿದೆನು. ಆ ವೇಳೆಗೆ ಗುಡಿಸಲು ಪೂರ್ತಿ ಬೆಂಕಿ ಹತ್ತಿಕೊಂಡಿದ್ದರಿಂದ ಅನಿತ ಬೆಂಕಿಗೆ ಸಿಲುಕಿ ಸುಟ್ಟುಕರಕಲಾಗಿ ಹೋದಳು. ನಂತರ ಅಗ್ನಿಶಾಮಕದಳದ ವಾಹನವನ್ನು ಕಳುಹಿಸುವಂತೆ  ಪೊಲೀಸ್ ಸ್ಟೇಷನ್ ಗೆ ಪೋನ್ ಮಾಡಿದೆವು. ಆಗ ಸ್ವಲ್ಪ ಸಮಯದ ನಂತರ ಪೊಲೀಸ್ ನವರು ಹಾಗೂ ಅಗ್ನಿಶಾಮಕ ವಾಹನ ಸಿಬ್ಬಂದಿಯವರು ಬಂದು ಬೆಂಕಿಯನ್ನು ಆರಿಸಿದರು. ನನ್ನ ತಮ್ಮನ ಮಗಳಾದ ಅನಿತ ಸುಟ್ಟು ಕರಕಲಾಗಿ ಸ್ಥಳದಲ್ಲೇ ಮೃತಪಟ್ಟಿರುತ್ತಾಳೆ. ಗುಡಿಸಲಿನ ಪಕ್ಕದಲ್ಲಿ ಇದ್ದ ಟಿ.ವಿ.ಎಸ್. , ಬಟ್ಟೆ ಬರೆ, ಅಡಿಗೆ ಸಾಮಾಗ್ರಿಗಳು, ವ್ಯಾಪಾರದ ಸಾಮಗ್ರಿಗಳು ಸುಟ್ಟು ಸುಮಾರು ಇಪ್ಪತ್ತು ಸಾವಿರ ನಷ್ಟವಾಗಿರುತ್ತೆ. ಪಕ್ಕದಲ್ಲಿದ್ದ ನನ್ನ ಗುಡಿಸಲಿಗೂ ಸಹ ಬೆಂಕಿ ಹರಡಿಕೊಂಡು ನನ್ನ ಗುಡಿಸಲು ಸಂಪೂರ್ಣ ಸುಟ್ಟು ಕರಕಲಾಗಿ, ಕಾಗದ ಪತ್ರಗಳು, ಸಾಮಾಗ್ರಿಗಳು, ಸ್ಕೂಲ್ ಬುಕ್ ಗಳು ಸುಟ್ಟು, ಸುಮಾರು ಹತ್ತು ಸಾವಿರ  ರೂ, ನಷ್ಟವಾಗಿರುತ್ತೆ.ತಾವು ಮುಂದಿನ ಕ್ರಮ ಜರುಗಿಸಬೇಕೆಂದು ನೀಡಿದ ಪಿರ್ಯಾದನ್ನು ಪಡೆದು ಪ್ರಕರಣ ದಾಖಲಿಸಿರುತ್ತೆ.

ಜಯನಗರ ಪೊಲೀಸ್ ಠಾಣಾ ಮೊ.ನಂ. 90/2018 ಕಲಂ 379 ಐಪಿಸಿ

ದಿನಾಂಕ: 14-06-2018 ರಂದು ಮದ್ಯಾಹ್ನ 1-30 ಗಂಟೆಗೆ ತುಮಕೂರು ತಾಲ್ಲೂಕು ಕಸಬ ಹೋಬಳಿ, ಕುಚ್ಚಂಗಿಪಾಳ್ಯ ಗ್ರಾಮದ ವಾಸಿ ರವಿ ಕೆ ಬಿನ್ ಕೃಷ್ಣಪ್ಪ ರವರು ಠಾಣೆಗೆ ಹಾಜರಾಗಿ ನೀಡಿದ ಲಿಖಿತ ದೂರಿನ ಅಂಶವೇನೆಂದರೆ, ನನ್ನ ಬಾಬ್ತು KA06 EZ 4707 ಹೋಂಡಾ ಡಿಯೋ ವಾಹನ ನನ್ನ ಹೆಸರಿನಲ್ಲಿ ಇದ್ದು ಸದರಿ ವಾಹನವನ್ನು ನನ್ನ ಅಣ್ಣನಾದ ಕೆ.ಜಯರಾಮು ರವರು ಓಡಿಸಿಕೊಂಡಿರುತ್ತಾರೆ.  ಸದರಿ ವಾಹನವನ್ನು ನನ್ನ ಅಣ್ಣನಾದ ಕೆ.ಜಯರಾಮು ರವರು ನಮ್ಮ ಚಿಕ್ಕಪ್ಪನವರ ಮಗನಾದ ಪೃಥ್ವಿಕ್ ರವರನ್ನು ಅವರ ಟ್ಯೂಷನ್ ಹತ್ತಿರ ಕರೆದುಕೊಂಡು ಹೋಗಿ ಅವರನ್ನು ಟ್ಯೂಷನ್ ಹತ್ತಿರ ಬಿಟ್ಟು ನಂತರ ನನ್ನ ಅಣ್ಣ ಕೆ.ಜಯರಾಮುರವರು ಪೃಥ್ವಿಕ್ ರವರ ಟ್ಯೂಷನ್ ಫೀ ಬಗ್ಗೆ ದಿನಾಂಕ: 04-06-2018 ರಂದು ಸಂಜೆ 6-30 ಗಂಟೆ ಸಮಯದಲ್ಲಿ ವಿಚಾರಿಸಲು ಸಿ.ವಿ.ಕೆ ಟ್ಯೂಷನ್ ಸೆಂಟರ್, ಶೆಟ್ಟಿಹಳ್ಳಿ ಗೇಟ್ ಹತ್ತಿರ ಮೇಲ್ಕಂಡ ನಂಬರಿನ ವಾಹನವನ್ನು ನಿಲ್ಲಿಸಿ ಫೀ ಬಗ್ಗೆ ವಿಚಾರಿಸಿಕೊಂಡು ಬಂದು ನನ್ನ ವಾಹನವನ್ನು ನೋಡಿದಾಗ ವಾಹನವನ್ನು ಯಾರೋ ಕಳ್ಳರು ಕಳ್ಳತನ ಮಾಡಿಕೊಂಡು ಹೋಗಿರುತ್ತಾರೆ.  ವಾಹನದ ಬೆಲೆ ಸುಮಾರು 45 ಸಾವಿರವಾಗಿರುತ್ತದೆ.  ನಾನು ಸದರಿ ಟ್ಯೂಷನ್ ನಲ್ಲಿ ಮತ್ತು ಅಕ್ಕಪಕ್ಕದಲ್ಲಿ ವಿಚಾರ ಮಾಡಿರುತ್ತೇನೆ.  ಎಲ್ಲಿಯೂ ನನ್ನ ವಾಹನದ ಬಗ್ಗೆ ಸುಳಿವು ಸಿಕ್ಕಿರುವುದಿಲ್ಲ.  ಮತ್ತು ನಾನು ಸಾಲ ಪಡೆದ ಎಲ್‌ & ಟಿ ಫೈನಾನ್ಸಿಯಲ್ ಸರ್ವೀಸ್ ನಲ್ಲಿ ಸಹ ವಿಚಾರ ಮಾಡಿದ್ದು ಸುಳಿವು ಸಿಕ್ಕಿರುವುದಿಲ್ಲ.  ಎಲ್ಲಾ ಕಡೆ ಹುಡುಕಾಡಿ ಸಿಗದೇ ಇದ್ದುದ್ದರಿಂದ ಈ ದಿನ ತಡವಾಗಿ ಬಂದು ನನ್ನ ಬಾಬ್ತು ಹೋಂಡ ಡಿಯೋ ವಾಹನ ಕೆಎ-06 ಇಜಡ್‌ 4707 ವಾಹನವನ್ನು ಹುಡುಕಿಸಿಕೊಡಲು ಕೋರಿ ನೀಡಿರುವ ಪಿರ್ಯಾದು ಅಂಶವಾಗಿರುತ್ತೆ

 

ವೈ ಎನ್  ಹೊಸಕೋಟೆ  ಪೊಲೀಸ್ ಠಾಣಾ ಮೊ. ನಂ-  52/2018   ಕಲಂ: 78 Cls 3 Kp Act

ದಿನಾಂಕ :13/06/2018 ರಂದು ಸಂಜೆ  7:30 ಗಂಟೆ ಸಮಯದಲ್ಲಿ ನಾನು ಠಾಣೆಯಲ್ಲಿರುವಾಗ್ಗೆ ವೈ.ಎನ್. ಹೊಸಕೋಟೆ ಪೊಲೀಸ್ ಠಾಣಾ ಸರಹದ್ದು ವೈ ಎನ್ ಹೊಸಕೋಟೆ   ಗ್ರಾಮದ ಕೆನರಾ ಬ್ಯಾಂಕ್ ಮುಂಭಾಗ ಸಾರ್ವಜನಿಕ ಸ್ಥಳದಲ್ಲಿ   ಮಟ್ಕಾ ಜೂಜಾಟ ನಡೆಯುತ್ತಿದೆ ಎಂತ ಮಾಹಿತಿ ಬಂದ ಮೇರೆಗೆ ಪಂಚರು ಹಾಗೂ ಸಿಬ್ಬಂದಿಯೊಂದಿಗೆ ಮೇಲ್ಕಂಡ ಸ್ಥಳಕ್ಕೆ ಹೋಗಿ ಜೀಪ್ ನಿಲ್ಲಿಸಿ ಕೆಳಗಿಳಿದು ಸ್ವಲ್ಪ ದೂರು ನಡೆದುಕೊಂಡು ಕೆನರಾಬ್ಯಾಂಕ್ ಸರ್ಕಲ್  ಬಳಿ ಮರೆಯಲ್ಲಿ ನಿಂತು ನೋಡಲಾಗಿ  ವೈ.ಎನ್,ಹೊಸಕೋಟೆ  ಗ್ರಾಮದ ಕೆನರಾ ಬ್ಯಾಂಕ್ ಮುಂಭಾಗ  ಒಬ್ಬ ಆಸಾಮಿಯು ಜನರನ್ನು ಕುರಿತು ಬನ್ನಿ ಮಟ್ಕಾ ಚೀಟಿ ಬರೆಸಿಕೊಳ್ಳಿ 1 ರೂಗೆ 70 ರೂ ಕೊಡುತ್ತೇನೆಂತ ಕೂಗೂತ್ತಾ ಜನರಿಂದ ಹಣವನ್ನು ಪಣವಾಗಿ ಕಟ್ಟಿಸಿಕೊಂಡು ಮಟ್ಕಾ ಚೀಟಿ ಬರೆದು ಕೊಡುತ್ತಾ  ಮಟ್ಕಾ ಜೂಜಾಟದಲ್ಲಿ  ತೊಡಗಿದ್ದವನನ್ನು  ನಾನು ಮತ್ತು ಸಿಬ್ಬಂದಿ ಹಾಗೂ ಪಂಚರೊಂದಿಗೆ ದಾಳಿ ನಡೆಸಿದ್ದು ಸಮವಸ್ತ್ರದಲ್ಲಿದ್ದ ನಮ್ಮನ್ನು ನೋಡಿ ಅಲ್ಲಿ ನೆರೆದಿದ್ದ ಜನರು ಓಡಿ ಹೋಗಿದ್ದು ಸಾರ್ವಜನಿಕರಿಂದ ಹಣವನ್ನು ಪಣಕ್ಕೆ ಕಟ್ಟಿಸಿಕೊಂಡು ಮಟ್ಕಾ ಚೀಟಿ ಬರೆದುಕೊಡುತ್ತಿದ್ದ  ಆಸಾಮಿಯನ್ನು   ಹಿಡಿದು ಆತನ  ಹೆಸರು ವಿಳಾಸ ಕೇಳಲಾಗಿ  ಮಾದಪ್ಪ ಬಿನ್ ಲೇ|| ಯಲ್ಲಪ್ಪ, 55 ವರ್ಷ, ಪ.ಜಾತಿ ಕೂಲಿಕೆಲಸ, ವೈ ಎನ್ ಹೊಸಕೋಟೆ ಗ್ರಾಮ ,ಪಾವಗಡ ತಾ||  ಎಂತ ತಿಳಿಸಿದ್ದು ಆತನ ಬಳಿ ಇದ್ದ  ಮಟ್ಕಾ ನಂಬರ್ ಗಳನ್ನು  ಬರೆದಿರುವ ಒಂದು  ಚೀಟಿ, ಒಂದು ಲೆಡ್ ಪೆನ್ ಹಾಗೂ ಪಣಕ್ಕೆ ಕಟ್ಟಿಸಿಕೊಂಡಿದ್ದ 1895=00 ರೂ ನಗದು ಹಣ ಇದ್ದು,   ಪಂಚರ ಸಮಕ್ಷಮ ಪಂಚನಾಮೆ ಮುಖೇನ ವಶಪಡಿಸಿಕೊಂಡು   ಸ್ಥಳದಲ್ಲಿ ಸಿಕ್ಕ  ಆಸಾಮಿಯನ್ನು ಸ್ಥಳದಿಂದ ಕಳುಹಿಸಲಾಗಿರುತ್ತದೆಂತ ,ನಂತರ ಠಾಣೆಗೆ ರಾತ್ರಿ 8:45 ಗಂಟೆಗೆ  ವಾಪಾಸ್ ಬಂದು   ಠಾಣಾ ಎನ್ ಸಿ ಆರ್ : 52/2018   ರಲ್ಲಿ ನೊಂದಾಯಿಸಿ ಈ ಪ್ರಕರಣವು ಅಸಂಜ್ಞೇಯ ಅಪರಾಧವಾಗಿರುವುದರಿಂದ ಮುಂದಿನ ತನಿಖೆ ಕೈಗೊಳ್ಳಲು ಘನ ನ್ಯಾಯಾಲಯವು ಸಂಜ್ಞೇಯ ಅಪರಾಧವಾಗಿ ಪರಿಗಣಿಸಿ ಕಲಂ:78 ಕ್ಲಾಸ್ 3  ಕೆ.ಪಿ. ಆಕ್ಟ್ ರೀತ್ಯಾ ಪ್ರಕರಣ ದಾಖಲಿಸಿ ತನಿಖೆ ಕೈಗೊಳ್ಳಲು ಅನುಮತಿ ನೀಡಲು ಘನ ನ್ಯಾಯಾಲಯದಲ್ಲಿ ಕೋರಿದ್ದು ದಿನಾಂಕ: 14/06/2018  ರಂದು ನ್ಯಾಯಾಲಯವು ಅನುಮತಿ ಆದೇಶ ನೀಡಿದ್ದರಿಂದ ದಿನಾಂಕ:14/06/2018  ರಂದು  ಸಂಜೆ 4:00 ಗಂಟೆಗೆ ಆಸಾಮಿ  ವಿರುದ್ದ ಠಾಣಾ ಮೊ.ನಂ:52/2018 ಕಲಂ:78 ಕ್ಲಾಸ್ 3 ಕೆ.ಪಿ.ಆಕ್ಟ್ ರೀತ್ಯಾ ಪ್ರಕರಣ  ದಾಖಲಿಸಿರುತ್ತದೆ.



Thursday, 14 June 2018

ಅಪರಾಧ ಘಟನೆಗಳು 14-06-18

ತಿಪಟೂರು ನಗರ ಪೊಲೀಸ್ ಠಾಣಾ ಮೊ.ನಂ - 98/2018 ಕಲಂ: 379 IPC

ದಿನಾಂಕ:13/06/2018 ರಂದು ಮಧ್ಯಾಹ್ನ 1-00 ಗಂಟೆಗೆ ಪಿರ್ಯಾದಿ ಟಿ.ಎಸ್ ಲೋಕೇಶ್ @ ನಟರಾಜು ಬಿನ್ ಶಿವನಂಜಯ್ಯ, 58 ವರ್ಷ, ಲಿಂಗಾಯಿತರು, ಜಿರಾಯ್ತಿ,ತಿಮ್ಮಲಾಪುರ, ಹೊನ್ನವಳ್ಳಿ ಹೋಬಳಿ, ತಿಪಟೂರು ತಾಲ್ಲೋಕ್ ರವರು ಠಾಣೆಗೆ ಹಾಜರಾಗಿ ನೀಡಿದ ದೂರಿನ ಅಂಶವೇನೆಂದರೆ, ದಿನಾಂಕ: 09/06/2018 ರಂದು ನನ್ನ ಬಾಬ್ತು ಕೆ.ಎ-44 ಕೆ-6709 ನೇ ಬಜಾಜ್ ಡಿಸ್ಕವರ್ ದ್ವಿಚಕ್ರ ವಾಹನದಲ್ಲಿ ನನ್ನ ಮಗನನ್ನು ಕಾಲೇಜಿಗೆ ಬಿಡಲು ತಿಪಟೂರಿಗೆ ಬಂದು, ಆತನನ್ನು ಕಾಲೇಜಿಗೆ ಬಿಟ್ಟು, ಮಧ್ಯಾಹ್ನ 1-00 ಗಂಟೆಯ ಸಮಯದಲ್ಲಿ ತಿಪಟೂರು ನಗರದ ಕೆ.ಆರ್ ಬಡಾವಣೆಯ ಎ.ಡಿ.ಬಿ ಮಾರನಗೆರೆ ಶಾಖೆ ಎಸ್.ಬಿ,.ಐ ಬ್ಯಾಂಕಿನ ಬಳಿ ಬೈಕನ್ನು ಹ್ಯಾಂಡಲ್ ಲಾಕ್ ಮಾಡಿ ನಿಲ್ಲಿಸಿ ಮಳೆ ಬಂದಿದ್ದರಿಂದ ನನ್ನ ಸ್ನೇಹಿತರ ಮನೆಗೆ ಹೋಗಿ ನಂತರ ಕೆಲಸ ಮುಗಿಸಿಕೊಂಡು ಮಧ್ಯಾಹ್ನ 2-30 ಗಂಟೆಯಲ್ಲಿ ವಾಪಸ್ ಬಂದು ನೋಡಲಾಗಿ ನನ್ನ ದ್ವಿಚಕ್ರ ವಾಹನ ಸ್ಥಳದಲ್ಲಿ ಇರಲಿಲ್ಲ. ಸದರಿ  ಬೈಕನ್ನು ಯಾರೋ ಕಳ್ಳರು ಕಳವು ಮಾಡಿಕೊಂಡು ಹೋಗಿದ್ದರು. ಅದರ ಬೆಲೆ ಸುಮಾರು 24,000/- ರೂ ಆಗಬಹುದು. ನನ್ನ ಬೈಕನ್ನು ಇದುವರೆವಿಗೂ ಎಲ್ಲಾ ಕಡೆ ನೋಡಿದರೂ ಸಹ ಎಲ್ಲಿಯೂ ಪತ್ತೆಯಾಗಿರುವುದಿಲ್ಲ. ಆದ್ದರಿಂದ ನನ್ನ ದ್ವಿಚಕ್ರ ವಾಹನವನ್ನು ಪತ್ತೆ ಮಾಡಿಕೊಡಬೇಕೆಂದು ಕೋರಿ ಈ ದಿನ ತಡವಾಗಿ ಬಂದು ದೂರು ನೀಡಿದ್ದು, ಪ್ರಕರಣ ದಾಖಲಿಸಿರುತ್ತೆ.

ತಿಪಟೂರು ನಗರ ಪೊಲೀಸ್ ಠಾಣಾ ಮೊ.ನಂ - 99/2018 ಕಲಂ: 78(III) KP Act

ದಿನಾಂಕ:13/06/2018 ರಂದು ರಾತ್ರಿ 7-30 ಗಂಟೆಗೆ ಠಾಣಾ ಪಿ.ಸಿ-968 ಮಂಜುನಾಥ್ ರವರು ಠಾಣೆಯಲ್ಲಿ ನೀಡಿದ ವರದಿಯ ಅಂಶವೇನೆಂದರೆ, ನನಗೆ ಈ ದಿನ ದಿನಾಂಕ: 13/06/2018 ರಂದು ಪಿ.ಸಿ-157 ಮೋಹನ್ ಕುಮಾರ್ ರವರ ಜೊತೆಯಲ್ಲಿ ತಿಪಟೂರು ನಗರ ಠಾಣಾ ವ್ಯಾಪ್ತಿಯಲ್ಲಿ ಕರ್ತವ್ಯಕ್ಕೆ ನೇಮಕ ಮಾಡಿದ್ದು, ಅದರಂತೆ ನಾವು ತಿಪಟೂರು ನಗರದ ಗಾಂಧಿನಗರ, ಕರಿಬಸಪ್ಪ ಕಾಲೋನಿ, ಚಾಮುಂಡೇಶ್ವರಿ ಬಡಾವಣೆ, ಕಡೆಗಳಲ್ಲಿ ಗಸ್ತು ಮಾಡಿಕೊಂಡು ಕೆರೆಗೋಡಿ ರಸ್ತೆಗೆ ಬಂದು ವಾಟರ್ ಟ್ಯಾಂಕ್ ಬಳಿ ಬಂದಾಗ ಸಂಜೆ 6-45 ಗಂಟೆಯ ಸಮಯದಲ್ಲಿ ಸದರಿ ಸಾರ್ವಜನಿಕ ರಸ್ತೆಯಲ್ಲಿ ಜನಗಳು ಗುಂಪಾಗಿ ನಿಂತಿದ್ದು, ಮರೆಯಲ್ಲಿ ನಿಂತು ನೋಡಲಾಗಿ, ಗಾಂಧಿನಗರದ ಕೆರೆಗೋಡಿ ರಸ್ತೆಯ ವಾಟರ್ ಟ್ಯಾಂಕ್ 5ನೇ ಕ್ರಾಸ್ ವಾಸಿ ಏಜಾಜ್ ಅಹಮದ್ ಬಿನ್ ಅಬ್ದುಲ್ ಗಫಾರ್ ಎಂಬುವರು ವಿದ್ಯುತ್ ಲೈಟಿನ ಬೆಳಕಿನಲ್ಲಿ ಜನಗಳನ್ನು ಗುಂಪಾಗಿ ಸೇರಿಸಿಕೊಂಡು ಬನ್ನಿ ಮಟಕಾ ಜೂಜಾಟ ಆಡೋಣ 1 ರೂಪಾಯಿಗೆ 70 ರೂಪಾಯಿ ಕೊಡುತ್ತೇವೆ. ಎಂದು ಅವರಿಂದ ಹಣವನ್ನು ಪಡೆದು ಒಂದು ಚೀಟಿಯಲ್ಲಿ ನಂಬರ್ ಬರೆದುಕೊಳ್ಳುತ್ತಿದ್ದರು. ನಂತರ ಪಿ.ಸಿ-157 ಮೋಹನ್ ಕುಮಾರ್ ರವರನ್ನು ಅಲ್ಲೇ ಬಿಟ್ಟು, ನಾನು ಠಾಣೆಗೆ ಬಂದು ಮುಂದಿನ ಕ್ರಮಕ್ಕಾಗಿ ವರದಿ ನೀಡಿರುತ್ತೇನೆಂತಾ ಇತ್ಯಾದಿಯಾಗಿ ನೀಡಿದ ವರದಿಯನ್ನು ಪಡೆದು ನಂತರ ಘನ ನ್ಯಾಯಾಲಯದ ಅನುಮತಿಯನ್ನು ಪಡೆದು ರಾತ್ರಿ 8-00 ಗಂಟೆಗೆ ಠಾಣಾ ಮೊ.ನಂ 99/2018 ಕಲಂ: 78(III) ಕೆ.ಪಿ ಆಕ್ಟ್ ರೀತ್ಯಾ ಪ್ರಕರಣ ದಾಖಲಿಸಿರುತ್ತೆ.

 

ಜಯನಗರ ಪೊಲೀಸ್ ಠಾಣಾ ಮೊ.ನಂ. 89/2018 ಕಲಂ 454, 457, 380 ಐಪಿಸಿ

ದಿನಾಂಕ: 13/06/2018 ರಂದು ಮದ್ಯಾಹ್ನ 1-15 ಗಂಟೆಯಲ್ಲಿ ತುಮಕೂರು ಟೌನ್‌ ಶಾಂತಿನಗರ ಮುಖ್ಯರಸ್ತೆ ವಿಶ್ವಣ್ಣ ಲೇಔಟ್ 3 ನೇ ಕ್ರಾಸ್ ನಲ್ಲಿ ವಾಸವಾಗಿರುವ ತಿಪ್ಪೇಸ್ವಾಮಿ ಎಸ್ ಬಿನ್ ಲೇಟ್ ಶಿವಣ್ಣ ರವರು ಠಾಣೆಗೆ ಹಾಜರಾಗಿ ನೀಡಿದ ಲಿಖಿತ ದೂರಿನ ಅಂಶವೇನೆಂದರೆ, ದಿನಾಂಕ: 09/06/2018 ರಂದು ರಾತ್ರಿ 10-30 ಗಂಟೆ ಸಮಯದಲ್ಲಿ ನಾನು ನನ್ನ ಸಂಸಾರದೊಂದಿಗೆ ಮನೆಗೆ ಬೀಗ ಹಾಕಿಕೊಂಡು ಬಳ್ಳಾರಿ ಜಿಲ್ಲೆ ಹಡಗಲ್ಲಿ ತಾಲ್ಲೂಕು ನಲ್ಲಿ ಇರುವ ಶ್ರೀ ಮೈಲಾರ ಲಿಂಗೇಶ್ವರ ಸ್ವಾಮಿ ದೇವಸ್ಥಾನಕ್ಕೆ ಹೋದೆವು.  ದೇವತಾ ಕಾರ್ಯವನ್ನು  ಮುಗಿಸಿಕೊಂಡು ದಿನಾಂಕ: 11/06/2018 ರಂದು ಬೆಳಗಿನ ಜಾವ 4-00 ಗಂಟೆಗೆ ನಮ್ಮ ಮನೆಯ ಬಳಿ ಬಂದಾಗ ಮನೆಯ ಬಾಗಿಲು ಅರ್ಧ ತೆರೆದಿದ್ದು ನೋಡಲಾಗಿ ಯಾರೋ ಯಾವುದೋ ಆಯುಧದಿಂದ ಮೀಟಿ ಒಳಗೆ ಹೋಗಿರುತ್ತಾರೆ.  ನಾವು ಹೋಗಿ ನೋಡಲಾಗಿ ಮನೆಯ ಹಾಲಿನಲ್ಲಿ ವಸ್ತುಗಳು ಚೆಲ್ಲಾಪಿಲ್ಲಿಯಾಗಿದ್ದವು.  ರೂಮಿನ ಒಳಗೆ ಹೋಗಿ ನೋಡಲಾಗಿ ಬೀರುವಿನ ಬಾಗಿಲನ್ನು ತೆರೆದಿದ್ದು ಬೀರುವಿನಲ್ಲಿದ್ದ HP PC 15-N003TX E64G12PA#ACJ ಲ್ಯಾಪ್ ಟಾಪ್‌ ಮತ್ತು 4 ಗ್ರಾಂ ತೂಕದ ಒಂದು ಜೊತೆ ಚಿನ್ನದ ಜುಮುಕಿಗಳನ್ನು ಕಳುವು ಮಾಡಿಕೊಂಡು ಹೋಗಿರುತ್ತಾರೆ. ಕಳವು ಮಾಡಿಕೊಂಡು ಹೋಗಿರುವ ವಸ್ತುಗಳ ಬೆಲೆ ಸುಮಾರು 24,000 ರೂಗಳಾಗಿರುತ್ತೆ. ನನ್ನ ಮಗಳು ಬೆಂಗಳೂರಿನಲ್ಲಿದ್ದು ಆಕೆಯನ್ನು ಕೇಳಿ ಈ ದಿನ ತಡವಾಗಿ ಠಾಣೆಗೆ ಬಂದು ಕಳವು ಮಾಡಿಕೊಂಡು ಹೋಗಿರುವ ಲ್ಯಾಪ್ ಟಾಪ್‌ ಮತ್ತು ಚಿನ್ನ ಜುಮುಕಿಗಳನ್ನು ಪತ್ತೆ ಮಾಡಿಕೊಡಬೇಕಾಗಿ ಕೋರಿ ನೀಡಿರುವ ದೂರಿನ ಅಂಶವಾಗಿರುತ್ತೆ.

 

 


Page 1 of 3
Start
Prev
1

ಅಪರಾಧ ವರದಿ ಮಾಡಿ


ಜಿಲ್ಲಾ ಪೊಲೀಸ್ ಆಪ್

ತುರ್ತು ಸಹಾಯವಾಣಿ

ಪೊಲೀಸ್
100
ಪೊಲೀಸ್ ನಿಯಂತ್ರಣ ಕೊಠಡಿ
0816-2278000
ತುರ್ತು ಚಿಕಿತ್ಸಾ ವಾಹನ
108
ಅಗ್ನಿಶಾಮಕ ದಳ
101
ಬೆಸ್ಕಾಂ ಸಹಾಯವಾಣಿ
1912
ಹಿರಿಯ ನಾಗರಿಕರ ಸಹಾಯವಾಣಿ
1090
ಮಹಿಳೆಯರ ಸಹಾಯವಾಣಿ
1091
ಮಕ್ಕಳ ಸಹಾಯವಾಣಿ
1098
ಜಿಲ್ಲಾ ಪೊಲೀಸ್ ಕಚೇರಿ
0816-2275451
ಅಡಿಷನಲ್ ಎಸ್.ಪಿ.
0816-2274130
ತುಮಕೂರು ಜಿಲ್ಲಾಧಿಕಾರಿಗಳು
0816-2272480
ಜಿಲ್ಲಾ ಸಾರ್ವಜನಿಕ ಆಸ್ಪತ್ರೆ
0816-2278377
ಜಿಲ್ಲಾ ಸಾರಿಗೆ ಕಚೇರಿ
0816-2278473

ವಿಪಿನ್ ರಾಯ್
9620142317

ಪ್ರಜ್ವಲ್
7996131499

ಗುಂಡಪ್ಪ
9448617529

ತಿಲಕ್
9739596920

ನಂದೀಶ್
9845134445

ಪಾಷ
9900089813

ಹೈದರ್
9980976954


 

Today's Weather

We have 44 guests online
Content View Hits : 289584